8/14/2008

പ്രകൃതി ഭക്ഷണക്കാരെ , ജാഗ്രത !

ആശുപതിയില്‍ വച്ചാണു മനോജിനെ കണതു, ഭാര്യയുമായി വന്നതാണത്രെ. രണ്ടുമാസം മുന്‍പായിരുന്നു കല്യാണം, "ഹമ്പടാ, ഇത്ര വേഗമോ", അവന്റെ മുഖഭാവം കണ്ട ഞാന്‍ തമാശ വെടിഞ്ഞു.ഭാര്യ് ഇന്റന്‍സീവ് കെയര്‍ യൂനിറ്റിലാണ്, അപസ്മാര രോഗ ലക്ഷണങ്ങള്‍. മാനിറ്റോള്‍, ഫെനിറ്റോയിന്‍, കുപ്പികളനവധി കയ്യില്‍. ചതിക്കപ്പെട്ടോ?, ഞാനും സംശയിക്കാതിരുന്നില്ല.

സ്കാന്‍ റിസള്‍ട്ടു വന്നു, തലച്ചോറില്‍ സെറിബ്രത്തില്‍ എന്തോ ഒന്നു, ഒരു നീര്‍ക്കുമിള പൊലെ , വിശദപരിശോധന, വീണ്ടും സ്കാന്‍. തീരുമാനത്തിലെത്തി "ന്യൂറോ സിസ്റ്റിസെര്‍ക്കൊസിസ്", തലച്ചൊറില്‍ നാടവിര ലാര്‍വ കടന്നുകൂടി ഉണ്ടാവുന്ന രോഗം. അല്പം സമാധാനം തിരികേ വന്നപോലെ, ചികിത്സിച്ചു മറ്റാവുന്ന സ്ഥിതിയിലാണു. പ്ക്ഷെ ആരു, എന്തു തെറ്റു ചെയ്തു? ഉത്തരമില്ല.

സിസ്റ്റിസെര്‍ക്കൊസിസ് എന്നതു നാടവിരയുടെ വളര്‍ച്ചയുടെ മധ്യഘട്ടത്തുള്ള ലാര്‍വ അവസ്ഥയാലാണുണ്ടാവുന്നതു. ഈ വിരകളുടെ മുട്ടകള്‍ ഭക്ഷണത്തിലൂടെ ഉള്ളിലെത്തുകയും, ദഹനേന്ദ്രിയ വ്യവസ്ഥയില്‍ വിരിഞ്ഞു ലര്‍വകള്‍ രക്തക്കുഴല്‍ വഴി തലച്ചോറിലെത്തുകയുമാണു ചെയ്യുന്നതു. തലച്ചോറിലെത്തുന്ന ഇവ അവിടെ വളര്‍ന്നു,ഒരു കുമിള പോലെ വീര്‍ക്കുകയും ,ഈ വളര്‍ച്ച് സമീപസ്ഥമായ തലച്ചോര്‍ കോശങ്ങളില്‍ മര്‍ദ്ദം ചെലുത്തുകയും ചെയ്യുന്നു. ഈ മര്‍ദ്ദം ഏറുമ്പോള്‍ അപസ്മാര തുല്യമായ അവഥയുണ്ടാവുകയും, രോഗി അപകടാവസ്ഥയിലാവുകയും ചെയ്യുന്നു. കൂടുതല്‍ അപകടകരമായ അവസ്ഥയിലേക്കു നീങ്ങുന്നതുനു മുന്‍പു കണ്ടെത്തിയതിനാല്‍ മനോജിന്റെ ഭാര്യ, മരുന്നുകളുടെ സഹായത്താല്‍ സുഖം പ്രാപിച്ചു വരുന്നു.

ഇതെങ്ങിനെ സംഭവിക്കാം?
നിലവില്‍ ധരിച്ചുവരുന്നതു മാംസാഹാരങ്ങളില്‍ നിന്നുമാണു ഇതു നമുക്കു കിട്ടുന്നതെന്നാണു.ഇവിടെ ഈ രോഗി നൂറുശതമാനം വെജിറ്റേറിയനാണ് എന്നതാണ്‍ ശ്രദ്ധിക്കേണ്ട വസ്തുത. അപ്പോഴാണു ഡോക്ടര്‍മാര്‍ കാര്യങ്ങള്‍ വിശദീകരിക്കുനത്.നാടവിര ടേനിയ ഇനവും മൊണീസ്യ ഇനവും ആകാം. ഇവയില്‍ മൊണീസ്യയാവട്ടെ ചാണകത്തിലൂടെയാണു മണ്ണിലെത്തുന്നതു. ഇവ നമുക്കു കിട്ടുന്നതാകട്ടെ പച്ചക്കറിയില്‍ നിന്നും. പാചകം ചെയ്യാത്ത ക്യാരറ്റു, ബീറ്റ് റൂട്ട്, ഉള്ളി തുടങ്ങിയ മണ്ണില്‍ വിളയുന്ന പച്ചക്കറികളിലൂടെ ഈ വിരമുട്ടകള്‍ നമ്മുടെ ഉള്ളില്‍ എത്തിപ്പെടുന്നു.
പ്രകൃതിഭക്ഷണവും, ഡയറ്റിംഗ് ഭക്ഷണവുമായി വേവിക്കാത്ത് പച്ചക്കറി മാത്രം കഴിക്കുന്ന പച്ചക്കറിയന്മാര്‍ സൂക്ഷിക്കുക,നാളെ നിങ്ങള്‍ക്കും ഈ രോഗം പിടിപെടാം. കഴിവതും സാലഡ് ഒഴിവാക്കുക, വേവിച്ച ആഹാരം മാത്രം കഴിക്കുക.

