6/26/2010

ഇന്ത്യയെങ്ങോട്ട്

അര്‍ത്ഥശൂന്യമായൊരു ചോദ്യമാണ്, ഇന്ത്യയെങ്ങോട്ട് എന്നത്.
എങ്ങോട്ടേക്ക് പോയാലും ഈ നാട്ടിലെ മഹാഭൂരിപക്ഷം വരുന്ന ദരിദ്രനാരായണന്മാര്‍ക്ക് ഒന്നും ചെയ്യാനാവില്ല എന്ന അവസ്ഥയിലെക്ക് ഇന്ത്യാരാജ്യം എത്തിച്ചേര്‍ന്നു എന്നതുകൊണ്ട് മാത്രമാണ് മേല്‍ ചോദ്യം അര്‍ത്ഥശൂന്യമാകുന്നത്. അതുമല്ലെങ്കില്‍ മുന്നേറിക്കൊണ്ടിരിക്കുന്ന വ്യവസ്ഥിതി നമ്മെ എങ്ങോട്ടെക്കാണ് നയിച്ചേക്കുക എന്നത് ഏറെക്കുറെ വ്യക്തമായിരിക്കുന്നു എന്നു വേണമെങ്കിലും പറയാം. കഴിഞ്ഞ പാര്‍ലമെന്റ് കാലത്ത് ഇടതുപക്ഷം പിന്‍വലിച്ച പിന്തുണക്ക് പകരം എംപിമാരെ വിലക്കുവാങ്ങാന്‍ കോടികള്‍ ചിലവിട്ട കണക്ക് നമ്മള്‍ കണ്ടുകഴിഞ്ഞു. നിലവില്‍ ഭരണയന്ത്രം നിയന്ത്രിക്കുന്ന പാര്‍ലമെന്റ് അംഗങ്ങളില്‍ 300 നുമുകളില്‍ പേര്‍ ബില്ല്യണയര്‍മാരാണ്. കോണ്‍ഗ്രസ്സിന്റെ എംപി മാരില്‍ ഇരുനൂറ്റി അമ്പതോളം പേര്‍ കോടിപതികളാണെന്നും കണക്കുകള്‍ സൂചിപ്പിക്കുന്നു. ഈ ഒറ്റ കണക്കുതന്നെ നമ്മുടെ നാട് എങ്ങോട്ടാണ് പോകുന്നതെന്നതിന്റെ സൂചനയാണ് നല്‍കുന്നത്. ലക്ഷക്കണക്കുനു രൂപ ദിവസവാടകയുള്ള ഹോട്ടലുകള്‍ മാത്രം താമസ്സത്തിനു തിരഞ്ഞടുക്കുന്ന എംപി മാരുള്ള നാട്ടില്‍, അവര്‍ക്ക് ഓശാനപാടാന്‍ ആരാധകരുള്ള നാട്ടില്‍ ആരുടെ താത്പര്യങ്ങളാണ് സംരക്ഷിക്കപ്പെടുക?

ഈ ഒരു വിഷയം ഇവിടെ പരാമര്‍ശിക്കാന്‍ കാരണം സമീപകാലത്തായി നമ്മുടെ നാട്ടില്‍ നടന്ന ചിലകാര്യങ്ങളില്‍ പൊതു മാദ്ധ്യമങ്ങളിലും ബ്ലോഗിലും ഉയര്‍ന്ന ചര്‍ച്ചകളാണ്. ഇന്ത്യയുടെ പൊതുസ്വത്തായ പൊതുമേഖലാ സ്ഥാപനങ്ങള്‍ വിറ്റുതുലച്ചുകൊണ്ടിരിക്കുന്നതിനെയും നമ്മുടെ സമ്പത് വ്യവസ്ഥയുടെ നട്ടല്ലായ ബാങ്കുകള്‍ ഇന്‍ഷ്വറന്‍സ് സ്ഥാപനങ്ങള്‍ എന്നിവ സ്വകാര്യവത്കരിക്കുന്നതിനെയും അനുകൂലിച്ച് ജെയ് വിളിക്കാന്‍ ഇവിടെ ജനാധിപത്യവാദികള്‍ മത്സരിക്കുന്നു എന്നത് കൌതുകത്തോടെ മാത്രമേ വീക്ഷിക്കാനാവൂ. കടുത്ത സാമ്പത്തിക മാന്ദ്യത്തില്‍ ലോകമൊന്നാകെ ഉലഞ്ഞപ്പോഴും ഇന്ത്യ പരിക്കുപറ്റാതെ നിന്നത് ഇവിടുത്തെ ധനകാര്യ സ്ഥാപങ്ങള്‍ സര്‍ക്കാര്‍ ഉടമസ്ഥതിയിലായതിനാലാണെന്ന് നമ്മൂടെ ധനമന്ത്രി ചിദംബരം തന്നെ പറഞ്ഞതും ആരുടേയും കണ്ണു തുറപ്പിച്ചില്ല. എന്നിട്ടും കടുത്ത സ്വകാര്യവത്കരണ നടപടികളുമായി സര്‍ക്കാര്‍ മുന്നോട്ട് പോകുന്നു.കുത്തകകള്‍ക്ക് അനുകൂലമായി സര്‍ക്കാര്‍ തീരുമാനങ്ങള്‍ പുറത്തുവരുന്നത് ആദ്യമായല്ല, ആകസ്മികമായും അല്ല. ശത കോടീശ്വരന്മാര്‍ നമ്മുടെ പാര്‍ലമെന്റില്‍ കയറിയിരിക്കുന്നത് വെറുതെ അല്ലല്ലോ.

ഇന്ത്യന്‍ ജനാധിപത്യത്തിനിന്ന് പാവപ്പെട്ടവന്റെ മുഖമില്ല. ജവര്‍ലാല്‍ നെഹറു മുന്നോട്ട് വച്ച സോഷ്യലിസ്റ്റ് കാഴ്ചപ്പാടില്‍ നിന്നത് ഏറെ പിന്നോട്ട് പോയിരിക്കുന്നു. കഴിഞ്ഞൊരു ദിവസം ബ്ലോഗിലെ പ്രമുഖ “ജനാധിപത്യവാദി” ആയ ശ്രീമാന്‍ കെ.പി. സുകുമാരന്‍ അഞ്ചരക്കണ്ടിയുടെ ഒരു പോസ്റ്റ് കണ്ട് അമ്പരന്നു പോയി. ചില വാചകങ്ങള്‍ അര്‍ത്ഥമാക്കുന്നത് ഇപ്രകാരമാണ് -

സ്വകാര്യസ്വത്തിലും സ്വകാര്യമൂലധനത്തിലും അധിഷ്ഠിതമായ ഒരു ജനാധിപത്യവ്യവസ്ഥിതിയാ‍ണ് നമ്മള്‍ സ്വാതന്ത്ര്യാനന്തരം തെരഞ്ഞെടുത്തതെന്നും, അത്തരം സമ്പ്രദായത്തില്‍ പ്രവര്‍ത്തിക്കുന്ന ഭരണകൂടത്തിന് പരിമിതികളുണ്ട്, അതിനാകട്ടെ സ്ഥിതിസമത്വം ഏര്‍പ്പെടുത്താനുള്ള ബാധ്യതയുമില്ല. എല്ലാം ചെയ്യേണ്ടത് സര്‍ക്കാരാണ്, ജനങ്ങള്‍ ചുമ്മാ പെറ്റുപെരുകിയാല്‍ മതി എന്നാണെങ്കില്‍ ഇപ്പോള്‍ തന്നെ വിപ്ലവത്തിന് ഇറങ്ങിപ്പുറപ്പെടണം. ഇത് ക്യാപിറ്റലിസ്റ്റ് വ്യവസ്ഥിതി തന്നെയാണ്.


ഉദാഹരണമായി ബ്ലോഗില്‍ നിന്നു തന്നെയുള്ള ഒരു ആശയം ചൂണ്ടിക്കാട്ടി എന്നെ ഉള്ളൂ, ഇത് അഞ്ചരക്കണ്ടിയുടെ മാത്രം ചിന്താഗതിയുടെ പ്രശ്നമല്ല, മറിച്ച് മാറിവരുന്ന ചിന്താധാരയാണ്. പണമുള്ളവന്‍ അതുണ്ടാക്കാനുള്ള വഴികള്‍ തേടുമെന്നും അതിനിടെ വീണുകിട്ടുന്ന വല്ലതും തേടിപ്പിടിച്ച് വിശപ്പടക്കെണ്ട ബാദ്ധ്യത പട്ടിണിക്കാരനാണെന്നുമാണ് മുതലാളിത്തത്തിന്റെ കാഴ്ചപ്പാട്. ഈ കാഴ്ചപ്പാടില്‍ ഒരു രാജ്യം കെട്ടിപ്പടുക്കാന്‍ കോടിക്കണക്കിനു രൂപ പണം പണം മുടക്കി ഒരു ജനാധിപത്യ സര്‍ക്കാര്‍ ആവശ്യമില്ലല്ലോ.

ജനാധിപത്യത്തിലൂടെ സോഷ്യലിസ്റ്റ് ചിന്താഗതി രാജ്യത്ത് നടപ്പാവണമെന്ന് ആരും പ്രതീക്ഷിക്കുന്നില്ല. എന്നിരുന്നാലും തിരഞ്ഞെടുക്കപ്പെട്ട സര്‍ക്കാര്‍ എന്ന നിലയില്‍, മഹാ ഭൂരിപക്ഷം വരുന്ന സാധാരണക്കാരനോട് യാതൊരു ബാദ്ധ്യതയും ഇല്ല എന്ന പ്രഖ്യാപനവുമായി മുന്നോട്ട് പോകുന്നത് കണ്ടില്ലെന്ന് വക്കാനാവുമോ? എണ്ണവില നിശ്ചയിക്കാനുള്ള അധികാരം ഉപേക്ഷിക്കുന്ന തീരുമാനത്തിലേക്ക് സര്‍ക്കാര്‍ എത്തിയത് ഇത്തരം തന്ത്രപ്രധാന മേഖകളില്‍നിന്നുള്ള സര്‍ക്കാര്‍ പിന്മാറ്റമാണ് കാണിക്കുന്നത്. സ്വകാര്യ മുതലാളിമാര്‍ക്ക് രാജ്യത്തിന്റെ നിയന്ത്രണം ഏല്‍പ്പിച്ചുകൊടുക്കുന്നതിനു സമാനമായ ഒരു നടപടി, ഭാവിയില്‍ വരാനിരിക്കുന്ന അനേകം പരിഷ്കാരങ്ങളുടെ മുന്നോടി. ഇത്തരം നടപടികള്‍ക്കെതിരെ രണ്ട് വരി എഴുതിയെങ്കിലും പ്രതിഷേധിക്കുക എന്നത് ഞാന്‍ എന്ന വ്യക്തിയുടെ ബാദ്ധ്യതയാണ്. അതു ചെയ്യുന്നു എന്ന് മാത്രം.

89 comments:

അനില്‍@ബ്ലോഗ് // anil said...

ഇന്ത്യയെങ്ങോട്ട്?

MOHAN PUTHENCHIRA മോഹന്‍ പുത്തന്‍‌ചിറ / THOONEERAM said...

ഇന്ത്യയെങ്ങോട്ട് - എന്നതിനു വ്യക്തമായ ഉത്തരമുണ്ട്. അത് പാവപ്പെട്ടവെന്റെ നെഞ്ചിലൂടെ പണക്കാരനു വേണ്ടി വെട്ടുന്ന സൂപ്പര്‍ ഹൈവേയിലൂടെ കുതിക്കുകയാണ്. സ്വകാര്യവല്‍ക്കരണം കൊണ്ട് നന്നാവുന്നവന്‍ മുതലാളി മാത്രമായിരിക്കും എന്നത് പകല്‍ പോലെ സത്യമാണ്. അതാണല്ലോ മന്‍‌മോഹന്‍ സിംഗിന്റെ അജന്‍ണ്ട. പാ‍വപ്പെട്ടവര്‍ ജീവിക്കാന്‍ വഴിയില്ലാതെ ഇല്ലാതായിത്തീരുമ്പോള്‍ എല്ലാം സമത്വ സുന്ദരം.

ബ്ലോഗിലെ രണ്ടു വരിയിലൂടെയെങ്കിലും പ്രതിഷേധിക്കാന്‍ തുനിഞ്ഞതിന് നന്ദി. പ്രതിഷേധത്തില്‍ ഈയുള്ളവനും പങ്കു ചേരുന്നു.

ജിവി/JiVi said...

ബ്ലോഗില്‍ എഴുതി മാത്രം പ്രതിഷേധിക്കുമ്പോള്‍ അത് എത്തുന്നത് വീണ്ടും അഞ്ചരക്കണ്ടികളുടെ അല്പബുദ്ധിയിലേക്കാണ്. ഇത്തരം തെമ്മാടിത്തത്തിനെതിരെ തെരുവില്‍ ഇറങ്ങി പ്രതിഷേധിക്കുന്ന പ്രസ്ഥാനങ്ങളോടൊപ്പം അണിചേരേണ്ടതും ഉത്തരവാദപ്പെട്ട ഒരു പൌരന്റെ കടമയാണ്. കോര്പ്പപറേറ്റുകള്ക്ക് വിടുപണി ചെയ്യുന്ന ഭരണകൂടങ്ങള്‍ക്കെതിരെ നിരന്തരം കലഹിക്കുന്ന ഒരു മധ്യവര്ഗ്ഗം ഇവിടെയുണ്ടെന്ന് നമ്മുടെ രാജ്യത്തെ 70കോടി പരമദരിദ്രര്ക്ക് ബോധ്യപ്പെടേണ്ടതുണ്ട്.

ശ്രീക്കുട്ടന്‍ said...

പ്രസക്തമായ ഒരു ചോദ്യമാണ് താങ്കള്‍ ചോദിച്ചിരിക്കുന്നത്.അഞ്ചരക്കണ്ടിമാരെയെന്തിനു കുറ്റം പറയണം അനിലേട്ടാ. എല്ലാം തന്നെ കുത്തകകള്‍ക്കായി തീറെഴുതി നല്‍കുവാന്‍ കൊണ്ടുപിടിച്ചു ശ്രമിക്കുന്ന,പാവപ്പെട്ടവന്റെ ആത്മാവും പ്രതീക്ഷയുമെന്നൊക്കെ വാഴ്ത്തപ്പെടുന്ന ഒരു സര്‍ക്കാര്‍ തന്നെ മുന്‍ കയ്യെടുക്കുമ്പോള്‍ രക്തത്തില്‍ അടിമമനോഭാവം അലിഞ്ഞുചേര്‍ന്നുപോയിട്ടുള്ള ഒരു സമൂഹം ഒന്നും മിണ്ടാതെ തലയും കുനിച്ചു റാന്‍ മൂളി നില്‍ക്കുന്നതില്‍ പ്രത്യേകിച്ച് ഒരത്ഭുതവുമില്ല.എല്ലാം അനുഭവിക്കുവാന്‍ തയ്യാറാണെന്നു മനസ്സിലോരായിരം പ്രാവശ്യം പറഞ്ഞുകൊണ്ടിരിക്കുന്ന ഞാനുല്‍പ്പെട്ട ഈ സമൂഹം ഇതില്‍കൂടുതല്‍ ഒന്നും അര്‍ഹിക്കുന്നില്ല.അത്ര തന്നെ.വരുന്നതു വരട്ടെ.

jayanEvoor said...