31 comments:

അനില്‍@ബ്ലോഗ് // anil said...

പ്രകൃതിഭക്ഷണവും, ഡയറ്റിംഗ് ഭക്ഷണവുമായി വേവിക്കാത്ത് പച്ചക്കറി മാത്രം കഴിക്കുന്ന പച്ചക്കറിയന്മാര്‍ സൂക്ഷിക്കുക,നാളെ നിങ്ങള്‍ക്കും ഈ രോഗം പിടിപെടാം. കഴിവതും സാലഡ് ഒഴിവാക്കുക, വേവിച്ച ആഹാരം മാത്രം കഴിക്കുക.

riyaz ahamed said...

"കഴിവതും സാലഡ് ഒഴിവാക്കുക, വേവിച്ച ആഹാരം മാത്രം കഴിക്കുക."

ദേവേട്ടന്‍സ്!!!!

ചാണക്യന്‍ said...

അനില്‍@ബ്ലോഗ്,
വിശ്വസിക്കാന്‍ ബുദ്ധിമുട്ടുണ്ട്......
ഈ വിഷയത്തില്‍ കുറച്ച് കൂടി ഡാറ്റാസ് കളക്റ്റ് ചെയ്യാന്‍ ശ്രമിക്കൂ, അറിയാന്‍ താല്പര്യമുണ്ട്.
രോഗിയുടെ അസുഖത്തിനു കാരണം ലാര്‍വയായിരിക്കാം, പക്ഷെ അത് ശരീരത്തില്‍ കടന്ന് കൂടിയത് പച്ചക്കറികളിലൂടെയാണെന്നത് വിശ്വസിക്കാന്‍ കഴിയില്ല(കീടനാശിനികളുടെ കാര്യം മറന്നിട്ടില്ല)

അനില്‍@ബ്ലോഗ് // anil said...

പ്രിയ ചാണക്യന്‍,
ഈ തലക്കെട്ടു തിരഞ്ഞെടുത്തതുതന്നെ ഈ വിഷയത്തിന്റെ ഗൌരവം കണക്കിലെടുത്താ‍ണ്. നമ്മുടെ മണ്ണു ഇന്ന് സര്‍വരോഗങ്ങളുടേയും ഒരു സാമ്രാജ്യമാണിന്നു.നിരവധിയാകുന്ന മാലിന്യങ്ങള്‍ രാസ, ജൈവ മാലിന്യങ്ങള്‍, വിസര്‍ജ്ജ്യങ്ങള്‍ ഇവയെല്ലാം നമ്മൂടെ മണ്ണില്‍ അടിഞ്ഞുകൂടിയിരിക്കുന്നു.നേരിട്ടു മണ്ണുമായി ബന്ധമുള്ള ഏതൊരു വസ്തുവും അതു പച്ചക്കറിയായാലും ഈ ഭീഷണിയില്‍ നിന്നും മുക്തമല്ല.തമിഴ്നാട്ടില്‍ നിന്നും വരുന്ന കാരറ്റും മറ്റും പച്ചക്കുപയോഗിക്കരുതെന്നു തന്നെയാണു വിദഗ്ധ മതം.കാരറ്റ് സാമ്പിളുകളില്‍ കണ്ടാ‍മിനേഷ്ന്‍ കണ്ടെത്തിയിട്ടുണ്ട്.നിരുത്തരവാദപരമായ ഒരു പൊസ്റ്റ് അല്ല ഇത്.
നമ്മുടെ നാടു മാറിപ്പൊയി, അതനുസരിച്ചു മണ്ണും.

ചാണക്യന്‍ said...

അനില്‍@ബ്ലോഗ്,
വിസര്‍ജ്യങ്ങള്‍ മണ്ണിലടിയുന്നത് പുതിയ കാര്യമല്ല. ഒരു വിരയുടെ ലാര്‍വ സസ്യത്തിന്റെ വേരു വഴി കടന്ന് ഫലത്തില്‍ വസിച്ച്, അത് പച്ചക്ക് കഴിക്കുന്ന മനുഷ്യരുടെ ഉള്ളിലെത്തി ജീവിത ചക്രം പൂര്‍ത്തിയാക്കുന്നു എന്നത് പുതിയ അറിവാണ്. (ഞാന്‍ താങ്കളുടെ പോസ്റ്റിനെ നിരുത്തരവാദപരമായി കാണുന്നില്ല) മാര്‍ക്കറ്റില്‍ കിട്ടാവുന്ന എല്ലാ കീടനാശിനികളും പ്രയോഗിച്ച് വളര്‍ത്തിയെടുക്കുന്ന ഇപ്പോഴത്തെ പച്ചക്കറികളില്‍ നാടവിരയുടെ ലാര്‍വ കടന്നു കൂടി എന്നത് അല്‍ഭുതമാണ്. ഏതെങ്കിലും പച്ചക്കറിയുടെ ഉള്ളില്‍ നിന്നും ഇത്തരം ഏതെങ്കിലും വിരയുടെ ലാര്‍വയോ മുട്ടയോ കണ്ടെത്തിയാതി റിപ്പോര്‍ട്ടുണ്ടോ? അറിയാന്‍ താല്പര്യമുണ്ട്..

OAB/ഒഎബി said...