ഗൌരവമായി ചിന്തിക്കേണ്ട വിഷയം തന്നെ.
ജനാധിപത്യ സമൂഹത്തിൽ ഓരോരുത്തർക്കും അവനവനിഷ്ടമുള്ളത് തെരഞ്ഞെടുക്കാൻ അവകാശമുണ്ട്. പക്ഷേ അത് ഒരു ജനതയുടെ ബോധനിലവാരത്തെ ആശ്രയിച്ചിരിക്കും.

ചിലപ്പോൾ ശരികൾ വനരോദനങ്ങൾ മാത്രമായിപ്പോകുന്നത് അതുകൊണ്ടാണ്.

തറവാടി said...

>>നിലവില്‍ ഭരണയന്ത്രം നിയന്ത്രിക്കുന്ന പാര്‍ലമെന്റ് അംഗങ്ങളില്‍ 300 നുമുകളില്‍ പേര്‍ ബില്ല്യണയര്‍മാരാണ്. കോണ്‍ഗ്രസ്സിന്റെ എംപി മാരില്‍ ഇരുനൂറ്റി അമ്പതോളം പേര്‍ കോടിപതികളാണെന്നും കണക്കുകള്‍ സൂചിപ്പിക്കുന്നു<<

ഭരിക്കുന്നവര്‍ ബില്യണയര്‍ മാരായതാണോ താങ്കളുടെ പ്രശ്നം അതോ ഈ ബില്യണ്‍സൊക്കെ അഴിമതിയിലൂടെ നേടിയതെന്നതാണോ? അതുമല്ല ബില്യണയര്‍ ആയ മന്ത്രിക്ക് ഭരിക്കാന്‍ പാടില്ല എന്നതാണോ? വ്യക്തമാകാത്തതില്‍ ചോദിച്ചതാണ്.

>>ഈ ഒറ്റ കണക്കുതന്നെ നമ്മുടെ നാട് എങ്ങോട്ടാണ് പോകുന്നതെന്നതിന്റെ സൂചനയാണ് നല്‍കുന്നത്. ലക്ഷക്കണക്കുനു രൂപ ദിവസവാടകയുള്ള ഹോട്ടലുകള്‍ മാത്രം താമസ്സത്തിനു തിരഞ്ഞടുക്കുന്ന എംപി മാരുള്ള നാട്ടില്‍, അവര്‍ക്ക് ഓശാനപാടാന്‍ ആരാധകരുള്ള നാട്ടില്‍ ആരുടെ താത്പര്യങ്ങളാണ് സംരക്ഷിക്കപ്പെടുക?<<

താങ്കളുടെ പാര്‍ട്ടി ഭരിക്കുന്ന കേരളത്തിലെ ഇന്നത്തെ മന്ത്രിമാര്‍ വിദേശ കാറുകളും മറ്റും ഉപയോഗിക്കുന്നതിനെപറ്റി എന്താണ് താങ്കളുടെ അഭിപ്രായം?

( ന്യായീകരിച്ചതല്ല ജസ്റ്റ് അറിയാന്‍ )

>>ഇന്ത്യന്‍ ജനാധിപത്യത്തിനിന്ന് പാവപ്പെട്ടവന്റെ മുഖമില്ല<<

അതിനെന്താണ് ചെയ്യേണ്ടത്?

താങ്കളുടെ പാര്‍ട്ടി(?) ഭരിക്കുന്ന മന്ത്രിമാര്‍ വിലകൂടിയ വിദേശ നിര്‍മ്മിതകാറുകളില്‍ സഞ്ചരിക്കുന്നതും ഇതില്‍ പെടുമോ?


>>പണമുള്ളവന്‍ അതുണ്ടാക്കാനുള്ള വഴികള്‍ തേടുമെന്നും<<

ഞാനും താങ്കളുമടക്കം ഓരോരുത്തരൗം പണം തേടും, തേടിക്കൊണ്ടിരിക്കും ലഭിച്ചത് സ്വന്തം ഉപയോഗിക്കുകയും ചെയ്യും.

താങ്കളേക്കാള്‍ എത്രയോ പാവങ്ങള്‍ താങ്കള്‍ താമസിക്കുന്നതിനുചുറ്റുമുണ്ടല്ലോ, താങ്കള്‍ അവര്‍ക്ക് താങ്കള്‍ക്ക് ലഭിക്കുന്നതില്‍ നിന്നും എത്രപങ്ക് കൊടുക്കാറുണ്ട്? വിശാല അര്‍ത്ഥത്തില്‍ വേണ്ട, ജസ്റ്റ് തൊട്ടടുത്തവരുടെ കാര്യമാണ് ചോദിച്ചത്, അതായത് അങ്ങിനെ കൊടുത്ത് കൊടുത്ത് തങ്കളുടെ ചുറ്റുപാടെങ്കിലും എല്ലാരും തുല്യരായോ എന്നറിയാന്‍ വേണ്ടിയാണ്.


>> തിരഞ്ഞെടുക്കപ്പെട്ട സര്‍ക്കാര്‍ എന്ന നിലയില്‍, മഹാ ഭൂരിപക്ഷം വരുന്ന സാധാരണക്കാരനോട് യാതൊരു ബാദ്ധ്യതയും ഇല്ല എന്ന പ്രഖ്യാപനവുമായി മുന്നോട്ട് പോകുന്നത് കണ്ടില്ലെന്ന് വക്കാനാവുമോ? എണ്ണവില നിശ്ചയിക്കാനുള്ള അധികാരം ഉപേക്ഷിക്കുന്ന തീരുമാനത്തിലേക്ക് സര്‍ക്കാര്‍ എത്തിയത് ഇത്തരം തന്ത്രപ്രധാന മേഖകളില്‍നിന്നുള്ള സര്‍ക്കാര്‍ പിന്മാറ്റമാണ് കാണിക്കുന്നത്. സ്വകാര്യ മുതലാളിമാര്‍ക്ക് രാജ്യത്തിന്റെ നിയന്ത്രണം ഏല്‍പ്പിച്ചുകൊടുക്കുന്നതിനു സമാനമായ ഒരു നടപടി, ഭാവിയില്‍ വരാനിരിക്കുന്ന അനേകം പരിഷ്കാരങ്ങളുടെ മുന്നോടി. ഇത്തരം നടപടികള്‍ക്കെതിരെ രണ്ട് വരി എഴുതിയെങ്കിലും പ്രതിഷേധിക്കുക എന്നത് ഞാന്‍ എന്ന വ്യക്തിയുടെ ബാദ്ധ്യതയാണ്. അതു ചെയ്യുന്നു എന്ന് മാത്രം. <<


ഇന്ന് ഇന്‍ഡ്യക്ക് ദിനം ആവശ്യമുള്ള പെട്രോളിന്റെ എത്രശതമാനം ഇന്‍ഡ്യയില്‍ ഉണ്ടാക്കുന്നുണ്ട്?
അതോ പുറം രാജ്യത്തുനിന്നും ഇറക്കുമതി ചെയ്യുന്നുണ്ടോ?
ഉണ്ടെങ്കില്‍, കുറഞ്ഞ വിലക്ക് ലഭ്യമായത് കൂടിയ വിലക്കാണോ ഇവിടെ വില്‍ക്കുന്നത്?
അതോ കൂടുതല്‍ വില ( വില്‍ക്കുന്നതിനേക്കാള്‍) കൊടുക്കുന്നുണ്ടോ?

ഈ കൊടുക്കുന്ന പണം എവിടെ നിന്നുമാണ് കൊടുക്കുന്നത്?

അതോ കുറഞ്ഞ വിലക്കാണോ എണ്ണ പുറം രാജ്യത്തുനിന്നും ലഭിക്കുന്നത്?

എന്റെ അറിവില്‍ കൂടിയ വിലക്ക് വാങ്ങി സര്‍ക്കാര്‍ സബ്സിഡി കൊടുത്ത് വില കുറച്ച് വില്‍ക്കുന്നെന്നാണ്, അത് ശെരിയാണോ? അങ്ങിനെയെങ്കില്‍ ഈ അധിക പണം ഘജനാവിലെയല്ലെ?

എന്റെ സംശയങ്ങള്‍ തീര്‍ക്കുമെന്ന് കരുതട്ടെ?

ബഷീർ said...

ചോദ്യങ്ങളും പ്രതികരണവും പ്രസക്തം തന്നെ, പക്ഷെ ഇവിടെ സ്വന്തം പാർട്ടിക്കാർ ഭരിക്കുമ്പോൾ എന്തിനെയും ന്യായീകരിക്കാനും അലെങ്കിൽ മൌനമവലംബിക്കാനും പഠിപ്പിക്കപ്പെട്ട രാഷ്ടീയ അടിമകളുടെ പ്രതികരണങ്ങൾ ജനങ്ങൾക്കിപ്പോൾ അത്രയ്ക്ക് ദഹിക്കാതായിരിക്കുന്നു. അനിൽ ആ കൂട്ടത്തിൽ ആണെന്നല്ല. അങ്ങിനെയാണിപ്പോൾ മിക്ക പ്രതികരണങ്ങളും !

എന്തായാലും വാക്കുകളിലൂടെയെങ്കിലും പ്രതികരിക്കാനുള്ള ശേഷി നഷ്ടപ്പെടാതിരിക്കാനിടവരാതിരിക്കട്ടെ ..

പ്രയാണ്‍ said...

തറവാടിയുടെ സംശയങ്ങള്‍ തന്നെ എന്റേതും.

ഷൈജൻ കാക്കര said...

ഇന്ത്യയെങ്ങോട്ട്‌ എന്ന ചോദ്യത്തിന്‌ ഒറ്റ ഉത്തരമെയുള്ളു, പുരോഗമനത്തിലേക്ക്‌... അനിലിന്റെ ലക്ഷ്യമായ പട്ടിണിപാവങ്ങളുടെ ഉന്നമനം എന്നതിൽ യോജിക്കുമ്പോൾ എങ്ങനെ പുരോഗമനത്തിലേക്ക്‌ മുന്നേറാം എങ്ങനെ പട്ടിണി മാറ്റാം, എന്നതിന്റെ പ്രയോഗികരീതികളിൽ അനിലിന്റെ ആശയങ്ങളോട്‌ വിയോജിപ്പുണ്ട്. ജനാധിപത്യത്തിലൂടെ സോഷ്യലിസ്റ്റ്‌ (കമ്മ്യുണിസമല്ല) ചിന്താഗതി നടപ്പിലാകുമെന്ന്‌ ആരും ചിന്തിക്കുന്നില്ല എന്നത്‌ ശരിയല്ല. കോൺഗ്രസ്സും കമ്യുണിസ്റ്റുകളും സോഷ്യലിസമാണ്‌ ലക്ഷ്യമിടുന്നത്‌.


സർക്കാർ (government) മുഖ്യമായും ഭരിക്കുക (govern)! പല കാരണങ്ങൾകൊണ്ടും പൗരന്മാർ കടന്നുചെല്ലാത്ത ഏതെങ്ങിലും മേഖലയുണ്ടെങ്ങിൽ മാത്രം അവിടെ സർക്കാർ ഇടപെടുക. പാവങ്ങൾക്ക്‌ ഒരു കൈതാങ്ങ്‌, അതാണ്‌ സർക്കാരിന്റെ കടമ. പാവങ്ങളാണ്‌ എന്ന ലേബലൊട്ടിച്ച്‌ അരി വിതരണം ചെയ്യരുത്, കൃഷി ചെയ്യുവാൻ ഒരേക്കർ ഭൂമി നല്കുക. ആവശ്യമുണ്ടെങ്ങിൽ മാത്രം താല്കാലിക സഹായങ്ങൾ ചെയുക. പണക്കാർ പണം മുടക്കി സ്വകാര്യവിദ്യാലയങ്ങളിൽ പഠിക്കുന്നുണ്ടെങ്ങിൽ, അവിടെ പഠിച്ചോട്ടെ, അത്രയും ബാധ്യത സർക്കാരിനില്ലല്ലോ? മിച്ചമാകുന്ന നികുതിപണം മുടക്കി പാവങ്ങൾക്ക്‌ നല്ല വിദ്യഭ്യാസം നൽകുക.

പെട്രൊളിന്‌ നികുതി കൂട്ടി പണം കണ്ടെത്തുക. ചരക്കുവാഹനങ്ങൾക്കും പൊതുയാത്രവാഹനങ്ങൾക്കും ഈടാക്കുന്ന മറ്റു നികുതികൾ കുറവ്‌ വരുത്തുക അല്ലെങ്ങിൽ പെട്രോളിനെ പെർമിറ്റ് കാർഡ് നൽകുക. വില കയറുമെന്നും പറഞ്ഞ് സ്വകാര്യവാഹനങ്ങൾക്ക്‌ വിലകുറവിൽ പെട്രോൾ കൊടുക്കേണ്ടതില്ല.

എന്റെ ഒരു പോസ്റ്റിൽ നിന്ന്‌...

“മുതലാളിത്തത്തിന്റെയോ കമ്മ്യുണിസത്തിന്റെയോ ചട്ടകൂടിന്നുള്ളിലൂടെ സോഷ്യലിസത്തിന്റെ സൂര്യൻ ഉദിച്ചുയരില്ല. അവിടെയാണ്‌ ഞാൻ സ്വപ്‌നം കാണുന്ന പുതിയ ലോകക്രമം, ജനാധിപത്യ സോഷ്യലിസ്റ്റ്‌ സെക്ക്യുലർ സമൂഹം. മുതലാളിത്തത്തിന്റെയും കമ്മ്യുണിസത്തിന്റെയും ചിലവിൽ തന്നെ, അതിന്റെയൊക്കെ മുകളിൽ സോഷ്യലിസം പടുത്തുയർത്തണം. ആ സോഷ്യലിസ്റ്റ്‌ ലോക ക്രമത്തിനായി അണി ചേരം, ആശയങ്ങളുടെ ചങ്ങല പിടിക്കാം, തുരുമ്പിച്ച കണ്ണികൾ മാറ്റി പുതിയ കണ്ണികൾ വിളക്കി ചേർക്കം.

മാറ്റുവിൻ ചട്ടങ്ങളെ, കൂടെ തുരുമ്പിച്ച ആശയങ്ങളും! “

Faizal Kondotty said...

ഒരാളുടെ ( അല്ലെങ്കില്‍ ഒരു പാര്‍ട്ടിയുടെ ) തെറ്റുകള്‍ ചൂണ്ടി കാണിച്ചത് കൊണ്ട് മറ്റുള്ളവരുടെ തെറ്റുകള്‍ ന്യായീകരിക്കപ്പെടില്ലല്ലോ ...

അനില്‍ ഇവിടെ സമകാലീന ഇന്ത്യന്‍ ഭരണ സാഹചര്യങ്ങളെ പൊതുവായി ഒന്ന് വിലയിരുത്താന്‍ ശ്രമിച്ചു എന്നെ എനിക്ക് തോന്നിയുള്ളൂ ..അതിനു മറുപടി പക്ഷെ നിന്റെ പാര്‍ട്ടിയും അങ്ങിനെ ആണോ അല്ലെ എന്നുള്ളതല്ലല്ലോ .. മാത്രമല്ല തറവാടി ഉദ്ദേശിച്ച രാഷ്ട്രീയ പാര്‍ട്ടിയിലെ അപചയവും വിശാലമായ അര്‍ത്ഥത്തില്‍ ഈ പോസ്റ്റില്‍ ഉള്‍ക്കൊള്ളുന്നതാണ് എന്ന് തോന്നുന്നു...

അപ്പോള്‍ പിന്നെ അനില്‍ ഇവിടെ പങ്കു വച്ച ആശങ്കകളില്‍ എത്രമാത്രം വസ്തുതകള്‍ ഉണ്ട് എന്ന് വിലയിരുതുന്നതാണ് കൂടുതല്‍ ശരി .... കുറച്ചു വര്‍ഷങ്ങള്‍ കൊണ്ട് ലീഡിംഗ് രാഷ്ട്രീയ പാര്‍ട്ടികളില്‍ എല്ലാം ഒരു ideology crisis വന്നിട്ടുണ്ട് എന്ന് എല്ലാവര്ക്കും അറിയാം .. എങ്ങിനെയെങ്കിലും ഭരണത്തില്‍ എത്തുക, അത് നില നിര്‍ത്തുക എന്നതില്‍ കവിഞ്ഞു പ്രത്യേക ലക്ഷ്യമോ ആദര്‍ശമോ ഏതെങ്കിലും പാര്‍ട്ടികളില്‍ തീരെ പ്രകടമല്ലതായിരിക്കുന്നു എന്നതും അഴിമതിയും സ്വജന പക്ഷപാതവും ഭരണത്തിന് വേണ്ടി മാത്രം മറുകണ്ടം ചാടലും ഒരു തെറ്റ് അല്ല എന്ന നിലയില്‍ രാഷ്ട്രീയ രംഗത്ത്‌ ഒരു പൊതു സ്വീകാര്യത വന്നിരിക്കുന്നു എന്നതും സത്യത്തില്‍ ദൂരവ്യാപകമായി രാജ്യത്തിന്റെ വളര്‍ച്ചയില്‍ വളരെയധികം ദോഷം ചെയ്യുന്ന ഒന്ന് തന്നെയാണ് ...

ഭരിക്കുന്നവര്‍ ബില്യണയര്‍ മാരായതാണോ താങ്കളുടെ പ്രശ്നം അതോ ഈ ബില്യണ്‍സൊക്കെ അഴിമതിയിലൂടെ നേടിയതെന്നതാണോ? അതുമല്ല ബില്യണയര്‍ ആയ മന്ത്രിക്ക് ഭരിക്കാന്‍ പാടില്ല എന്നതാണോ?

രാഷ്ട്രീയമല്ലാതെ ഒരു തൊഴിലും അറിയാത്ത / ചെയ്യാത്ത പലരും ഒരു നാള്‍ ബില്യണയര്‍മാര്‍ ആകുന്നതു അവരുടെ അമായി അപ്പന്‍ കൊടുത്ത സ്ത്രീധനം കൊണ്ടാണെന്ന് വിശ്വസിക്കാന്‍ അല്പം ബുദ്ധിമുട്ടുണ്ട് ... ആ പണ സമ്പാദത്തിനായി അവര്‍ കടന്നു പോയ വഴികളി രാജ്യത്തിന്റെ പല പുരോഗതികളെയും കുതിച്ചു ചാട്ടങ്ങളെയും ബലി കൊടുത്തിട്ടുമുണ്ടാകും... പുതിയ ടെക്നോളജി വാങ്ങേണ്ടിടത്ത് പഴയ ടെക്നോളജി കോടിക്കണക്കിനു രൂപയ്ക്കു വാങ്ങി കൂട്ടി കമ്മിഷന്‍ പറ്റിയിട്ടുണ്ടാകും...

ശ്രദ്ധേയമായ ഒരു വസ്തുത , ഇതിനെതിരെ മാനസികമായി പോലും പ്രതികരിക്കാന്‍ വലിയൊരു പറ്റം ആളുകള്‍ക്ക് കഴിയാതെ പോകുന്നു എന്നതാണ് ... മുന്‍കാലങ്ങളെ അപേക്ഷിച്ച് അഴിമതി ആദര്‍ശവല്‍ക്കരിക്കപ്പെടുന്നതും അത് കൊണ്ട് തന്നെയാണ് ...

ഇതിനൊരു പരിഹാരം എന്തെന്ന് ചോദിച്ചാല്‍ , ഉത്തരം / പ്രശ്നം അല്പം സങ്കീര്‍ണ്ണം ആണ് , എന്ന് കരുതി ഇതൊന്നും ചര്‍ച്ച ചെയ്യുകയെ അരുത് എന്ന് പറയുന്നതില്‍ യോജിക്കാന്‍ കഴിയില്ല ...

ഉഗ്രന്‍ said...

അനിൽ,
പോസ്റ്റിലെ ചില കാര്യങ്ങളോട് വിയോജിപ്പുണ്ട്. ചിലതിനോട് യോജിപ്പും. താഴെ പറയുന്നത് ഈ അവസരത്തിൽ വളരെ പ്രസക്തമാണെന്ന് തോന്നുന്നു.

In a Democracy, The People Get the Government They Deserve.

:)

തറവാടി said...

ഫൈസല്‍ കൊണ്ടോട്ടി,

ആരേയും ആരും ന്യായീകരി(ക്കുന്നില്ല)ച്ചിട്ടില്ല.

ഇന്‍ഡ്യ എങ്ങോട്ട് എന്ന ചോദ്യവുമായുള്ള ഈ പോസ്റ്റിന്റെ ഉള്ളടക്കം മുഖ്യമായും ആരെയാണ് /എന്താണ് ലക്ഷ്യമിടുന്നതെന്ന് ഞാന്‍ മനസ്സിലാക്കിയതില്‍ നിന്നുമാണ് സംശയങ്ങള്‍ തീര്‍ക്കാനായി ചോദ്യങ്ങള്‍ ഉന്നയിച്ചത്,

കുറെ ചോദ്യങ്ങള്‍ ഉണ്ടല്ലോ ബാക്കി ഒന്നും കണ്ടില്ലേ?
ഉത്തരമുണ്ടെങ്കില്‍ അതുപറയൂ അല്ലെങ്കില്‍ അനില്‍ പറയട്ടെ.

എന്തിനും ഒരു ലക്ഷ്യം വേണം, ഈ പോസ്റ്റിനും; ഒന്നുകില്‍ പെട്രോള്‍ വില വര്‍ദ്ധനയുമായി അല്ലെങ്കില്‍ കേന്ദ്ര സര്‍ക്കാരുടെ / മന്ത്രിമാരുടെ അഴിമതി എല്ലാം കൂടെ ഒരുമിച്ച് ഒരു പോസ്റ്റില്‍ വന്നാല്‍ ഇതുപോലെ കാര്യങ്ങള്‍ വ്യക്തമാക്കേണ്ടി ചോദ്യങ്ങള്‍ ചോദിക്കേണ്ടിവരും.

താങ്കളുടെ കമന്റ് തന്നെ ശ്രദ്ധിക്കുക,

അഴിമതിയാണ് പ്രധാനമായും താങ്കള്‍ ഉന്നം വെക്കുന്നത്. അഴിമതിയില്ലെന്നാരും പറയുന്നില്ല. അതേത് പാര്‍ട്ടി ഭരിച്ചാലും ഉള്ളതാണ്. ഇന്‍ഡ്യയില്‍ ഇടതുപക്ഷത്തിന് ഒറ്റക്ക് ഭരിക്കാനായാല്‍ അവരും ഇതുചെയ്യും ഒരു സംശയവുമില്ല. അത് സൂചിപ്പിക്കാന്‍ തന്നെയാണ് കേന്ദ്രമന്ത്രിമാരുടെ ധൂര്‍ത്തിനെപറ്റി രോഷം കൊണ്ടപ്പോള്‍ കേരളം ഭരിക്കുന്നവരുടെ സൂചിപ്പിച്ചത്.

>> ഇതൊന്നും ചര്‍ച്ച ചെയ്യുകയെ അരുത് എന്ന് പറയുന്നതില്‍ യോജിക്കാന്‍ കഴിയില്ല ... <<

ഞാന്‍ മൊത്തം കമന്റുകള്‍ ഒന്നുകൂടി വായിച്ചു ആരും ചര്‍ച്ച ചെയ്യരുതെന്ന് ഇവിടെ പറഞ്ഞതായി കണ്ടില്ലല്ലോ, ഒന്ന് കാണിക്കാമോ?

അനില്‍, മറുപടിക്ക് കാത്തിരിക്കുന്നു.

ആര്‍ബി said...

faisal kondotty paranhu

രാഷ്ട്രീയമല്ലാതെ ഒരു തൊഴിലും അറിയാത്ത / ചെയ്യാത്ത പലരും ഒരു നാള്‍ ബില്യണയര്‍മാര്‍ ആകുന്നതു അവരുടെ അമായി അപ്പന്‍ കൊടുത്ത സ്ത്രീധനം കൊണ്ടാണെന്ന് വിശ്വസിക്കാന്‍ അല്പം ബുദ്ധിമുട്ടുണ്ട് ...

enthuvaa udheshiche,,,
Raashtreeyakkaar = onninum kollaathavar ennaano??



DYFI yude last state conference lu oru nirdesham nalkiyathre,,,ellaarum blogil kayaruka, orkut vittu face bookil kayaruka ennokke..

angane onnaano itharathile blog postukaludeyokke ulbhavam,...

BSNL swakaaryavalkarichappol.. COmputer irangiyappol... thudangi enthineyum appadi ethirkkunna oru pattam budhi shoonyanmaarkk,, ellatineyum aa oru chuvanna kannile kaanaan pattoo....


parayaan vannath, tharavaadiyum kaakreyum ellaam paranhu,,,


iniyenth,,,

oru kaaryam cheyyaam
adutha electionil kure paavappettavare candidates aakkaam
billionaires avarkku vote cheyyatte,, trillion ires avarkku zindaabaad vilikkatte,... nthey


angane Indian Democracy kku oru paavappettavante smell kittatte.. nthey,,,,

അനില്‍@ബ്ലോഗ് // anil said...

മോഹന്‍പുത്തഞ്ചിറ,
മുതലാളിത്തത്തിലേക്കാ‍ണ് ഇന്ത്യ കുതിക്കുന്നതെന്ന് വ്യക്തം,യോജിപ്പിന് നന്ദി.
ഓഫ്ഫ്: കുറേ കാലമായി ഈ വഴി വന്നിട്ടെന്ന് തോന്നുന്നു, ഇവിടെ മാത്രമല്ല എങ്ങും കാണാറില്ല.
:)

ജിവി,
ബ്ലോഗില്‍ ഇത്തരം ഒരു പോസ്റ്റ് വന്നാല്‍ പ്രതികരണമെപ്രകാരമായിരിക്കുമെന്ന് കൃത്യമായി അറിഞ്ഞുകൊണ്ട് തന്നെ പോസ്റ്റിയതാണ്. എന്നിരുന്നാലും പ്രതികരിക്കാതിരിക്കാനാവില്ലല്ലോ. ബ്ലോഗില്‍ മാത്രമല്ല പുറം ലോകത്തിന്റെ എല്ലാ പ്രതിരോധ സാദ്ധ്യതകളിലും പങ്കെടുക്കാന്‍ ഞാന്‍ ശ്രമിക്കാറുമുണ്ട്. നന്ദി.

ശ്രീക്കുട്ടന്‍,
ജനാധിപത്യ ഇന്ത്യ കെട്ടിപ്പടുക്കുമ്പോള്‍ അന്നത്തെ മഹന്മാരായ നേതാക്കന്മാരുടെ മുന്നില്‍ ഇവിടുത്തെ പാവപ്പെട്ടവരുണ്ടായിരുന്നു എന്നതിന്റെ തെളിവ് നമ്മുടെ ഭരണഘടന തന്നെയാണ്. ദേശസാത്കരണവും പഞ്ചവത്സര പദ്ധതികളുടെ ആവിര്‍ഭാവും തുടങ്ങി പല നടപടികളും ആ ദിശയില്‍ തന്നെയായിരുന്നു. പിന്നീടെവിടെയോ ലക്ഷ്യങ്ങള്‍ ഹൈജാക്ക് ചെയ്യപ്പെട്ടു എന്നു തന്നെ പറയാം.

ജയന്‍ ഏവൂര്‍,
ആ പറഞ്ഞത് വളരെ പ്രസക്തം. പ്രതികരണ ശേഷി നഷ്ടപ്പെട്ട ഇന്നത്തെ തലമുറക്ക് ചേരുന്ന ഭരണമാണെന്ന് ചിലപ്പോള്‍ തോന്നിപ്പോകാറുണ്ട്.

അനില്‍@ബ്ലോഗ് // anil said...

തറവാടി,
എന്തുകാരണത്താലാണ് താങ്കള്‍ ഈ ചോദ്യങ്ങള്‍ ചോദിച്ചതെന്ന് താങ്കള്‍ തന്നെ വ്യക്തമാക്കിയ സ്ഥിതിക്ക് വിശദീകരണത്തില്‍ വലിയ കാര്യമുണ്ടെന്ന് തോന്നുന്നില്ല. എന്നിരുന്നാലും ഒന്ന് രണ്ട് കാര്യങ്ങള്‍ പറയാം.
ഇന്ത്യാ രാജ്യത്തെ പരമോന്നത സഭയാണ് പാര്‍ലമെന്റ് എന്നാണല്ലോ ധാരണ.ഒരു “സാമ്പിള്‍ പോപ്പുലേഷന്‍“ എന്നാല്‍ ആകെ ഡാറ്റയുടെ “റെപ്രസെന്റേറ്റീവ് സാമ്പിള്‍“ ആയിരിക്കണം, അങ്ങിനെ അല്ലെ?
അതുപ്രകാരം ഇന്ത്യന്‍ പാര്‍ലമെന്റ് ഇന്ത്യയിലെ മഹാഭൂരിപക്ഷം വരുന്ന ജനങ്ങളുടെ സാമ്പിളാണെന്ന് പറയാനാവുമോ? ഇല്ല
ഇതെങ്ങിനെ സംഭവിക്കുന്നു എന്ന് നോക്കിയാല്‍ വ്യക്തമായി കാണാവുന്ന ഒന്നാണ് സാമ്പിളിങില്‍ വന്ന എറര്‍. ഈ എറര്‍ ഉണ്ടായത് സാമ്പിള്‍ പാരാമീറ്റേഴ്സ് തിരഞ്ഞെടുക്കുന്നതില്‍ ഇവിടുത്തെ മുഖ്യധാരാ രാഷ്ട്രീയ പാര്‍ട്ടികളായ കോണ്‍ഗ്രസ്സിനും ബിജെപിക്കും പറ്റിയ പിശകാണെന്ന് വിലയിരുത്താം. അതായത് ഒരു നിയോജകമണ്ഡലത്തിലെ ജനങ്ങളുടെ ഇടയില്‍ നിന്നും വന്ന ഒരാളല്ല സ്ഥാനാര്‍ത്ഥിയാകുന്നത്. പണക്കൊഴുപ്പിന്റെ ശക്തിയില്‍ ഈ നാട്ടിലെ ബിസിനസ്സുകാരും മറ്റ് പണക്കാരുമാണ് ആ സീറ്റുകള്‍ കയ്യടക്കിയത് . അതുകൊണ്ടാണ് പട്ടിണിക്കാരനെ ഭരിക്കേണ്ട സഭയില്‍ 60 ശതമാനത്തില്‍ കൂടുതല്‍ കോടീശ്വരന്മാര്‍ വരാന്‍ കാരണം. ബിസിനസ്സ് മേഖലയില്‍ നിന്നും വന്നവര്‍ അവരുടെ ബിസിനസ്സ് വര്‍ദ്ധിപ്പിക്കാനുള്ള കാര്യങ്ങള്‍ക്ക് മുന്‍ തൂക്കം നല്‍കും. അത്രയുമെ ഞാന്‍ പറഞ്ഞുള്ളൂ.
ജനാധിപത്യത്തിനെ എപ്രകാരമാണ് പണാധിപത്യം ഹൈജാക്ക് ചെയ്തതെന്നത് താങ്കളെപ്പോലെയുള്ളവരെ ബാധിക്കുന്ന കാര്യമല്ലാത്തതിനാല്‍ അത് ഉള്‍ക്കൊള്ളാനും പ്രയാസമുണ്ടാവും.
പിന്നെ എന്റെ പാര്‍ട്ടി എന്നൊന്നില്ല, എന്റെ ആശയങ്ങള്‍ എന്നൊന്ന് ഉണ്ടാവും.അതിനാല്‍ തന്നെ എന്റെ പാര്‍ട്ടി തന്റെ പാര്‍ട്ടി എന്ന വേര്‍തിരിവില്‍ ഈ പ്രശ്നം മുങ്ങിപ്പോവുകയുമില്ല. എന്നിരുന്നാ‍ലും നല്ല കാറുകളില്‍ കേരള മന്ത്രിമാര്‍ നടക്കുന്നതുകൊണ്ട് ഈ നാട്ടിലെ പാവപ്പെട്ടവന് എന്തു കുറവ് ഉണ്ടായി എന്ന് ചൂണ്ടിക്കാണിച്ചാല്‍ അതിന് എനിക്കറിയാവുന്ന മറുപടി ഞാന്‍ പറയാം.