അറബികള്‍ നൂറ് ഗ്രാം നോണ്‍ വെജ്: തിന്നുമ്പോള്‍, അതിന്റെ കൂടെ ഇര്‍നൂറ് ഗ്രാം വെജ്: കഴിക്കാന്‍ ശ്രദ്ധിക്കുന്നു. അതും പച്ചക്ക്, കൂടുതലും സലാഡ് ആയി തിന്നുന്നു. ഞാനും അത് കുറേയൊക്കെ പിന്‍ തുടരുകയും മലയാളികളോട് കൂടുതല്‍ പച്ചക്കറി കഴിക്കാന്‍ നിറ്ബന്ധിക്കുകയും ചെയ്യുന്നു. ഇനിയിപ്പൊ വേവിച്ചതെ കഴിക്കാന്‍ പാടുള്ളു എന്ന് പറഞ്ഞാല്‍ അവരൊക്കെ എന്നെ ആട്ടി തല്ലും. ഇവിടത്തെ മണ്ണിന്‍ പ്രശ്നമില്ല എന്ന് സമാധാനിക്കാം അല്ലെ.

അനില്‍@ബ്ലോഗ് // anil said...

ചാണക്യന്‍,
ലാര്‍വ പച്ചക്കറിയില്‍ വിരിയുന്നില്ല,
വിരകളുടെ മൂട്ടകളാനു രൊഗകാരി.
ഇവിടെ മനുഷ്യന്‍ “ഇന്റെര്‍മീഡിയറി ഹോസ്റ്റാണു”,അവിടെ മാത്രമെ ലാര്‍വ ഉണ്ടാ‍വൂ.കാരറ്റ്, ബീറ്റ്രൂട്ട് ഇവ നേരിട്ടു മണ്ണില്‍ നിന്നും പറിക്കുന്നതിനാല്‍ ഇവയുടെ “സര്‍ഫസ്” കണ്ടാമിനേറ്റഡ് ആവുമെന്നു സാരം.എഗ്ഗ് പച്ചക്കറിയുടെ ഉള്ളില്‍ കണ്ടിട്ടുണ്ടൊ എന്നു തീര്‍ച്ചയില്ല.
ഒരു റ്റൈംസ് ഓഫ് ഇന്ത്യ വാര്‍ത്ത
ഒരു സാലഡ് റിപ്പൊര്‍ട്ട്

വെറുതെ നൊക്കിയപ്പോള്‍ കിട്ടിയവയാണ്.

മാവേലി കേരളം said...

ഇത്തരം രോഗാനുഭവങ്ങള്‍ പലര്‍ക്കും അനുഭവപെട്ടിട്ടുള്ളത് അവരുടെ അനുഭവത്തില്‍ നിന്നും അറിയാം.

സാധാരണയായി പോര്‍ക്ക് മാംസം കഴിക്കുന്നവരിലാണ്‍് ഇത്തരം രോഗം പൊതുവെ പ്രത്യക്ഷപ്പെടുക.

രണ്ടു മാസത്തിനു മുന്‍പാണ്‍് ദേശാഭിമായി വാരികയില്‍ ഒരു ഡോക്ടറുടെ അനുഭവമായി ഇതുപ്പോലൊരു രോഗാനുഭവം വായിച്ചത് ഓര്‍മ്മവരുന്നു. അതും സസ്യഭുക്ക്, ഒരു ജേര്‍ണലിസ്റ്റ്, പക്ഷെ അവര്‍ക്ക് എപ്പീലപ്റ്റിക് അറ്റാക്കായിട്ടാണ് രോഗം ഉണ്ടായത്. അതും ചികിത്സിച്ചു ഭേദമായി. ഡോക്ടറുടെ പേരൊന്നും ഓര്‍മ്മിക്കുന്നില്ല.

ചാണക്യന്‍ said...

അനില്‍@ബ്ലോഗ്,
നന്ദി, വിവരങ്ങള്‍ പങ്ക് വെച്ചതിന്,
i like this post very much,
best wishes, keep it up

കരിപ്പാറ സുനില്‍ said...

നമസ്കാരം ശ്രീ അനില്‍ ,
ലേഖനം നന്നായിട്ടുണ്ട്.
ഒരു ധാരണ വിശകലനം ചെയ്യ്‌വാന്‍ ഉതകുന്നതുമാണ്.
മണ്ണില്‍ നിന്നുള്ള ഭക്ഷ്യവസ്തുക്കളില്‍ മണ്ണീലടങ്ങിയ മാലിന്യങ്ങള്‍ കടന്നുകൂടുമെന്നത് വാസ്തവം തന്നെ .
പക്ഷെ , വിരകളുടെ കാര്യം - അപൂര്‍വ്വമായി സംഭവിക്കാവുന്ന - കേസാണെങ്കില്‍ പോലും -ഇപ്പോഴാണ് വ്യക്തമായി അറിയുന്നത് .
എങ്കിലും ചില കാര്യങ്ങള്‍ കൂടി അറിയുവാന്‍ ആഗ്രഹമുണ്ട്
1.മനുഷ്യനിലെ ഉമിനീര്‍ , മറ്റു ദഹനരസങ്ങള്‍ ,എന്‍സൈമുകള്‍ എന്നിവക്ക് ഈ വിരകളെ ( അവയുടെ മുട്ടകളെ ) നശിപ്പിക്കാനുള്ള കഴിവില്ലേ .
2.അതോ അത്തരം കഴിവ് ചില മനുഷ്യരില്‍ നഷ്ടപ്പെടുന്നതാണോ ?
3.ശരീരത്തിന്റെ പ്രതിരോധശേഷിയുടെ കുറവുകൊണ്ടാണൊ ഇത് സംഭവിക്കുന്നത്?
4. കൊതുക് മനുഷ്യരില്‍ നിന്ന് രക്തം കുടിക്കാറുണ്ടല്ലോ . പ്രസ്തുത കൊതുക് ഒരു എയ്‌ഡ്‌സ് രോഗിയില്‍ നിന്നും രക്തം കുടിച്ച് അതിനുശേഷം എയ്‌ഡ്സ് ഇല്ലാത്ത മനുഷ്യനില്‍ നിന്ന് രക്തം കുടിച്ചാലും ആ മനുഷ്യന് എയ്ഡ്സ് പകരില്ല എന്നു വായിച്ചീട്ടുണ്ട്.അതായത് കൊതുകുവഴി മനുഷ്യനില്‍ എയ്ഡ്സ് പകരില്ല എന്ന് . അതായത് എയ്ഡ്സ് കൊതുകിനും ലഭിക്കില്ല എന്ന് .
ഇതുപോലെ ഏതെങ്കിലുമൊരു മെക്കാനിസം മനുഷ്യശരീരത്തിലും നിലവിലുണ്ടാവില്ലേ .
5.അല്ലെങ്കില്‍ തീ കണ്ടുപിടിക്ക്ന്നതിനു മുമ്പത്തെ മനുസ്യവര്‍ഗ്ഗത്തിന്റെ കാര്യം ഒന്ന് ആലോചിച്ചു നോക്കൂ.ആ ജീവിവര്‍ഗ്ഗം തന്നെ -വേവിക്കാത്തെ ഭക്ഷണം കഴിച്ച അവ- ജീവിക്കാന്‍ വല്ലാതെ പാടുപെട്ടിട്ടുണ്ടാവില്ലേ