ഇന്ത്യയില്‍ പെട്രോള്‍ കുഴിച്ചെടുക്കുന്നില്ല, പുറത്തുനിന്ന് വരുന്നത് തന്നെയാണ്. അതുകൊണ്ട് പെട്രോള്‍ വില നിശ്ചയിക്കാന്‍ ഉള്ള സര്‍ക്കാരിനുണ്ടായിരുന്ന അധികാരം ഒഴിഞ്ഞുകൊടുക്കുന്നതെന്തിന്? സര്‍ക്കാര്‍ നിയന്ത്രണങ്ങളോടെ വിലകള്‍ നിശ്ചയിക്കട്ടെ, അതാണല്ലോ ഈസ്റ്റിന്ത്യാ കമ്പനിയില്‍ നിന്നും ഇന്ത്യ മോചനം നേടി എന്ന് പറയുന്നതിന്റെ അര്‍ത്ഥം. നിത്യോപയോഗ സാധനങ്ങളുടെ വില നിയന്ത്രിക്കാന്‍ സബ്സിഡി കൊടുത്തേ ആകുന്നുള്ളൂ എന്നാണെങ്കില്‍ കൊടുക്കുക തന്നെ വേണം. ഖജനാവില്‍ വന്നു ചേരുന്ന ലക്ഷക്കണക്കിനു കോടി രൂപ കോര്‍പ്പറേറ്റുകള്‍ക്ക് ഇളവ് നല്‍കിയതിന്റെ ചില ഡാറ്റ് ഈ പോസ്റ്റില്‍ കാണാം.

Anonymous said...

"മാറ്റുവിൻ ചട്ടങ്ങളെ, കൂടെ തുരുമ്പിച്ച ആശയങ്ങളും!"

:)

ഇത്രയുമേ എനിക്കും പറയാനുള്ളൂ..

അനില്‍@ബ്ലോഗ് // anil said...

ബഷീര്‍ വെള്ളറക്കാട്,
പോസ്റ്റില്‍ പറഞ്ഞിരിക്കുന്ന കാര്യത്തോടുള്ള താങ്കളുടെ സമീപനമെന്താണെന്ന് കൂടി പറയാമായിരുന്നു. വാക്കുകള്‍ക്ക് നന്ദി.

പ്രയാണ്‍,
തറവാടിക്ക് കൊടുത്ത മറുപടി തന്നെ മതിയാകുമല്ലോ.
:)
ശരാശരി അപ്പര്‍ മിഡില്‍ ക്ലാസ്സുകാരുടെ ചിന്തകളാണത്.

കാക്കര,
പുരോഗതി എന്ന പദത്തിനു താങ്കള്‍ കൊടുക്കുന്ന അര്‍ത്ഥം ഇതാണെങ്കില്‍ പിന്നെ എന്തു പറയാനാണ്. ഈ പുരോഗതി എവിടെ ചെന്ന് നില്‍ക്കും എന്ന് കാലം തെളിയിക്കും. മറ്റുള്ളവന് ചെല്ലാ താത്പര്യമില്ലാത്ത സ്ഥലങ്ങളില്‍ മാത്രം ഗവണ്മെന്റ് ഇടപെടുക എന്നതാണ് ആഗോള വത്കരണത്തിന്റെ അടിസ്ഥാന മുദ്രാവാക്യം.
അതെന്തെങ്കിലുമാവട്ടെ പാവപ്പെട്ടവന് വിദ്യാഭ്യാസം, ചരക്ക് കടത്തുകൂലി ഉയരാതെ നോക്കല്‍ തുടങ്ങിയ കാര്യങ്ങള്‍ സര്‍ക്കാര്‍ ചെയ്യണം എന്ന അഭിപ്രായത്തിനു നന്ദി.

ഫൈസല്‍ കോണ്ടോട്ടി,
കേവല തര്‍ക്കങ്ങള്‍ക്കപ്പുറം ഈ പ്രശ്നങ്ങള്‍ ഈ നാട്ടിലെ സാധാരണക്കാരന് (നിങ്ങളുടെയും എന്റെയും ഒക്കെ സഹോദരനോ ബന്ധുവോ അടങ്ങുന്ന) എപ്രകാരം ബാധ്യതയാകുമെന്നത് പലപ്പോഴും വിസ്മരിക്കപ്പെടുന്നു. തറവാടിയുടെ കമന്റില്‍ കാണുന്നത് അതാണ്. മൂല്യശോഷണം മനുഷ്യന് ആകമാനം വന്നിട്ടുണ്ട്, ഒരു രാഷ്ടീയപ്പാര്‍ട്ടിയും അതില്‍ നിന്നും മുക്തവുമല്ലെന്ന് പലയിടത്തും ഞാനും പറയാറുള്ള കാര്യമാണ്. നന്ദി.
ഓഫ്ഫ്: ഇപ്പോള്‍ അധികം കാണാറില്ലല്ലോ, സ്ഥിരം സ്ഥലങ്ങളില്‍ കുറച്ച് ദിവസം മുന്നെ ഒന്നു രണ്ട് കമന്റ് കണ്ടു.
:)

ഉഗ്രന്‍,
ഉഗ്രന്‍ കമന്റ് !
:)
ശരിയാണ്, മറ്റുള്ളവന്റെ പ്രശ്നം തന്നെ ബാധിക്കുന്നതല്ലെന്ന് കരുതുന്ന ഒരു സമൂഹത്തില്‍ ഇതൊക്കെ സംഭവിക്കാം.

ആര്‍ബി,
താങ്കള്‍ ഈ വഴി അധികം വന്നിട്ടില്ലാത്തതുകൊണ്ടാണ് ഡിവൈഎഫൈയുടെ ആഹ്വാനമാണോ ഇത്തരം പോസ്റ്റുകളുടെ ഉത്ഭവം എന്ന ചൊദ്യം ചോദിക്കാന്‍ കാരണം. അടുത്ത ഇലക്ഷന് മന്മോഹന്‍ സിങിനെപ്പോലെയുള്ള ലോകബാങ്ക് മുന്‍ ഗുമസ്തന്മാരെ ഒഴിവാക്കുകയും പേയ്മെന്റ് സീറ്റുകള്‍ ഒഴിവാക്കുകയും ചെയ്യൂ. എന്നിട്ട് ഈ നാട്ടിലെ പൊതു പ്രവര്‍ത്തന രംഗത്തുനിന്നും വരുന്നവരെ സ്ഥാനാര്‍ത്ഥികളാക്കൂ, ഫലം കാണുക തന്നെ ചെയ്യും.

അനില്‍@ബ്ലോഗ് // anil said...

സത,
എനിക്ക് ഒന്നും പറയാനില്ല.

Faizal Kondotty said...

ആര്‍ബി പറഞ്ഞു...

enthuvaa udheshiche,,,
Raashtreeyakkaar = onninum kollaathavar ennaano??


ആര്‍ബി കമന്റ്സ് ശരിക്ക് വായിക്കാതെയാണ് മറുപടി പറഞ്ഞതെന്ന് തോന്നുന്നു .

"രാഷ്ട്രീയമല്ലാതെ ഒരു തൊഴിലും അറിയാത്ത / ചെയ്യാത്ത പലരും" ഒരു നാള്‍ ബില്യണയര്‍മാര്‍ ആകുന്നതു എന്നാണു ഞാന്‍ പറഞ്ഞത് ..അല്ലാതെ എല്ലാ രാഷ്ട്രീയക്കാരും സമം ഒന്നിനും കൊള്ളാത്തവര്‍ എന്നല്ല .. ഞാന്‍ പലരും എന്നാണു പറഞ്ഞിട്ടുള്ളത് .... വിരലില്‍ എണ്ണാവുന്ന അപൂര്‍വ്വം ചില സാത്വികര്‍ ഉണ്ടെങ്കില്‍ തന്നെ അവര്‍ക്കൊന്നും ഭരണ യന്ത്രത്തില്‍ വലിയ റോള്‍ കിട്ടുകയോ കൊടുക്കുകയോ ചെയ്യില്ല .. അങ്ങിനെ വളര്‍ന്നു വരാവുള്ള രാഷ്ട്രീയ സാഹചര്യം അല്ല ഇന്ന് ലീഡിംഗ് ആയിട്ടുള്ള ഇന്ത്യന്‍ രാഷ്ട്രീയ പാര്‍ട്ടികളില്‍ ഉള്ളത്. നമ്മളും ഇവിടെ ഒക്കെ തന്നെയാ ജീവിക്കുന്നത് മച്ചൂ ...

.എന്തായാലും പോസ്റ്റും കമ്മെന്റ് ഉം ശരിക്ക് വായിക്കതെയുള്ള മറുപടി കൊള്ളാം ... പിന്നെ മൊത്തം രാഷ്ട്രീയക്കാര്‍ എല്ലാം പഞ്ച പാവങ്ങളും ഒരു അഴിമതി പോലും നടത്തുകയോ ചിന്തിക്കുകയോ ചെയ്യാതെ നാട് നന്നാക്കാന്‍ ഇറങ്ങി പുറപ്പെട്ടവര്‍ ആണെന്ന് ആര്‍ബി വേണമെങ്കില്‍ വിശ്വസിച്ചോളൂ ... പക്ഷെ അത് അണ്ണാക്ക് തൊടാതെ വിഴുങ്ങാന്‍ എത്രയാളുകള്‍ തയാറാകും എന്നതില്‍ സംശയം ഉണ്ട്

തറവാടി said ...
അഴിമതിയാണ് പ്രധാനമായും താങ്കള്‍ ഉന്നം വെക്കുന്നത്. അഴിമതിയില്ലെന്നാരും പറയുന്നില്ല. അതേത് പാര്‍ട്ടി ഭരിച്ചാലും ഉള്ളതാണ്..

അഴിമതി ഉണ്ടെന്നു സമ്മതിക്കുന്ന തറവാടി , ആ അഴിമതി , രാജ്യത്തിന്റെ വികസനത്തിനും വളര്‍ച്ചക്കും ഒരു പരിധി വരെ തടസ്സം സൃഷ്ടിക്കുന്നു എന്ന് കൂടെ സമ്മതിക്കുമല്ലോ ...അപ്പൊ പിന്നെ ഈ പോസ്റ്റിനെ വിമര്‍ശിക്കുന്നതിന്റെ അര്‍ഥം എന്ത് ? അനില്‍ ഈ പോസ്റ്റ്‌ ഇട്ടു എന്നതാണോ ? ആര് പറഞ്ഞു എന്നതാണോ താങ്കളുടെ പ്രശ്നം അതോ എന്ത് പറഞ്ഞു എന്നതോ ?

പോസ്റ്റിലെ ചില യാഥാര്‍ത്ഥ്യങ്ങളെ കണ്ടില്ലെന്നു നടിക്കാവില്ല എന്നതിനാലാണ് ഞാന്‍ ഇവിടെ കമ്മന്റുന്നത്‌ , അല്ലാതെ ആര് പറഞ്ഞു എന്നത് നോക്കിയല്ല .

എനിക്ക് തോന്നുന്നത് , പല മന്ത്രിമാരും സത്യപ്രതിജ്ജ ചെയ്തു സ്ഥാനം ഏറ്റെടുക്കുമ്പോള്‍ ഏറ്റവും കൂടുതല്‍ ഗവേഷണം നടത്തുന്നത് , ദീര്‍ഘ വീക്ഷണത്തോടെ പദ്ധതികള്‍ ആസൂത്രണം ചെയ്തു നടപ്പിലാക്കുന്നതിനേക്കാള്‍ , ആ വകുപ്പില്‍ എങ്ങിനെയെല്ലാം അഴിമതി നടത്താം എന്നതാണ് ... i അങ്ങിനെ ഒരു ആസൂത്രണത്തിന്റെ കുറവ് അഴിമതിയില്‍ ഒഴിഞ്ഞു മറ്റു എല്ലായിടത്തും നാം കാണുന്നുമുണ്ട് .

എന്റെ അറിവില്‍ കൂടിയ വിലക്ക് വാങ്ങി സര്‍ക്കാര്‍ സബ്സിഡി കൊടുത്ത് വില കുറച്ച് വില്‍ക്കുന്നെന്നാണ്, അത് ശെരിയാണോ? അങ്ങിനെയെങ്കില്‍ ഈ അധിക പണം ഘജനാവിലെയല്ലെ?

ഒരു ഭരണകൂടത്തിനു ചില ഉത്തരവാദിത്വങ്ങള്‍ കൂടിയുണ്ട് .. ലാഭ നഷ്ടം നോക്കുന്ന ഒരു പബ്ലിക്‌ ലിമിറ്റഡ് കമ്പനി അല്ല ജനാധിപത്യത്തില്‍ ഭരണ കൂടം എന്ന് എന്ന് ... ജനങ്ങളുടെ പൊതുവായ വളര്‍ച്ചക്ക് ഉതകുന്ന കാര്യങ്ങള്‍ കൂടെ ചെയ്യേണ്ടതുണ്ട് ... അല്ലെങ്കില്‍ പിന്നെ ഒരു പ്രത്യേക പ്രദേശത്ത് പ്രകൃതി ദുരന്തം ഉണ്ടാകുമ്പോള്‍ പൊതു ഖജനാവില്‍ നിന്ന് ഫണ്ട്‌ കൊടുക്കുന്നതെന്തിന് ..? എന്തിനു സര്‍ക്കാര്‍ നഷ്ടം സഹിക്കണം ? എന്തിനു പ്രി പ്രൈമറി ,പ്രൈമറി വിദ്യാഭ്യാസം ഫ്രീ ആക്കണം ? എന്തിനു govt ആശുപത്രികള്‍ , വിദ്യാഭ്യാസ സ്ഥാപനങ്ങള്‍ , ലൈബ്രറികള്‍ ?

Faizal Kondotty said...

ഇനി പെട്രോളിന്റെ കാര്യത്തിലേക്ക് തന്നെ മടങ്ങി വന്നാല്‍ , ഈ ഒരു ന്യൂസ്‌ കൂടി ചേര്‍ത്ത് വായിക്കുക ..

Taxes on petrol in India higher than US, Canada

Taxes and duties on petrol and diesel in India are higher than developed countries like US and Japan and even neighbours like Pakistan, the Rajya Sabha was informed on Tuesday.

After the excise duty cut announced in the Budget, 52 per cent of petrol price is made up of duties and taxes (customs, excise and sales tax) while 31 per cent of diesel price is made up of taxes ...

അതായത് പെട്രോളിലും ഡീസലിനും govt വാങ്ങുന്ന tax എത്രയെന്നു നോക്കൂ .. ഏറെക്കുറെ അമ്പതു ശതമാനത്തില്‍ കൂടുതല്‍ അപ്പോള്‍ govt ന്റെ ലാഭത്തില്‍ നിന്ന് ഒരല്പം സബ്സിഡി കൊടുത്തു പെട്രോളിയം കമ്പനികളുടെ നഷ്ടം നികത്തുന്നത് അപരാധമാണോ ?



പിന്നെ ഇവിടുത്തെ പ്രധാന വിഷയം പെട്രോളിന്റെ വില കൂടല്‍ എന്നതിലപ്പുറം ജനങ്ങളെ പെട്ടെന്ന് ബാധിക്കുന്ന കാര്യങ്ങ ളില്‍ അടക്കം തീരുമാനം എടുക്കാനുള്ള അവകാശം , ഭരണകൂടം തങ്ങള്‍ക്കു തന്നെ ഒരു ഇടപെടലിനും സാധ്യമാകാത്ത വിധം സ്വയം പിന്മാറി, അതെല്ലാം കമ്പനി കള്‍ക്ക് വിട്ടു കൊടുക്കുന്നു എന്നതാണ് ...
പിന്നെ എന്തിനു ജനാധിപത്യ ഭരണകൂടങ്ങള്‍ ...?

ഞാന്‍ വിശ്വസിക്കുന്നത് ജനാധിപത്യ ഭരണകൂടങ്ങള്‍ക്ക് പൊതു സമൂഹത്തോട് കുറെയേറെ commitments ഉണ്ട് എന്നാണു . അതിനാണല്ലോ ജനങ്ങള്‍ അവരെ തിരഞ്ഞെടുത്തു അയച്ചത് .. അല്ലാതെ ജയിച്ചു കഴിഞ്ഞാല്‍ സ്വന്തം താല്പര്യങ്ങള്‍ (കുടുംബത്തിന്റെയും ) നോക്കാനല്ല ..

അതിനെതിരെ ഒക്കെ പ്രതികരിക്കാന്‍ ആളില്ലാതെ വരികയും , അനുകൂലിക്കാന്‍ ഒരു വിഭാഗം ഉണ്ടായി വരികയും ചെയ്യുന്നു വെങ്കില്‍ പിന്നെ പറഞ്ഞിട്ടെന്തു ?

തറവാടി said...

അനില്‍ @ ബ്ലോഗ്,

>>ഇന്ത്യാ രാജ്യത്തെ പരമോന്നത സഭയാണ് പാര്‍ലമെന്റ് എന്നാണല്ലോ ധാരണ.ഒരു “സാമ്പിള്‍ പോപ്പുലേഷന്‍“ എന്നാല്‍ ആകെ ഡാറ്റയുടെ “റെപ്രസെന്റേറ്റീവ് സാമ്പിള്‍“ ആയിരിക്കണം, അങ്ങിനെ അല്ലെ?<<

നിര്‍ബന്ധമില്ല;

>>അതുപ്രകാരം ഇന്ത്യന്‍ പാര്‍ലമെന്റ് ഇന്ത്യയിലെ മഹാഭൂരിപക്ഷം വരുന്ന ജനങ്ങളുടെ സാമ്പിളാണെന്ന് പറയാനാവുമോ? ഇല്ല<<

നിര്‍ബന്ധമില്ല, ആവശ്യവുമില്ല.

ആവശ്യമുള്ളത് മറ്റൊന്നാണ്, ഭരണസഭയില്‍ വരുന്നത് രാഷ്ട്രീയ ഉന്നതിയുള്ള, കാഴ്ചപ്പാടുള്ള ഭരണപാഠവമുള്ള, വ്യക്തികളായിരിക്കണം അവര്‍ ഏതുപാര്‍ട്ടിയായാലും!


ജനാധിപത്യം എന്നാല്‍ പണക്കാര്‍ തിരഞ്ഞെടുത്ത പണക്കാരാല്‍ പണക്കാര്‍ക്ക് വേണ്ടിയുള്ള എന്നോ പാവപ്പെട്ടവര്‍ തിരഞ്ഞെടുത്ത പാവപ്പെട്ടവരാല്‍ പാവപ്പെട്ടവര്‍ക്ക് വേണ്ടിയുള്ള എന്നോ അല്ലെന്നും ജനങ്ങള്‍ തിരഞ്ഞെടുത്ത ജനങ്ങളാല്‍ ജനങ്ങള്‍ക്ക് വേണ്ടിയുള്ളത് എന്നുമാണെന്നും അതുകൊണ്ട് തന്നെ ഭരണ സഭയിലേക്കുള്ളവര്‍ താങ്കള്‍ സൂചിപ്പിച്ച സാമ്പ്ലിങ്ങല്ലെന്നും മനസ്സിലാക്കുക.

ഭരണ സഭ എന്നാല്‍ ഭരിക്കാനുള്ള സഭയാണ്. അവിടേക്ക് വരുന്നവരുടെ യോഗ്യത നിശ്ചയിക്കുന്നത് വ്യക്തികളുടെ സാമ്പത്തിക അവസ്ഥയല്ല മറിച്ച് രാഷ്ട്രീയമായ അറിവും കഴിവുമാണ്.

ഇന്‍ഡ്യന്‍ ജനായത്ത് സമ്പ്രദായത്തില്‍ ആശയങ്ങള്‍ അടിസ്ഥാനപ്പെടുത്തിയ രാഷ്ട്രീയപാര്‍ട്ടികളിലൂടെയാണ് വ്യക്തികള്‍ സഭകളിലേക്ക് തിരഞ്ഞെടുക്കപ്പെടുന്നത്. അതുകൊണ്ട് തന്നെ പണമല്ല ആശയങ്ങളോടുള്ള കൂറാണവരെ സഭകളിലെത്തിക്കുന്നത്.

മറ്റൊന്ന്;

ഒരു പാവപ്പെട്ടവന്‍ പാവപ്പെട്ടവന്റെ കാര്യങ്ങള്‍ കൂടുതല്‍ ശ്രദ്ധാലുവാകും എന്നോ പണക്കാരന്‍ പണക്കാരന്റെ കാര്യത്തില്‍ മാത്രം(കൂടുതല്‍) ശ്രദ്ധിക്കും എന്നൊക്കെ കരുതുന്നത് ശെരിയല്ല. ചരിത്രത്തിലേക്കും ഒന്ന് നോക്കുക, ഇന്‍ഡ്യന്‍ സ്വാതന്ത്ര സമരത്തില്‍ന്റെ കാര്യത്തിലായാലും മുന്‍ നിരയിലുള്ളവര്‍ പണക്കാരോ അപ്പര്‍ മിഡ്ഡില്‍ ക്ലാസ്സിലുള്ളവരോ ഒക്കെയായിരുന്നില്ലേകൂടുതല്‍ ?
പറഞ്ഞുവന്നത് താങ്കളുടെ സാമ്പ്ലിങ്ങ് തിയറി തെറ്റാണെന്നാണ്.

ഇന്‍ഡ്യന്‍ ഭരണ സഭയില്‍ രാഷ്ട്രീയമായും സാമൂഹ്യമായും ആശയപരമായും ദീര്‍ഘവീക്ഷണവുമുള്ളവരുടേതായിരിക്കണം അവിടെ അവരുടെ സാമ്പത്തിക നിലവാരത്തിന് യാതൊരു പ്രസക്തിയുമില്ല ഉണ്ടാവാന്‍ പാടില്ല.

തറവാടി said...

>>അതുകൊണ്ടാണ് പട്ടിണിക്കാരനെ ഭരിക്കേണ്ട സഭയില്‍ 60 ശതമാനത്തില്‍ കൂടുതല്‍ കോടീശ്വരന്മാര്‍ വരാന്‍ കാരണം. ബിസിനസ്സ് മേഖലയില്‍ നിന്നും വന്നവര്‍ അവരുടെ ബിസിനസ്സ് വര്‍ദ്ധിപ്പിക്കാനുള്ള കാര്യങ്ങള്‍ക്ക് മുന്‍ തൂക്കം നല്‍കും. അത്രയുമെ ഞാന്‍ പറഞ്ഞുള്ളൂ<<

ഇന്‍ഡ്യയുടെ ചരിത്രം നോക്കുക, രാഷ്ട്രീയ ബോധവും ഭരണപാഠവും രണ്ടാണ്. ബോധമുള്ളവന് പാഠവമുണ്ടാവണം എന്നില്ല.

ഒരു രാജ്യത്ത് കുറെ രാഷ്ട്രീയ ബോധമുള്ളവര്‍ ഉണ്ടായിട്ടും നേതൃത്വപാഠവം ഉള്ളവരില്ലെങ്കില്‍ പ്രയോചനമില്ല. പറഞ്ഞുവന്നത് പണം മാത്രമല്ല രാഷ്ട്രീയ ആശയങ്ങളോട് കൂറുള്ളവരും കൂടിയാണ് പാര്‍ട്ടികളിലൂടെ തിരഞ്ഞെടുക്കുന്നതെന്നാണ് അതേ സമയം കള്ളനാണയങ്ങളില്ലെന്ന് പറയുന്നുമില്ല.

തറവാടി said...

>>താങ്കളെപ്പോലെയുള്ളവരെ ബാധിക്കുന്ന കാര്യമല്ലാത്തതിനാല്‍ അത് ഉള്‍ക്കൊള്ളാനും പ്രയാസമുണ്ടാവും.<<

എന്നെ ബാധിക്കുന്നുണ്ടോ ഇല്ലയോ /എന്റെ രാഷ്ട്രീയ ബോധത്തെയൊന്നും അനില്‍@ബ്ലോഗ് അളക്കേണ്ടതില്ല

തറവാടി said...

>>എന്നിരുന്നാ‍ലും നല്ല കാറുകളില്‍ കേരള മന്ത്രിമാര്‍ നടക്കുന്നതുകൊണ്ട് ഈ നാട്ടിലെ പാവപ്പെട്ടവന് എന്തു കുറവ് ഉണ്ടായി<<

കുറവുണ്ടായാലും ഞാനോ എന്നെപ്പോലുള്ളവരോ ഒന്നും പറയില്ല കാരണം എന്നെ ഭരിക്കുന്നവര്‍ നന്നായി നടക്കുന്നവരാകണം എന്ന ചിന്ത നന്നായുണ്ട്.

തറവാടി said...

കേന്ദ്രമന്ത്രിമാര്‍ സ്റ്റാര്‍ ഹോട്ടലില്‍ താമസിച്ചതിനെ വിമര്‍ശിച്ചപ്പോള്‍ സമാനമായത് താങ്കള്‍ക്ക് പ്രാമുഖ്യമുള്ള(?) പാര്‍ട്ടിയുടെ മന്ത്രിമാര്‍ ചെയ്യുന്നതിനെ എങ്ങിനെ കാണുന്നു എന്നാരാഞ്ഞതാണ്, മറുപടിയില്‍ നിന്നും നിലപാട് വ്യക്തമായി നന്ദി.

തറവാടി said...

>>ഇന്ത്യയില്‍ പെട്രോള്‍ കുഴിച്ചെടുക്കുന്നില്ല, പുറത്തുനിന്ന് വരുന്നത് തന്നെയാണ്. അതുകൊണ്ട് പെട്രോള്‍ വില നിശ്ചയിക്കാന്‍ ഉള്ള സര്‍ക്കാരിനുണ്ടായിരുന്ന അധികാരം ഒഴിഞ്ഞുകൊടുക്കുന്നതെന്തിന്?<<

ഇതുവരെ കൂടുതല്‍ വിലക്ക് പുറം രാജ്യത്തുനിന്നും വാങ്ങി സര്‍ക്കാര്‍ സബ്സിഡി കൊടുത്ത് വില നിശ്ചയിക്കുകയായിരുന്നു. ഇനി സബ്സിഡികൊടുക്കുന്നത് നിര്‍ത്തിയതിനാല്‍ സ്വാഭാവികമായും ആ നിയന്ത്രണവും അവര്‍ക്ക് നല്‍കേണ്ടിവരുന്നു, ഇതൊക്കെയാണെങ്കിലും ഈ നിലപാടിനോട് പൂര്‍ണ്ണമായും എനിക്ക് യോജിപ്പില്ലെന്നും സാന്ദര്‍ഭികമായി സൂചിപ്പിക്കുന്നു.

തറവാടി said...

ഫൈസല്‍ കൊണ്ടോട്ടി,

എനിക്ക് താങ്കളും അനില്‍@ബ്ലോഗും ഈ ബൂലോകത്തുള്ള സര്‍‌വ്വരും സമമാണ്, ആര് പറഞ്ഞെന്ന് ഞാന്‍ നോക്കാറില്ല.

ഇന്‍ഡ്യയിലും കേരളത്തിലും അഴിമതിയില്ലെന്ന് പറയാന്‍ ഞാന്‍ പാര്‍ട്ടിക്കാരനല്ല.

വീകെ said...

“പ്രതിഷേധത്തില്‍ ഈയുള്ളവനും പങ്കു ചേരുന്നു“

ജിവി/JiVi said...

ഫൈസല്‍ കോണ്ടോട്ടി,

ഇന്ത്യയിലെ ഇന്ധനവിലയില്‍ പകുതിയോളം നികുതികളാണ്. ഇത് അമേരിക്കയും ആസ്ത്രേലിയയുമടക്കം പല വികസിത രാജ്യങ്ങളിലേക്കാള്‍ കൂടുതലാണ്. അവിടങ്ങളിലെ ജനങ്ങളുടെ വാങ്ങല്‍ ശേഷി ഇന്ത്യാക്കാരന്റേതിന്റെ എത്രയോ ഇരട്ടിയാണ്. ഇന്ധനക്ഷമത ഇന്ത്യയുടേതിന്റെ മൂന്നിരട്ടിയും. ഇതുരണ്ടും കണക്കിലെടുക്കുമ്പോള്‍ വിലകള്‍ തമ്മില്‍ അക്കങ്ങളിലുള്ള വ്യത്യാസത്തിനപ്പുറം എത്ര വലുതാണ് അന്തരം എന്നുനോക്കുക. ഇന്ധന സ്ബ്സിഡി വലീയ ബാധ്യതയാണ് എന്ന് പറയുന്നവര്‍ അത് ഒരുതരത്തില്‍ നികുതിയിളവ് മാത്രമാണ് എന്ന് മനസ്സിലാക്കുന്നില്ലേ? ലക്ഷക്കണക്കിനു കോടിയുടെ(കൃത്യമായ തുക ഓര്മ്മലയില്ല) നികുതിയിളവ് കോര്പ്പാറേറ്റുകള്ക്ക് നല്കി്യ സര്ക്കാരാണ് എണ്ണക്ക് സബ്സിഡി(അല്ലെങ്കില്‍ നികുതിയിളവ്) നല്കുമന്നത് വലീയ ബാധ്യതയാണെന്ന് പറയുന്നത്. കോര്പ്റേറ്റ് ടാക്സ് ഇളവു ചെയ്യാതിരിക്കാന്‍ ഈ ഗവ. ആവുകയില്ല. അതുകൊണ്ട് ഇന്ധനനികുതിയിളവ്(സബ്സിഡി എന്ന് പറയുമ്പോഴാണല്ലോ പ്രശ്നം) പിന്‍ വലിക്കുന്നു. ഭാരം താങ്ങേണ്ടത് സാധാരണക്കാരനാണല്ലോ

ഷാ said...