എന്നിരുന്നാലും പുതിയ ഈ അറിവ് , പ്രത്യേകിച്ചും ഒരു അനുഭവത്തിന്റെ വെളിച്ചത്തില്‍ നല്‍കിയ ശ്രീ അനിലിന് അഭിനന്ദനങ്ങള്‍
ഇനിയും ഇത്തരത്തിലുള്ള പോസ്റ്റുകള്‍ പ്രതീക്ഷിക്കുന്നു
ആശംസകളോടെ

ഹരീഷ് തൊടുപുഴ said...

അനില്‍,
വിജ്ഞാനപ്രദമായ ലേഖനം, ഇങ്ങനെയും ഒരു ദുരിതമുഖമുണ്ടെന്നു ഇപ്പോഴെങ്ഗിലും അറിയാന്‍ കഴിഞ്ഞത് നന്നായി.... പോസ്റ്റിനു അഭിനന്ദനങ്ങള്‍

അനില്‍@ബ്ലോഗ് // anil said...

വായനക്കു നന്ദി ശ്രീ.സുനില്‍ മാഷ്,

1.മനുഷ്യനിലെ ഉമിനീര്‍ , മറ്റു ദഹനരസങ്ങള്‍ , എന്‍സൈമുകള്‍ എന്നിവക്ക് ഈ വിരകളെ ( അവയുടെ മുട്ടകളെ ) നശിപ്പിക്കാനുള്ള കഴിവില്ല. ഇത്തരം ദഹനവ്യൂഹവുമായി ബന്ധപ്പെട്ടു വരുന്ന എല്ലാ പരാദങ്ങളുടെയും കഴിവാണു ഇവയെ പ്രതിരോധിക്കുക എന്നതു.

അഥവാ ആങ്ങിനെ ഉണ്ടായിരുന്നെങ്കില്‍ വിരശല്യം മനുഷ്യനുണ്ടാവുമായിരുന്നില്ലല്ലൊ.

2,3.മനുഷ്യനു രോഗപ്രതിരോധശേഷി കുറയുന്നതിന്നേക്കാള്‍ പുതിയ സാഹചര്യങ്ങള്‍ക്കനുസരിചു പരാദങ്ങളീല്‍ “അഡാപ്ടേഷ്ന്‍ ” കൂടുന്നു എന്നാണു എന്റെ അഭിപ്രായം.

4.മേലുത്തരങ്ങള്‍ മതിയാവുമെന്നു തോന്നുന്നു.
5.തീയുണ്ടാവുന്നതിനു മുന്‍പുള്ള മനുഷ്യവര്‍ഗ്ഗവുമായ തരതമ്യം..

അന്ന ജനിക്കുന്ന എത്ര ശതമാനം ആയുസ്സു പൂര്‍ത്തിയാക്കുന്നു, അല്ലെങ്കില്‍ അന്നത്തെ ആയുര്‍ദൈഘ്യം എത്രയായിരുന്നു എന്നു താരതമ്യം ചെയ്യുകയായിരിക്കും നന്നാവുക.മത്രമല്ല അന്നു “സര്‍വൈവല്‍ ഒഫ് ദ ഫിറ്റെസ്റ്റ്”എന്ന പ്രകൃതിനിയമമായിരുന്നു പ്രമാണം, രോഗങ്ങളും അതില്‍ പെടും.

വായനക്കു ഒരിക്കല്‍ കൂടി നന്ദി

കാപ്പിലാന്‍ said...

ഞാന്‍ ധാരാളം പച്ചക്കറികള്‍ സലാഡ് കഴിക്കുന്ന കൂട്ടത്തിലാണ് .പക്ഷേ നാട്ടില്‍ നിന്നും പച്ചക്കറികള്‍ ഇവിടെ വരാത്തതുകൊണ്ട് കുഴപ്പമില്ല അല്ലേ ? അതുപോലെ തന്നെ പണ്ട് ഞാന്‍ കേട്ടിട്ടുണ്ട് പ്രകൃതി ചികില്‍സകര്‍ പറയുന്നത് ,ആഹാരം കഴിക്കുന്നതിനു ഒരു മണിക്കൂര്‍ മുന്‍പ് മാത്രമേ വെള്ളം കുടിക്കാവൂ എന്നത്.ആഹാരം കഴിച്ചിട്ട് ഒരു മണിക്കൂര്‍ ശേഷവും ( ഞാന്‍ അങ്ങനെയല്ല ,രാവിലെ അനില്‍ ചാനക്ക്യനോട് ചോദിച്ചത് കൊണ്ട് ഞാന്‍ ഇവിടെ എഴുതി എന്ന് മാത്രം )

Areekkodan | അരീക്കോടന്‍ said...

അനില്‍....ഇത്‌ ഞെട്ടിപ്പിക്കുന്ന സത്യം.ഞാനും മക്കളും പച്ച കാരറ്റും കക്കരിക്കയും ധാരാളമായി തിന്നാറുണ്ട്‌.ഇനി അത്‌ ഒഴിവാക്കേണ്ടി വരുമല്ലേ? അറിയിച്ചതിന്‌ നന്ദി.

ബിന്ദു കെ പി said...

അനില്‍,
ഈ പുതിയ അറിവിന് നന്ദി. പോസ്റ്റ് വായിച്ചപ്പോ‍ള്‍ മനസ്സിലുയര്‍ന്ന സംശയങ്ങള്‍ കമന്റുകളിലൂടെ ദൂരീകരിക്കാ‍ന്‍ സാധിച്ചു

അനില്‍@ബ്ലോഗ് // anil said...

കാപ്പിലാന്‍,
പ്രകൃതി ചികത്സയും ഭക്ഷണവും ഭലപ്രദമായ ജീവിത രീതിയാണു.പ്രശ്നം നമുക്കു ലഭിക്കുന്ന പച്ചക്കറിയടക്കം ഉള്ള ഭക്ഷ്യവ്സ്തുക്കളിലാണു. പിന്നേ ഇന്ത്യയിലെ മാത്രം പ്രശ്നമല്ലയിതു, അമേരിക്കയിലായാലും ഗള്‍ഫിലായാലും പച്ചക്കറി ഇറക്കുമതിയാണെങ്കില്‍ നമ്മള്‍ ഈ റിസ്കില്‍നിന്നും ഒഴിവല്ല.പ്രത്യെകിച്ചു ജൈവകൃഷി, അല്ലെങ്കില്‍ ജൈവ വളം ഉപയോഗിക്കുന്ന എല്ലാ മേഖലകളിലും ഇതു ബാധകമാവുകയും ചെയ്യും.

ഒ.ടൊ.കമന്റ്.

വെള്ളം ഭക്ഷണത്തോടൊപ്പം, കഴിച്ചുകഴിഞ്ഞതിനു ശേഷം, ഇവ രണ്ടും കുഴപ്പമുണ്ടാക്കില്ല എന്നാണു എന്റെ വിശ്വാസം.
കഴിച്ച ഭക്ഷണം ദഹിക്കാനാവുന്ന പരുവമാകാന്‍ വെള്ളം കൂടിയെ കഴിയൂ.

ഗിരീഷ്‌ എ എസ്‌ said...

ഉപകാരപ്രദമായ പോസ്‌റ്റാണല്ലോ...

ആശംസകള്‍...

anushka said...

വേവിച്ച ആഹാരം മാത്രം കഴിച്ചാല്‍ നമുക്കാവശ്യമുള്ള എല്ലാ പോഷകങ്ങളും കിട്ടുമെന്ന് താങ്കള്‍ പറയുന്നുവെങ്കില്‍ ,താങ്കള്‍ കാര്യങ്ങള്‍ ശരിയായി മനസ്സിലാക്കിയിട്ടില്ലെന്നാണ്‌ എനിക്ക് തോന്നുന്നത്.

അനില്‍@ബ്ലോഗ് // anil said...

vrajesh,
കാര്യങ്ങള്‍ കൂടുതലായി പഠിച്ചുവരുന്നു.
ഒരു സൂചനയായി ഈ വിഷയം ഒന്നു കണ്ണോടിച്ചു നോക്കൂ.

പാചകം ചെയ്ത ഭക്ഷണം വിഷമോ?

അനില്‍@ബ്ലോഗ് // anil said...

വായനകള്‍ക്കും കമന്റുകള്‍ക്കും നന്ദി.
രിയാസ് അഹമദ്, സന്ദര്‍ശനത്തിനു നന്ദി.
oab,
അരീക്കോടന്‍ മാഷ്,
എല്ലാം നിര്‍ത്തണം എന്നാര്‍ക്കും അഭിപ്രായമില്ലെന്നാണു മനസ്സിലാക്കുനതു. കൂടുതല്‍ ശ്രദ്ധവേണമെന്നു മാത്രം,നല്ലവണ്ണം ഉരച്ചു കഴുകുക,ഉള്ളിയുടെ വേരുള്‍പ്പെടുന്ന സ്റ്റെം ആദ്യം തന്നെ ചൂഴ്ന്നെടുത്തു കളയുക അങ്ങിനെ. പിന്നെ ശരീരത്തുകയറുന്ന ലാര്‍വയെല്ലാം ഓടി തലച്ചോറില്‍ കയറണമെന്നുമില്ല,പലയിടത്തും അടിയുന്ന കൂട്ടത്തില്‍ അവിടെയും പെടുന്നു എന്നു മാത്രം.
വായനകള്‍ക്കു ഒരിക്കല്‍കൂടി നന്ദി

മാണിക്യം said...