പ്രതിഷേധത്തില്‍ ഞാനും പങ്കു ചേരുന്നു.

ആര്‍ബി said...

@faisal kondotty

ആര്‍ബി കമന്റ്സ് ശരിക്ക് വായിക്കാതെയാണ് മറുപടി പറഞ്ഞതെന്ന് തോന്നുന്നു .

"രാഷ്ട്രീയമല്ലാതെ ഒരു തൊഴിലും അറിയാത്ത / ചെയ്യാത്ത പലരും" ഒരു നാള്‍ ബില്യണയര്‍മാര്‍ ആകുന്നതു എന്നാണു ഞാന്‍ പറഞ്ഞത് ..അല്ലാതെ എല്ലാ രാഷ്ട്രീയക്കാരും സമം ഒന്നിനും കൊള്ളാത്തവര്‍ എന്നല്ല .. ഞാന്‍ പലരും എന്നാണു പറഞ്ഞിട്ടുള്ളത് .... വിരലില്‍ എണ്ണാവുന്ന അപൂര്‍വ്വം ചില സാത്വികര്‍ ഉണ്ടെങ്കില്‍ തന്നെ അവര്‍ക്കൊന്നും ഭരണ യന്ത്രത്തില്‍ വലിയ റോള്‍ കിട്ടുകയോ കൊടുക്കുകയോ ചെയ്യില്ല .. അങ്ങിനെ വളര്‍ന്നു വരാവുള്ള രാഷ്ട്രീയ സാഹചര്യം അല്ല ഇന്ന് ലീഡിംഗ് ആയിട്ടുള്ള ഇന്ത്യന്‍ രാഷ്ട്രീയ പാര്‍ട്ടികളില്‍ ഉള്ളത്. നമ്മളും ഇവിടെ ഒക്കെ തന്നെയാ ജീവിക്കുന്നത് മച്ചൂ ...

.എന്തായാലും പോസ്റ്റും കമ്മെന്റ് ഉം ശരിക്ക് വായിക്കതെയുള്ള മറുപടി കൊള്ളാം ... പിന്നെ മൊത്തം രാഷ്ട്രീയക്കാര്‍ എല്ലാം പഞ്ച പാവങ്ങളും ഒരു അഴിമതി പോലും നടത്തുകയോ ചിന്തിക്കുകയോ ചെയ്യാതെ നാട് നന്നാക്കാന്‍ ഇറങ്ങി പുറപ്പെട്ടവര്‍ ആണെന്ന് ആര്‍ബി വേണമെങ്കില്‍ വിശ്വസിച്ചോളൂ ... പക്ഷെ അത് അണ്ണാക്ക് തൊടാതെ വിഴുങ്ങാന്‍ എത്രയാളുകള്‍ തയാറാകും എന്നതില്‍ സംശയം ഉണ്ട്




ente maashe,, massh cheriya kaaryangalil kayari pidikkukayaanallo
nhan post vaayicho vaayichilleyo,, chothichath nyaayamalle???

ellaarum parayunna sthiram pallaviyaanu maashe,, raashtreeyakkaar shumbanmaar, azhimathikaar ennokke,,

ihi onnu chodhikkatte,,, faisalinu paatumo oru MLA kuppaayamidaan??? ee anil@ blog nu pattumo PM aavaaan... ithokke chummaa chothichathaa.. ini athinu mekkittu kayaranda...

tharavaadi paranhapole, raashtra bodham undaayittu kaaryalla bhaaayee nethrupaadavam ennath oru veritta gunam thanneyaanu... athinu kure Marxian thathwashaasthram paranhitto,, mathathe kuttam paranhitto kaaryalla...


azhimathikkaarundaavum ath raaashtreeyathilum enthinu nammude civilian maarkkidayilum ille,,,, its quite natural.. but raashtreeyathil avare akati nirthaaan vote ennoru aayudham undallo.. athu eduth prayokikkanam...


pinne ellaaatinum nhanethiru,.. avarokke pozhanmaar.. nhan maathram nallavan.. ente party maathram ellaam thikanhavar ennokke parayunnath moodatham.. allengil alpatham enne parayaanullooo

OT : malayalam typaan kurach budhimuttund...Mozhi ente computer lu instaalaan pattilla,... IT sammathikkilla... athondaaa tto.. kshmikka

ആര്‍ബി said...

@anil @blog

>>>താങ്കള്‍ ഈ വഴി അധികം വന്നിട്ടില്ലാത്തതുകൊണ്ടാണ് ഡിവൈഎഫൈയുടെ ആഹ്വാനമാണോ ഇത്തരം പോസ്റ്റുകളുടെ ഉത്ഭവം എന്ന ചൊദ്യം ചോദിക്കാന്‍ കാരണം. അടുത്ത ഇലക്ഷന് മന്മോഹന്‍ സിങിനെപ്പോലെയുള്ള ലോകബാങ്ക് മുന്‍ ഗുമസ്തന്മാരെ ഒഴിവാക്കുകയും പേയ്മെന്റ് സീറ്റുകള്‍ ഒഴിവാക്കുകയും ചെയ്യൂ. എന്നിട്ട് ഈ നാട്ടിലെ പൊതു പ്രവര്‍ത്തന രംഗത്തുനിന്നും വരുന്നവരെ സ്ഥാനാര്‍ത്ഥികളാക്കൂ, ഫലം കാണുക തന്നെ ചെയ്യും.<<<

ithinulla marupadi tharavaad nerathe paranhu
nhanath aavarthikkunnilla


ee pothu pravarthakan ennu udheshichath aareyokkeyaa?

KEN, Sukumar azhacode,,, thudangiyavareyaano???

Manmohan singh ne ലോകബാങ്ക് മുന്‍ ഗുമസ്തന് - ennu paranhatho oru konhanam kuthalaanengil.. just onnu chinthichu nokkiye,,, manmohan singh indian Sambath vyavasthakk enthokke sambaavanakal nalki ennu,,,

indiall ketturappulla oru sambathika vyavastha roopappeduthunnathil aaa thale keetukaarante budhiyille??

Chuvapp kodi pidichaal enthum parayaam enna amithaavesham venda anil...

India innu Lokathile mun nira saamthika shakthikalil onnaanu,,...

athu communism kondundaayathalla... Manmohan singh ne polulla thalayil "Kidney" yullavarude veekshanam kondu maathramaanu....


OT : as said, malayalam typing nu kazhiynnilla.. sorry

Pranavam Ravikumar said...

വളരെ പ്രസക്തമായ ഒരു ചോദ്യം തന്നയാണ് താങ്കളുടെ തലകെട്ട്...

ഒരു പാര്‍ട്ടിയെയും കുറ്റപെടുത്താന്‍ ഉദ്ദേശമില്ല. അവരവര്‍ അവരവരുടെ വളര്‍ച്ചകള്‍ നോക്കി പോകുന്നു എന്ന് ചുരുക്കം...

"രാഷ്ട്രീയമില്ലാതൊരു ജനാധിപത്യം" പ്രാവര്‍ത്തികമോ?

എങ്കില്‍ നമ്മുടെ നാട് നന്നാവും.......(ഇത് എന്റെ വീക്ഷണം മാത്രം)

അനില്‍@ബ്ലോഗ് // anil said...

തറവാടീ,
പാര്‍ലമെന്റ് ഇന്ത്യന്‍ ജനവിഭാഗത്തിന്റെ റപ്രസന്റ്റേഷനാവണമെന്ന് താങ്കള്‍ക്ക് നിര്‍ബന്ധമില്ലായിരിക്കും, എന്നാല്‍ സാധാരണക്കാരന്‍ അത് ആഗ്രഹിക്കുന്നു.ദിവസം അരലക്ഷം രൂപ് വാടക കൊടുക്കുന്നതില്‍ വിഷമമില്ലാത്തവന്റെ പ്രിഫറന്‍സ് വെറെയായിരിക്കും. ഉദാഹരണമായി കേരളത്തിന്റെ റേഷന്‍ വിഹിതം വെട്ടിക്കുറക്കുന്നതിലും റയില്‍ അവഗണന തുടരുന്നതിലും വിഷമം തോന്നാത്ത ശശി തരൂര്‍ ഐപി എല്‍ ടീം ഉണ്ടാക്കിയാണ് കേരളത്തെ സഹായിക്കാന്‍ ശ്രമിച്ചതെന്ന് നമ്മള്‍ കണ്ടുകഴിഞ്ഞതാണ്. മറ്റ് കാര്യങ്ങളിലേക്ക് കടക്കുന്നില്ല, എന്നാല്‍ ഒന്ന് മാത്രം പറയാം, ഈ ബ്ലോഗില്‍ വരുന്ന കമന്റുകളുടെ അടിസ്ഥാനത്തില്‍ കമന്റിടുന്നവരുടെ നിലവാരം അളക്കാന്‍ ഞാന്‍ ശ്രമിക്കും , അതെന്റെ വ്യക്തിസ്വതന്ത്ര്യത്തിന്റെ ഭാഗമാണ്. സാധാരണക്കാരന് സഹായകമാവുന്ന വിധത്തില്‍ ഡീസകിന് സബ്സിഡി കൊടുക്കുന്നതിനെ എതിര്‍ക്കുന്ന താങ്കള്‍, അതേ സര്‍ക്കാര്‍ 5000 കോടി രൂപ കോര്‍പ്പരേറ്റുകള്‍ക്ക് വിവിധ ഹെഡുകളിലായി ഇളവ് കൊടുത്തത് കാണാതെ പോയതാണോ? എഴുതിയ വാചങ്ങള്‍ വച്ച് താങ്കളെയും അളക്കും അതില്‍ ക്ഷോഭം പ്രകടിപ്പിച്ചിട്ട് കാര്യമില്ല.

അനില്‍@ബ്ലോഗ് // anil said...

വി.കെ,
നന്ദി.

ജിവി,
അക്കാര്യം ഞാന്‍ സൂചിപ്പിച്ചിട്ടുണ്ട്.

ഷാ,
നന്ദി.

ആര്‍ബി,
വീണ്ടും വന്നതിനു നന്ദി.മന്മോഹന്‍ സിങ് ഇന്ത്യാ രാജ്യത്തിനു ചെയ്തുകൊണ്ടിരിക്കുന്ന കാര്യങ്ങള്‍ നിരവധി തവണ പലയിടത്തുമായി ചര്‍ച്ച ചെയ്യപ്പെട്ട കാര്യമാണ്. ഇനിയും ചര്‍ച്ച ചെയ്യപ്പെടും.

പ്രണവം രവികുമാര്‍,
രാഷ്ടീയമില്ലാതെ ജനാധിപത്യത്തിനു നിലനില്പില്ല. പല വിശ്വാസങ്ങളും ചിന്താഗതികളും അനുസരിച്ച് ജീവിക്കുന്ന ഒരുപാട് മനുഷ്യരെ ചില കോമണ്‍ ആശയങ്ങളുടെ അടിസ്ഥാനത്തില്‍ ഒറ്റ പ്ലാറ്റ്ഫോമില്‍ കൊണ്ടു വരിക എന്നതാണ് ഇന്നത്തെ രാഷ്ട്രീയ പാര്‍ട്ടികളുടെ മുഖ്യ ധര്‍മ്മം

അപ്പൂട്ടൻ said...

ജനങ്ങൾക്കിടയിൽ നിന്നല്ലേ നേതാവ്‌ വരേണ്ടത്‌, അതല്ലേ ജനാധിപത്യത്തിന്റെ കാതൽ തന്നെ.

ഉപരിതലത്തിൽ മാത്രം ചിന്തിച്ചും പ്രവർത്തിച്ചും പരിചയിച്ചവർ ജനസേവനത്തിനായി (ഭരണത്തിനായി എന്നുവേണം പറയാൻ) ഇറങ്ങുമ്പോൾ നഷ്ടമാകുന്നത്‌ ഈയൊരു അനുഭവവും അനുഭാവവുമാണ്‌. ഐപിഎൽ വികസനമാകുന്നതും കൊക്കൊക്കോള പ്രശ്നത്തിൽ "എന്തുണ്ടായീ, കുറേപ്പേർക്ക്‌ ജോലി പോയി" എന്ന തരത്തിൽ പ്രതികരിക്കുന്നതും അംബാനിമാരുടെ പിണക്കം രാജ്യത്തിന്റെ നഷ്ടമായി കാണുന്നതും ഒക്കെ ഈ അപ്പർ മിഡിൽ ക്ലാസോ അതിനു മുകളിലോ മാത്രം കണ്ടുശീലിച്ചതിന്റെ പ്രശ്നമാണ്‌. (അങ്ങിനെമാത്രമേ സാധ്യമാകൂ എന്ന് പറയുന്നില്ല, പക്ഷെ ഇതുവരെ കണ്ടവർ അത്ര നല്ല ചിത്രം തരുന്നില്ല)

നടപടികളെല്ലാം പ്രൊ-പുവർ ആയിരിക്കാൻ ബുദ്ധിമുട്ടായിരിക്കാം, പക്ഷെ നിലനിൽപ്പിന്‌ ബുദ്ധിമുട്ടുന്നവരെ പരിപൂർണ്ണമായും അവഗണിച്ചുകൊണ്ട്‌, അവരെ പ്രതികൂലമായി ബാധിക്കുന്ന നയങ്ങളുമായി ഭരണം നടത്തുക എന്നത്‌ ജനാധിപത്യത്തിന്റെ രീതിയേ അല്ല.

കെപിഎസ്‌ മാഷിന്റെ പരാമർശം (അനിൽ ക്വോട്ട്‌ ചെയ്തത്‌) ഞാനും കണ്ടിരുന്നു. സത്യത്തിൽ നെഹ്രൂവിയൻ സോഷ്യലിസം എന്ന കഥ തന്നെ വെറും പൊള്ളയാണെന്നാണോ അദ്ദേഹം പറഞ്ഞുവരുന്നത്‌? കോൺഗ്രസ്‌ ആണല്ലൊ സ്വാതന്ത്ര്യാനന്തരം ഭരിച്ചവർ, അപ്പോൾ ക്യാപ്പിറ്റലിസം തന്നെയാണ്‌ പിന്തുടർന്നതെങ്കിൽ പിന്നെന്ത്‌ നെഹ്രൂവിയൻ സോഷ്യലിസം? (കോൺഗ്രസ്‌ അത്‌ തള്ളിയെന്നാണ്‌ എന്റെ അറിവ്‌, നിലവിലേ ഇല്ലായിരുന്നു എന്ന് ഇപ്പോഴാണ്‌ അറിഞ്ഞത്‌)

ബഷീർ said...