മീഡിയം റെയര്‍ സ്റ്റീക്‍ തിന്ന
സായുവ് കൊണ്ടു വന്നു ‘മാഡ് കൌ’... അപ്പൊ പറഞ്ഞു “തിന്നൊ സാലഡ് ” വേവിക്കല്ലേ ഗുണം പോകും!
ഇപ്പൊ ദേ വരുന്നു ഗുണം
തലചോറില്‍ !
പാശ്ചാത്യം തന്നെ നോക്കി പഠി മക്കളെ!!

Typist | എഴുത്തുകാരി said...

ഇതു ഒരു ഞെട്ടിപ്പിക്കുന്ന അറിവാണല്ലോ. സാലഡ് ഒക്കെ കഴിക്കാറുള്ളതാ. ഇനി അതിനും പേടിക്കണമല്ലേ?

കാപ്പിലാന്‍ said...

ബൂലോകര്‍ക്ക് ഓണമായി അല്പം ശുദ്ധ തെങ്ങിന്‍ കള്ളും പ്രവാസികള്‍ക്ക് ഷീ വാസ് റീഗല്‍ ഉം കൊടുക്കാം എന്ന് കരുതിയ ഞാ ആരായി ? കള്ളനായി ,കാശ് കൊടുക്കാതെ വന്ന് കള്ളടിച്ച ചാനക്യാ അവിടെ മാണിക്യം ചേച്ചി കാത്തിരിക്കുന്നു .കണ്ടാല്‍ കുത്തിനു പിടിച്ചു അവിടെ ഇരുത്തും എന്നും പറഞ്ഞു .ഇവിടെ വന്ന് പറയുന്നു ,കണ്ണു പോയീന്ന് .ഇത് ശരിയായില്ല .
വേറെ ആരോ പറഞ്ഞു ശിവന്റെ തിരോധാനവുമായി സ്വാമിക്ക് ബന്ധമുണ്ടെന്ന് .അതൊട്ടും ശരിയായില്ല .ഞാന്‍ വാക്ഔട്ട് നടത്തുന്നു .

Avide postaan pattaathathu kondu ivide postunnu .

അനില്‍@ബ്ലോഗ് // anil said...

ഗുരോ കാപ്പിലാനേ,
പിണങ്ങിപ്പോകാതെ,
ഷാപ്പിലോണക്കച്ചവടം പൊടിപൊടിക്കുകയല്ലെ.

മണിലാല്‍ said...

nannaayi

Anonymous said...

ഗംഭീരം

അനില്‍@ബ്ലോഗ് // anil said...

സ്പാമുകള്‍, അനോണി രൂപത്തില്‍.

ഷിജു said...

അനില്‍ചേട്ടന്‍ എങ്ങനാ വെജിറ്റേറിയനോ അതൊ നോണ്‍ വെജോ????
വെജിറ്റബിള്‍സ് ഒക്കെ നല്ലതുപോലെ കഴുകിയിട്ടല്ലേ നാം ഉപയോഗിക്കാറ്,മാത്രമല്ല അതു നല്ലവണ്ണം peel ചെയ്തതിനുശേഷമാണ് സലാഡിനും മറ്റും ഉപയോഗിക്കുന്നത്. അപ്പോ ഇങ്ങന്നെ ഒരു കാര്യം വിശ്വസിക്കാന്‍ അല്‍പ്പം ബുദ്ധിമുട്ടാണ്. അങ്ങനാണേല്‍ പ്രക്രതി ഭക്ഷണക്കാര്‍ എല്ലാം ഈ രോഗത്തിനു അടിമകളായിരിക്കുമല്ലൊ??? രോഗം ആര്‍ക്കും വരാം പക്ഷെ Raw vegetables കഴിക്കുന്ന എല്ലാവര്‍ക്കും ഈ രോഗം വരും എന്നു പറയുന്നത് അല്‍പ്പം ആശ്ചര്യം തന്നെ.. എന്തായാലും പോസ്റ്റ് ഉഗ്രന്‍....

അനില്‍@ബ്ലോഗ് // anil said...

സ്നേഹിതന്‍|shiju,
ഏറ്റവും ശാസ്ത്രീയമായ നിര്‍ദ്ദേശങ്ങളാണു താങ്കള്‍ കമന്റ് ചെയ്തിരിക്കുന്നതു. അതു അങ്ങിനെ തന്നെയെങ്കില്‍ കാര്യമായ കുഴപ്പമില്ല എന്നാണു എനിക്കും തോന്നുന്നതു. പിന്നെ റെസ്റ്റോറന്റിലും മറ്റും കിട്ടുന്ന സാധനങ്ങള്‍ എത്ര മാത്രം ശാസ്ത്രീയമായി കൈകാര്യം ചെയ്യുന്നതാണെന്നു നമുക്കു ഊഹിക്കാവുന്നതെയുളൂ.
കാരറ്റിന്റെ കാര്യമാണെങ്കില്‍ ഈ പീലിങ് അവിടെ നടക്കില്ല, ചെറു സുഷിരങ്ങളുള്ള അതിന്റെ പൂറം എത്ര സ്കേപ്പ് ചെയ്താലും 100 ശതമാനമാകില്ല.

ഒരു സാധ്യത ചൂണ്ടിക്കാട്ടുയെന്നേയുള്ളൂ, വായനക്കു നന്ദി.

Suraj said...

പ്രിയ അനിൽ ജീ,

ഒരു സുഹൃത്തിന്റെ മെയിൽ വഴിയാണിവിടെ എത്തിപ്പെട്ടത്. എന്റെ അറിവ് വച്ചുള്ള ചില അഭിപ്രായങ്ങൾ താഴെ കുറിക്കുന്നു:

പച്ചക്കറിയും പഴങ്ങളും വേവിക്കാതെയും പ്രോസസ് ചെയ്യാതെയും ‘പച്ചയ്ക്ക് ’ തിന്നുന്നതു തന്നെയാണ് എന്തുകൊണ്ടും നല്ലത്. അതിലൂടെ കിട്ടുന്ന നാരുകൾ, നിരോക്സീകാരികൾ എന്നിവ കൊണ്ടുള്ള പ്രയോജനത്തെ എത്ര വാഴ്ത്തിയാലും തീരില്ല. പ്രത്യേകിച്ചും ഇന്നത്തെ ഫാസ്റ്റ് ഫുഡ് യുഗത്തിൽ.

വെജിറ്റേറിയൻ ആഹാരം വേവിക്കാതെ കഴിക്കുമ്പോൾ വിരകളുടെ മുട്ട ഉള്ളിൽ ചെല്ലാനും ഇൻഫക്ഷൻ ഉണ്ടാകാനും സാധ്യത ഉണ്ട്. എന്നാൽ വിരകളേക്കാൾ സർവ്വ വ്യാപികളാണു ബാക്ടീരിയ.

അതേപ്പറ്റി നടന്ന പഠനങ്ങൾ നോക്കിയാൽ പച്ചക്കറി കൃഷിയിൽ ശാസ്ത്രീയമായ വിര/അണു നശീകരണ രീതികൾ അനുവർത്തിക്കാത്ത സ്ഥലങ്ങളിൽ ഇത് കൂടുതലാണു എന്നു കാണാം.

(അപൂർവ്വം പഠനങ്ങൾ സൂചിപ്പിക്കുന്നത് വികസിത രാജ്യങ്ങളിൽ പോലും ഈ പ്രശ്നം ഉണ്ടെന്നാണ്)

പച്ചക്കറി ‘പച്ചയ്ക്ക്’ ഉപയോഗിക്കുന്നത് തെറ്റാണ് എന്നു നിർദേശിക്കാനും മാത്രം വിപുലമായ പഠനങ്ങൾ നടന്നിട്ടില്ല. പല പഠനങ്ങളേയും കോർത്തിണക്കിക്കൊണ്ട് വന്ന റിവ്യൂകളും പച്ചക്കറി വേവിക്കാതെ കഴിക്കരുത് എന്ന് നിർദ്ദേശിക്കാൻ മുതിർന്നിട്ടില്ല.

അതുകൊണ്ട് വെജിറ്റേറിയന്മാരേ.. നിങ്ങൾ ഭാഗ്യവാന്മാർ.. എന്തെന്നാൽ .. :))


പ്രധാന പഠനങ്ങൾ കാണിക്കുന്നത് താഴെപ്പറയുന്ന വിഭാഗത്തിലെ ആളുകളിലാണു ഭക്ഷണജന്യമായ പലതരം വിരകൾ/ബാക്ടിരിയ കൂടുതൽ കാണുന്നത് എന്നത്രെ:
*വേവിക്കാത്ത മാംസം കഴിക്കുകയോ പാചകത്തിനിടയിൽ രുചിച്ചു നോക്കുകയോ ചെയ്യുക
*ഹോട്ടൽ/റെസ്റ്ററന്റ് പാചകക്കാർ
*തിളപ്പിക്കാത്ത പാൽ കുടിക്കുന്നവർ,
*ചൂടാക്കാത്ത/അണുനാശം വരുത്താത്ത വെള്ളം ഉപയോഗിക്കുന്നവർ.

പച്ചക്കറിഉപയോഗിക്കുന്നവർ ചില പൊടിക്കൈകൾ സ്വീകരിച്ചാൽ വിര ബാധ/ അണുബാധ എന്നിവയിൽ നിന്നും കുറേയൊകെ രക്ഷപ്പെടാം:

1. ഇവ കൈകാര്യം ചെയ്താൽ കൈകൾ ചെറു ചൂടിൽ കഴുകുക. നഖത്തിനടിയിലെ അഴുക്ക് പഴയൊരു ടൂത്ത് ബ്രഷ് ഉപയോഗിച്ച് ഉരച്ചുകളയുക.

2. ചെറു ചൂടിൽ പച്ചക്കറികൾ കഴുകുക. മാർദ്ദവമുള്ള ഒരു ബ്രഷ് ഉപയോഗിച്ച് ചെറുതായി ഉരച്ച് മണ്ണും ചെളിയും കളയുക. ഒഴുകിപ്പോകുന്ന വെള്ളത്തിൽ കഴുകാൻ ശ്രദ്ധിക്കുക. പാത്രത്തിലെടുത്ത വെള്ളത്തിലിട്ട് കഴുകിയിട്ട് കാര്യമില്ല - പൈപ്പിനടിയിൽ പിടിക്കൂ ..... ;)

3. മുറിച്ചു കഴിഞ്ഞ് ബാക്കി വരുന്ന പച്ചക്കറിയും പഴങ്ങളും ഫ്രിഡ്ജിൽ (5 ഡിഗ്രി സെന്റീഗ്രേഡ്) സുക്ഷിക്കുക.

4. ബീൻസ്, പയറ് വർഗ്ഗങ്ങൾ എന്നിവ കഴിവതും വേവിച്ചു മാത്രം കഴിക്കുക. വേവിച്ചാൽ പോലും ചിലപ്പോൾ ഇതിന്റെ ഉള്ളിൽ നേരത്തേ കയറിപ്പറ്റുന്ന ബാക്ടീരിയ പയലുകളെ കൊല്ലാൻ പറ്റിയെന്നു വരില്ല. അപ്പോൾ ആ കാര്യം ശ്രദ്ധിക്കുക.