അനിൽ,

പ്രതികരണത്തെ അനുകൂലിച്ച അഭിപ്രായമാണെന്റെതും.

തറവാടി said...

അനില്‍@ബ്ലോഗ്,

>>സാധാരണക്കാരന് സഹായകമാവുന്ന വിധത്തില്‍ ഡീസകിന് സബ്സിഡി കൊടുക്കുന്നതിനെ എതിര്‍ക്കുന്ന താങ്കള്‍<<

ഉവ്വോ? ഞാന്‍ അങ്ങിനെ പറഞ്ഞുവോ? കമന്റ് ശെരിക്കും വായിക്കൂ എന്നിട്ട് കമന്റൂ.


ഓയില്‍ പ്രധാനമായും ഇറക്കുമതിചെയ്യുകയാണ് ഇന്‍ഡ്യ, ഇത്രയും കാലം സബ്സിഡി കൊടുത്ത് പെട്രോള്‍ കുറഞ്ഞ വിലക്ക് ലഭ്യമാക്കുകയായിരുന്നു. പെട്രോള്‍ പ്രധാനമായും ഉപയോഗിക്കുന്നത് ചെറുകിടവാഹനങ്ങളിലാണ് അതുകൊണ്ട് തന്നെ പെട്രോള്‍ വില വര്‍ദ്ധിക്കുന്നതിനാല്‍ 'പാവപ്പെട്ടവനെ' യാണ് ഏറ്റവും ബാധിക്കുക എന്നെനിക്ക് തോന്നുന്നില്ല ( തോന്നുന്നില്ല നോട് ദ പോയിന്റ്!); മറിച്ച് ചെറുകിട വാഹനങ്ങള്‍ ഉപയോഗിക്കുന്ന പണക്കാരെ(?) യായിരിക്കും.

എന്നാല്‍ ഡീസലിന്റെ കാര്യമതല്ല,

അത് കൂട്ടിയാല്‍ അതിന്റെ ഇമ്പാക്ട് സാധനങ്ങളുടെ വിലകൂടുതലടക്കം പല ഡയറക്ട് ഇമ്പാക്ടും ഉണ്ടാവും. അപ്പോള്‍ രണ്ടും തമ്മില്‍ വിലയിരുത്തിയാണ് തീരുമാനിക്കേണ്ടത് കൂട്ടിയാലും ഇല്ലെങ്കിലും അത് ശെരിയായി വിലയിരുത്തിയീട്ട് വേണമെന്നാണെന്റെ നിലപാട്. അല്ലാതെ എന്തെങ്കിലും കണ്ടാല്‍ കൊടിയും പിടിച്ച് എതിര്‍ക്കലല്ല എന്റെ ശൈലി എന്ന് ചുരുക്കം.

താങ്കള്‍ സൂചിപ്പിച്ച അമേരിക്കന്‍ ബാങ്ക് ഗുമസ്ഥനായ മിസ്റ്റര്‍ സിംഗ്, ജനങ്ങളാല്‍ തിരഞ്ഞെടുത്ത ഞാനും താങ്കളുമൊക്കെ ഉള്‍ക്കൊള്ളുന്ന ഇന്‍ഡ്യാ മഹാരാജ്യത്തെ പ്രധാനമന്ത്രിയാണ്( അദ്ദേഹത്തിന്റെ യോഗ്യതയെപ്പറ്റി കുറച്ചൊക്കെ മനസ്സിലാക്കുന്നത് നന്നാവും ഇതുപോലെയൊക്കെ വിളിക്കുമ്പോള്‍!)

പെട്രോള്‍ വിലകൂട്ടിയാലും ഡീസല്‍ വിലകൂട്ടിയാലും നാട്ടിലുണ്ടാവുന്ന ഇമ്പാക്ട് ഇവാലുവേറ്റ് ചെയ്യാന്‍ ഇന്ന് നിലവില്‍ അദ്ദേഹത്തോളം യോഗ്യതയുള്ളവര്‍ ഉണ്ടെന്നെനിക്ക് തോന്നുന്നില്ല ( താങ്കള്‍ക്ക് വല്ലവരേയും അറിയുമോ? , വല്ല പട്ടിണിപാവങ്ങളും?!) അപ്പോ അതൊക്കെ വിലയിരുത്തി കൂട്ടുകയോ കുറക്കുകയോ ചിലതിന്റെ മാത്രം കൂട്ടുകയോ, സ്ലാബ് കൊണ്ടുവരുകയോ , എന്താണെന്ന് വെച്ചാല്‍ ചെയ്യട്ടെ.

തറവാടി said...

ഓഫ്:

>>ഈ ബ്ലോഗില്‍ വരുന്ന കമന്റുകളുടെ അടിസ്ഥാനത്തില്‍ കമന്റിടുന്നവരുടെ നിലവാരം അളക്കാന്‍ ഞാന്‍ ശ്രമിക്കും , അതെന്റെ വ്യക്തിസ്വതന്ത്ര്യത്തിന്റെ ഭാഗമാണ്.<<

>> എഴുതിയ വാചങ്ങള്‍ വച്ച് താങ്കളെയും അളക്കും അതില്‍ ക്ഷോഭം പ്രകടിപ്പിച്ചിട്ട് കാര്യമില്ല<<

ഇതാണ് താങ്കള്‍ക്കടക്കമുള്ളവരുടെ ഒരു കുഴപ്പം, എല്ലാവരേയും അങ്ങട്ടളന്ന്‌കളയും!

തറവാടി said...

എന്റെ ആദ്യത്തെ കമന്റ് ( മുകളില്‍ കാണാം)

ഇതുവരെ കൂടുതല്‍ വിലക്ക് പുറം രാജ്യത്തുനിന്നും വാങ്ങി സര്‍ക്കാര്‍ സബ്സിഡി കൊടുത്ത് വില നിശ്ചയിക്കുകയായിരുന്നു. ഇനി സബ്സിഡികൊടുക്കുന്നത് നിര്‍ത്തിയതിനാല്‍ സ്വാഭാവികമായും ആ നിയന്ത്രണവും അവര്‍ക്ക് നല്‍കേണ്ടിവരുന്നു,

ഇതൊക്കെയാണെങ്കിലും ഈ നിലപാടിനോട് പൂര്‍ണ്ണമായും എനിക്ക് യോജിപ്പില്ലെന്നും സാന്ദര്‍ഭികമായി സൂചിപ്പിക്കുന്നു.

ഷൈജൻ കാക്കര said...

അനിൽ... 47-ലെ ഇന്ത്യയാണോ 2010 ലും, 56-ലെ കേരളമാണോ 2010 ലും. പട്ടിണി തുടച്ച്‌ മാറ്റിയിട്ടില്ല പക്ഷെ പട്ടിണിയുടെ കാഠിന്യം പല പ്രദേശങ്ങളിലും കുറഞ്ഞിട്ടുണ്ട്... കാളവണ്ടിയിൽ പോയവർ ബസ്സിൽ യാത്ര ചെയ്യുന്നുണ്ട്... ഭൂമിയിലാതിരുന്ന ആദിവാസികൾക്ക്‌ പലയിടത്തും ഭൂമി കിട്ടുന്നുണ്ട്... വിദ്യാലയവും ആശുപത്രികളുമില്ലാതിരുന്ന സ്ഥലങ്ങളിൽ സാവധാനത്തിലാണെങ്ങിലും ഇതൊക്കെ വരുന്നുണ്ട്... ജന്മിമാരുടെ വാക്കിന്‌ മറുവാക്ക്‌ പറയാതിരുന്ന കീഴാളജനത അവകാശങ്ങൾ ചോദിച്ചുവാങ്ങുന്നു. വഞ്ചിയിൽ തുഴഞ്ഞ്‌ അക്കരെയെത്തിയവർ ഇന്ന്‌ പാലത്തിലുടെ സഞ്ചരിക്കുന്നു, മുമ്പൈയിൽ വീമാനം ഇറങ്ങിയവർ ഇന്ന്‌ നെടുമ്പാശേരിയിൽ വീമാനം ഇറങ്ങുന്നു. കാക്കരയും അനിലും വിദൂര സ്ഥലങ്ങളിലിരുന്ന്‌ സംവദിക്കുന്നു. ഇതൊക്കെ തന്നെയാണ്‌ പുരോഗതി... ഇതല്ലാതെ വല്ലതും എഴുതിയോ?

കുട്ടികളെ സ്വന്തം കാര്യങ്ങൾ ചെയ്യാൻ പരിശീലിപ്പിക്കണം, മാതാപിതാക്കൾ നിയന്തണവും മേൽനോട്ടവും നടത്തണം. സഹായം വേണ്ടിടത്ത്‌ മാത്രം സഹായിക്കുക... കുട്ടികൾക്ക്‌ സാധിക്കാത്ത കാര്യങ്ങൾ മാതാപിതാക്കൾ ചെയ്യുക, ഇതാണ്‌ എന്റെ ആശയം... ഇത്‌ ആഗോളവത്ക്കരണത്തിന്റെ മുദ്രവാക്യമാണെന്നൊക്കെ പറഞ്ഞ്‌ സമയം കളയല്ലെ? അവസാനത്തെ വണ്ടിയെങ്ങിലും പിടിക്കാം...

“പുരോഗതി എവിടെ ചെന്ന്‌ നിൽക്കും എന്ന്‌ കാലം തെളിയിക്കും“ ഇതു കുറെ നാളായി കേൾക്കാൻ തുടങ്ങിയിട്ട്‌, ഇതുവരേയും കാലം തെളിയിച്ചില്ല... കാത്തിരിക്കാം, അല്ലേ?

തറവാടി said...

കാക്കര,

>>നെടുമ്പാശേരിയില്‍ വീമാനം ഇറങ്ങുന്നു<<

ഇതാണോ താങ്കള്‍ പുരോഗമനത്തില്‍ കൂട്ടിയ ഒരൈറ്റം?!

കുറച്ച് ഗള്‍ഫ് കാര്‍ക്കും നാട്ടിലെ ചില പണക്കാര്‍ക്കും കൊച്ചിയില്‍ വിമാനമിറങ്ങാന്‍ സൗകര്യമായി എന്നതല്ലാതെ അല്ലാതെ പട്ടിണിപ്പാവങ്ങളായ കേരളീയന് കൊച്ചിയില്‍ വിമാനമിറങ്ങുന്നത് കൊണ്ട് എന്താണ് നേട്ടം? ഇതാണോ പുരോഗതി?

തറവാടി said...

ഇന്റര്‍ നെറ്റും കമ്പ്യൂട്ടര്‍ കമ്മ്യൂണിക്കേഷനുമാണോ പുരോഗതിയുടെ മുഖം? അതൊക്കെ പണക്കാരുടേയും അപ്പര്‍ മിഡ്ഡില്‍ ക്ലാസ്സിന്റേയും ഉപകരണങ്ങളല്ലേ?

സാധാരണക്കാരനും പട്ടിണികിടക്കുന്ന പാവപ്പെട്ടവനും ഇതുകൊണ്ടൊക്കെ എന്തുനേട്ടമാണുള്ളത്?

തറവാടി said...

മുകളിലെ കമന്റുകള്‍ ചിലര്‍ തെറ്റ് ദ്ധരിക്കാന്‍ ഇടയുള്ളതിനാല്‍ :)

നെടുംബാശ്ശേരി വിമാനത്താവളം വരുമ്പോള്‍ പണ്ട് അതിനെതിരായി ഉന്നയിച്ചിരുന്ന, ഇന്നും പലരും സ്വയം ചോദിക്കുന്നതും ചോദിച്ചുകൊണ്ടിരിക്കുന്നതുമാണ് (അനുഭവവുമുണ്ട്);

പഴയകാല ചരിത്രം ചിലരെങ്കിലും ഓര്‍ക്കുമെന്നും കരുതുന്നു. നെടുംബാശ്ശേരിയുടെ ചരിത്രമറിയാന്‍ അത്രക്ക് പുറകോട്ടൊന്നും പോവേണ്ടതില്ലല്ലോ!

ഇതുമൂലം വിഷയമാറ്റം വരാതിരിക്കട്ടെ!

അനില്‍@ബ്ലോഗ് // anil said...

അപ്പൂട്ടന്‍,
ഒരു പ്രോ പുവര്‍ സമീപനമായിരിക്കണം ഗവണ്മെന്റിന്റെതെന്ന് ആരും വാശി പിടിക്കില്ല. പക്ഷെ 60 ശതമാനത്തിനു മുകളില്‍ ആളുകള്‍ 20 രൂപയോ അതില്‍ താഴെയോ പ്രതിദിന വരുമാനമുള്ള ഒരു നാടാണ് ഇതെന്ന് ഒരു ചിന്ത വേണമെന്നെ പറയുന്നുള്ളൂ.

ബഷീര്‍ വെള്ളറക്കാട്,
നന്ദി.

തറവാടി,
ഡീസലിനു വിലകൂടിയാല്‍ നിത്യോപയോഗ സാധനങ്ങളുടെ വില കൂടുമെന്ന് സമ്മതിച്ചല്ലോ. സബ്സിഡി കൊടുക്കുന്നില്ലെങ്കില്‍ പിന്നെ വിലകൂടും, വിലകൂടുന്നെങ്കില്‍ പിന്നെ എന്തിനാണ് പേരിനൊരു സര്‍ക്കാര്‍ നിയന്ത്രണം അല്ലെ? അതുമങ്ങ് വെണ്ടന്ന് വച്ചേക്കാം. ഈ ബഹളത്തിനിടയില്‍ ആരും അത് ശ്രദ്ധിക്കാനും ഇടയില്ല. മണ്ണെണ്ണയും ഗ്യാസും പണക്കാരന്‍ മാത്രം ഉപയോഗിക്കുന്ന സാധനങ്ങളായതിനാല്‍ അതിന്റെ വിലകൂടിയതോണ്ട് കുഴപ്പമില്ല. ഇത്തരം നിയന്ത്രണങ്ങള്‍ ഒഴിവാക്കിയാല്‍ ഡീസലിന്റെ വില ആരു നിയന്ത്രിക്കും? പൊതുമേഖലാ സ്ഥാപങ്ങള്‍ വില്‍ക്കുന്നതില്‍ കുറഞ്ഞ വിലയില്‍ മറ്റ് സ്വകാര്യ സ്ഥാപങ്ങള്‍ വിറ്റാല്‍ അതിനു നിയന്ത്രണം വരുത്താന്‍ എന്താണ് മാര്‍ഗ്ഗം? വിലനിര്‍ണ്ണയത്തില്‍ നിന്ന് സര്‍ക്കാര്‍ ഒഴിവായതിന് സ്പെസിഫിക്കായ കാരണം എന്താണ്? ഇത് ഈ ഒരു വിഷയത്തില്‍ മാത്രമാണോ അതോ ഒരു പോളിസി ഡിസിഷനാണോ?
മന്മോഹന്‍ സിങിനെ ഒരു റിട്ടയേഡ് ലോകബാങ്ക് ഗുമസ്തന്‍ എന്ന് പരാമര്‍ശിക്കുന്നതില്‍ എന്താണ് പ്രശ്നം? ചില ആള്‍ക്കാരോട് എനിക്കിത്തിരി ബഹുമാനക്കുറവാണ്, അവരുടെ പ്രവര്‍ത്തി ദോഷം കോണ്ട്.
ഡിഗ്രികള്‍ കൊണ്ട് എന്തു ഗുണമാണ് തറവാടീ? അത് കയ്യിലുള്ളതുകൊണ്ട് നാടിന് ഗുണമില്ലെങ്കില്‍ ഫ്രെയിം ചെയ്ത് ഷോക്കേസില്‍ വക്കാനെ ഉപകരിക്കൂ. പുറം നാട്ടുകാര്‍ക്ക് ചിലപ്പോള്‍ ഗുണം കാണുമായിരിക്കും.
കാക്കരയുമായുള്ള സംഭാഷണങ്ങള്‍ തുടര്‍ന്നോളൂ, ഞാനങ്ങോട്ട് കടക്കുന്നില്ല. ഇത്തരം ദമാശകള്‍ ധാരാളം കേള്‍ക്കുന്നതാണ്.