5. ചീഞ്ഞ ഭാഗങ്ങൾ ഒരുകാരണവശാലും തിന്നരുത് (അതു പിന്നെ പറയണോ ... ?!)

6. വെള്ളരിക്ക, മത്തങ്ങ, തണ്ണീർ മത്തൻ (വത്തയ്ക്ക എന്ന് മലബാറിൽ) തുടങ്ങിയവ കഴിവതും ബ്രഷ് വച്ച് ഉരച്ച് കഴുകിയിട്ട് മാത്രം മുറിക്കുക. പുറം ചുരണ്ടിയ കത്തി കഴികിയിട്ട് മാത്രം അകത്തോട്ട് കയറ്റി മുറിക്കുക - മുറിക്കുന്ന കത്തിയിലൂടെയാവും പലപ്പോഴും പുറത്തെ അണുക്കൾ പച്ചക്കറിക്കുള്ളിൽ എത്തുന്നത്.


ഇവിടെ അമേരിക്കയിൽ ഫുഡ് ആന്റ് ഡ്രഗ് അഡ്മിനിസ്റ്റ്രേയ്ഷൻ വളരെ കൃത്യമായി ഓരോ പച്ചക്കറിയും മാർക്കറ്റിലെത്തും മുൻപ് അതിലെ കീടനാശിനി അളക്കൽ, അണുക്കൾക്കായി സാമ്പ്ലിംഗ് എന്നിവ നടത്തുന്നുണ്ട്. സാധനം വാങ്ങാൻ പോകുമ്പോൾ കടകളിൽ ചില പച്ചക്കറികളിൽ അതാതു സീസനിൽ കണ്ടുവരുന്ന രോഗാണുവെന്താണെന്നും അതു വാങ്ങുമ്പോൾ ശ്രദ്ധിക്കണമെന്നും വരെ നോട്ടീസ് ഒട്ടിച്ചിട്ടുണ്ടാകും. (ഉദാഹരണത്തിനു മെക്സിക്കൻ മുളകായ ഹാലപ്പീനോയിൽ ഈയിടെ ഉണ്ടായ സാൽമണെല്ലാ (ബാക്റ്റീരിയ) ഇൻഫക്ഷൻ പലയിടത്തും വയറിളക്കമുണ്ടാക്കിയിട്ടുണ്ട്. മുന്നറിയിപ്പുകൾ വേഗം തന്നെ വരുകയും ചെയ്തു.

നമ്മുടെ നാട്ടിൽ ആ രീതിയിൽ ഒരു ക്വാളിറ്റി കണ്ട്രോൾ ഇല്ല എന്നത് ഒരു പ്രശ്നമാണ്. കൺസ്യൂമർ അവകാശ പ്രവർത്തകർ ആ വഴിക്ക് ആലോചിക്കാവുന്നതാണ്. ഒരു പോംവഴി സ്വന്തം പച്ചക്കറിത്തോട്ടം ഉണ്ടാക്കുക എന്നതാണ്. അതിനിനി സ്ഥലമെവിടെ ??!! ആ..! എന്തരോ !

എന്തായാലും ഈ വിഷയം പൊതുശ്രദ്ധയിൽ കൊണ്ടുവന്ന അനിൽ ജീയുടെ നല്ല മനസ്സിനു നന്ദി . മലയാളം ബ്ലോഗ് മനുഷ്യനുപകാരപ്രദമാകട്ടെ . ആശംസകൾ.

അനില്‍@ബ്ലോഗ് // anil said...

പ്രിയ സൂരജ്,
ഒരു ജൈവശാസ്ത്രജ്ഞന്‍ എന്ന നിലയില്‍ താങ്കളുടെ കമന്റ് ഈ പോസ്റ്റിന്റെ നിലവാരം ഉയര്‍ത്തിയിരിക്കുന്നു.അതിനാദ്യമേ നന്ദി പറയെട്ടെ.

പച്ചക്കറി ‘പച്ചയ്ക്ക്’ ഉപയോഗിക്കുന്നത് തെറ്റാണ് എന്നു നിർദേശിക്കാനും മാത്രം വിപുലമായ പഠനങ്ങൾ നടന്നിട്ടില്ല. പല പഠനങ്ങളേയും കോർത്തിണക്കിക്കൊണ്ട് വന്ന റിവ്യൂകളും പച്ചക്കറി വേവിക്കാതെ കഴിക്കരുത് എന്ന് നിർദ്ദേശിക്കാൻ മുതിർന്നിട്ടില്ല.

തീര്‍ച്ചയായും ശരിയായ നിരീക്ഷണം. പച്ചക്കറികള്‍ മൊത്തം എന്ന് പൊസ്റ്റില്‍ പറയുന്നില്ല എന്നു ശ്രദ്ധിക്കണേ.വിസര്‍ജ്യങ്ങള്‍ വളമായി ഉപയോഗിക്കുന്ന പച്ചക്കറികള്‍ , പ്രധാനമായും റൂട്ട് , ട്യൂബര്‍ ഇനങ്ങള്‍ പച്ചക്കു തിന്നുമ്പോള്‍ ശ്രദ്ധവേണമെന്നു മാത്രമാണു ഉദ്ദേശിക്കുന്നതു.ഇന്നതെ ജൈവ കൃഷിയില്‍ (കൃത്യമായ ക്വാളിറ്റി കണ്ട്രോള്‍ ഇതിലുമില്ല)ഇതു അല്പം കൂടി ആളുകള്‍ ഗൌരവത്തിലെടുക്കട്ടെ എന്നു കരുതി.

ഒരിക്കല്‍ കൂടി നന്ദി.