കാക്കരെ,
വീണ്ടും കുട്ടികളും രക്ഷിതാക്കളും പറഞ്ഞ് കളിക്കുകയാണല്ലോ. ആ ഉപമ ഒരു ജനാധിപത്യ സര്‍ക്കാരിനും ആ നാട്ടിലെ ജനങ്ങള്‍ക്കും ചേരില്ല. ഏതു മേഖലയിലെയും ബേസിക് സ്റ്റാന്‍ഡേര്‍ഡ് ആവണം സര്‍ക്കാര്‍. എന്നാലെ നാടു നന്നാവൂ.
വികസനത്തെ സംബന്ധിച്ച് താങ്കള്‍ പറഞ്ഞതില്‍ തന്നെ കാര്യങ്ങള്‍ അടങ്ങിയിട്ടുണ്ടല്ലോ. സന്തുലിതമല്ലെങ്കിലും സാമാന്യമായ ഒരു വികസനം എല്ലാ മേഖലയിലും ഉണ്ടാ‍യാലേ അത് ഗുണപ്രദമാവൂ. കേരളത്തിലെ ദാരിദ്ര്യ നിരക്ക് മറ്റ് സ്ഥലങ്ങളിലെ അപേക്ഷിച്ച് കുറവായതിനാലാണ് ഇവിടെ സ്ഥായിയായ മറ്റ് വികസനങ്ങള്‍ ഉണ്ടായത്. ബഹുഭൂരിപക്ഷം ആളുകള്‍ പട്ടിണികിടക്കുന്ന ഒരു നാട്ടില്‍ ഇതുപോലെ കമ്പ്യൂറും ഇന്റര്‍നെറ്റും ഉണ്ടാവുമോ എന്ന് ആലോചിച്ചാല്‍ മതി.

അപ്പൂട്ടൻ said...

അനിൽ,
ഒരു പ്രോ പുവര്‍ സമീപനമായിരിക്കണം ഗവണ്മെന്റിന്റെതെന്ന് ആരും വാശി പിടിക്കില്ല. പക്ഷെ 60 ശതമാനത്തിനു മുകളില്‍ ആളുകള്‍ 20 രൂപയോ അതില്‍ താഴെയോ പ്രതിദിന വരുമാനമുള്ള ഒരു നാടാണ് ഇതെന്ന് ഒരു ചിന്ത വേണമെന്നെ പറയുന്നുള്ളൂ.

ഞാൻ പറഞ്ഞതും അതുതന്നെയാണ്‌, തെറ്റിദ്ധരിച്ചൊ? ഒരു സംശയം.

നടപടികളെല്ലാം പ്രൊ-പുവർ ആയിരിക്കാൻ ബുദ്ധിമുട്ടായിരിക്കാം, പക്ഷെ നിലനിൽപ്പിന് ബുദ്ധിമുട്ടുന്നവരെ പരിപൂർണ്ണമായും അവഗണിച്ചുകൊണ്ട്, അവരെ പ്രതികൂലമായി ബാധിക്കുന്ന നയങ്ങളുമായി ഭരണം നടത്തുക എന്നത് ജനാധിപത്യത്തിന്റെ രീതിയേ അല്ല.

തറവാടി said...

അനില്‍@ബ്ലോഗ്,

>>പൊതുമേഖലാ സ്ഥാപങ്ങള്‍ വില്‍ക്കുന്നതില്‍ കുറഞ്ഞ വിലയില്‍ മറ്റ് സ്വകാര്യ സ്ഥാപങ്ങള്‍ വിറ്റാല്‍ അതിനു നിയന്ത്രണം വരുത്താന്‍ എന്താണ് മാര്‍ഗ്ഗം?<<

അപ്പോ സത്യത്തില്‍ എന്താണ് പ്രശ്നം ? വിലകൂടുന്നതാണോ അതോ വിലകുറയുന്നതോ?
അതോ മറ്റുവല്ല പ്രശ്നവും? ആകെ ഒരു കണ്‍ഫ്യൂഷന്‍! വില കുറയുന്നത് നല്ല കാര്യമല്ലേ? എന്താണ് താങ്കള്‍ പറയാന്‍ ശ്രമിക്കുന്നത്?

N.J Joju said...

1. "ജനാധിപത്യത്തിലൂടെ സോഷ്യലിസ്റ്റ് ചിന്താഗതി രാജ്യത്ത് നടപ്പാവണമെന്ന് ആരും പ്രതീക്ഷിക്കുന്നില്ല."
എന്നു വച്ചാല്‍ ജനാധിപത്യമല്ല പോംവഴി അല്ലേ അനില്‍.

2. ഇന്ത്യന്‍ പാര്‍ലമെന്റ് ഇന്ത്യയിലെ മഹാഭൂരിപക്ഷം വരുന്ന ജനങ്ങളുടെ സാമ്പിളാണെന്ന് പറയാനാവുമോ

ഇന്തയിലെ 34% പേര്‍ നിരക്ഷരരാണ്‌ എന്നുള്ളതുകൊന്ട് പാര്‍ലമെന്റിന്റെ 34% ആള്‍ക്കാര്‍ നിരക്ഷരരായിരിയ്ക്കണം എന്നു പറയാനാവുമോ?

3. ശശിതരൂരിനെ ഇതുവരെ അങ്ങോട്ടു പിടിച്ചിട്ടില്ല അനിലിന്. അയാള്‍ ഹോട്ടലില്‍ താമസിച്ചത് അനിലിന്റെ കാശുകൊന്ടോ ജനങ്ങളുടെ കാശുകൊണ്ടോ അല്ല. ജനങ്ങള്‍ അയാളെ എംപി ആക്കിയത് ശശി തരൂരിന്റെ കാശുകണ്ടിട്ടുമല്ല. അവിടെ മത്സരിച്ച മറ്റുള്ളവരേക്കാള്‍ ശശിതരൂര്‍ മികച്ചവനാണെന്ന് അവര്‍ക്കു തോന്നിക്കാണും. അതിനെ അംഗീകരിക്കാനുള്ള മനസാണ്‌ താങ്കള്‍ ആദ്യമുണ്ടാക്കണ്ടത്.

4. പാര്‍ലമെന്റില്‍ 100% ദരിദ്രനാരായണന്മാര്‍ ആണെങ്കില്‍ സ്ഥിതിമെച്ചപ്പെടുമെന്ന് ഉറപ്പാണെങ്കില്‍ അനിലിനു തോന്നുന്നുണ്ടെങ്കില്‍ നമുക്ക് ആവഴിയ്ക്ക് ചിന്തിയ്ക്കാം.

5. താങ്കള്‍ക്ക് ആരാധ്യനായ(?) ഈ.എം.എസ് പണമില്ലാത്തതുകൊന്ടാണോ പണമുള്ളതുകൊന്ടാണോ കമ്യൂണിസ്റ്റുപാര്ട്ടിയുടെ തലപ്പത്ത് എത്തിയത്?

Echoes said...

1. Petrol has been deregulated (and reduction in subsidies) to reduce the fiscal deficit which is running at 10.5% of GDP. This is a critical situation which can result in lowering of India's sovereign credit rating, and devaluation of Indian currency. When the currency depreciates, imports like petroleum becomes costly which is a further burden on petroleum companies and Govt. Again, if a debt crisis like that in Europe (owing to high fiscal deficits) happens, there are chances of India entering recession and incomes rapidly dropping. This can create a downward spiral and the poor will be the first to struggle in such a situation. So, it is based on a long term view that the govt took decision to reduce the subsidies. Also, deregulation can result in increased competition which will reduce inefficiencies in the system and benefit the common man in long term.....

തറവാടി said...

>>ഡിഗ്രികള്‍ കൊണ്ട് എന്തു ഗുണമാണ് തറവാടീ? അത് കയ്യിലുള്ളതുകൊണ്ട് നാടിന് ഗുണമില്ലെങ്കില്‍ ഫ്രെയിം ചെയ്ത് ഷോക്കേസില്‍ വക്കാനെ ഉപകരിക്കൂ. പുറം നാട്ടുകാര്‍ക്ക് ചിലപ്പോള്‍ ഗുണം കാണുമായിരിക്കും<<


ഇതില്‍ നിന്നും എന്താണ് താങ്കള്‍ ഉദ്ദേശിച്ചതെന്ന് വ്യക്തമായില്ലെങ്കിലും ഞാന്‍ മനസ്സിലാക്കിയത് വെച്ച് പറയട്ടെ. ഞാനടക്കം എത്രയോ എന്‍‍ജിനീയറിങ്ങ് ഡിഗ്രിയുള്ളവര്‍ക്ക് കേര്‍ളത്തിലെ തൊഴില്‍ നിഷേധിച്ചതില്‍ മുഖ്യ പങ്ക് താങ്കള്‍ നില നില്‍ക്കുന്ന പാര്‍ട്ടിതന്നെയല്ലെ? തൊഴില്‍ സമരങ്ങള്‍ നടത്തി എത്രയോ കമ്പനികള്‍ പൂട്ടിച്ചു. പുതിയത് വരുന്നതിനേ ഓരോ ലൊട്ട് ലൊടുക്ക് ന്യായങ്ങള്‍ പറഞ്ഞ് എതിര്‍ക്കുന്നു.

ഒരു നല്ല ഇന്‍ഡസ്ട്രി വരുന്നതിന് തടസ്സം നില്‍ക്കുന്നതില്‍ മുന്നില്‍ നില്‍ക്കുന്നതാരാണ്?

ഇന്നും കേരളത്തില്‍ പണം മുടക്കാന്‍ താത്പര്യമുള്ളവരെ പിന്‍‌തിരിപ്പിക്കുന്നത് ആരാണ്?
കണ്ണ് തുറന്നുനോക്കൂ അനില്‍‍@ബ്ലോഗ്. എന്നെപ്പോലുള്ളവര്‍ ഗതികേടുകൊണ്ട് പ്രവാസിയായപ്പോള്‍ അതിനേയും താങ്കള്‍ പുറം നാട്ടുകാര്‍ക്ക് ഗുണം കാണുമായിരിക്കും എന്ന് പരിഹസിക്കുന്നു.

തയ്യാറാണ് മിസ്റ്റര്‍ അനില്‍@ബ്ലോഗ് , തരുമോ ഒരു ജോലി?

ഇപ്പോള്‍ ഏറ്റവും അവസാനമായി ഹൈവേയുടെ കാര്യത്തില്‍, സ്മാര്‍ട്ട് സിറ്റി അങ്ങിനെ പരന്നുകിടക്കുന്നു. ഇപ്പോ ദാ പൊതുനിരത്തില്‍ യോഗം നടത്തി ആളുകളുടെ സഞ്ചാര സ്വാതന്ത്ര്യത്തെ ഹനിക്കരുതെന്ന കോടതി വിധിയെ പരസ്യമായി എതിര്‍ക്കുന്നു!

എന്നിട്ടും പറയുന്നു പുരോഗമനവാദികള്‍ / പാവങ്ങളുടെ കാവല്‍ ഭടന്മാര്‍ എന്ന് കഷ്ടം!!

സ്വയം ചിന്തിക്കൂ അനില്‍@ബ്ലോഗ്, നല്ലതിനൊപ്പം നില്‍ക്കൂ മഞ്ഞ കണ്ണട മുഖത്തുനിന്നും മാറ്റൂ എന്നിട്ട് കണ്ണ് തുറന്ന് നോക്കൂ പലതും മനസ്സിലാവും.

chithrakaran:ചിത്രകാരന്‍ said...

ജനാധിപത്യ സമൂഹത്തില്‍ പാര്‍ലമെന്റ് എന്നു പറയുന്നത് വളരെ പാവനമായ പൊതുജന വേദിയാകേണ്ടതായിരുന്നു. എന്നാല്‍ പാര്‍ലമെന്റ് ഷെയര്‍ മാര്‍ക്കെറ്റുപോലെ ഒരു ബിസിനസ്സ് സ്ഥാപനമായിക്കഴിഞ്ഞു എന്നാണ് ചിത്രകാരന്‍ മനസ്സിലാക്കുന്നത്. പൊതുജനങ്ങള്‍ അവിടെ പ്രതിനിധീകരിക്കപ്പെടുന്നില്ല.വര്‍ഗ്ഗീയതയെ പ്രതിനിധീകരിക്കുന്ന കാഷായ വസ്ത്രധാരികളും,പൂണൂല്‍ രോഗികളും,മുക്രികളും,ഇറ്റാലിയന്‍ ഗാന്ധിഭക്തരായ എംബോക്കി നസ്രാണികളും മാറിനിന്നാല്‍ കോടീശ്വരന്മാരായ വാണിക്കുകളുടെയും ഭൂപ്രഭുക്കന്മാരുടേയും ദല്ലാളന്മാരുടേയും
ചേംബറോഫ് കോമേഴ്സാണ് പാര്‍ലമെന്റ് !!!

അതിലും പെടാതെ,ജനാധിപത്യമണത്തിനു ചേര്‍ക്കുന്ന കറിവേപ്പിലപോലെ രാഷ്ട്രീയ ഇടനാഴിയില്‍ അടിഞ്ഞുകൂടിയിരിക്കുന്ന കുറച്ചു രാഷ്ട്രീയ പാര്‍ട്ടി പ്രതിനിധികളും അവിടെയുണ്ടെന്നത് നേരാണ്. അവരെ ഉദ്ദേശിച്ചാണ് എം.പി.മാരുടെ ശംബളം 80001/-രൂപയായി ഉയര്‍ത്താന്‍ ഏക കണ്ഠമായി തീരുമാനിക്കാന്‍ പോകുന്നത്. ഒരു കോടിയും രണ്ടു കോടിയുമൊക്കെ ലേലത്തുകയുള്ള (ജയിച്ചാലും തോറ്റാലും)സീറ്റിന് (ടിക്കറ്റെന്നാണു പറയുക)ഇരുപതു കോടിയും അന്‍പതു കോടിയുമൊക്കെ വിലയിടണമെങ്കില്‍ എം.പി.മാരുടെ ശംബളം കൂട്ടാതെ സ്ഥാനാര്‍ത്ഥികളെ നിര്‍ബന്ധിക്കാനാകില്ല.പാര്‍ട്ടികള്‍ക്ക് ഫണ്ടുണ്ടാക്കാന്‍ ഇങ്ങനെ ക്യാപ്പിറ്റേഷന്‍ ഫീ ചുമത്തുന്നതില്‍ തെറ്റൊന്നുമില്ലല്ലോ:)( ഇന്‍സ്റ്റാള്‍മെന്റായതിനാല്‍ സി.പി.എം ലെവി എന്നോ മറ്റോ ആണ് ഈ വിഹിതത്തിന് പേരിട്ടിരിക്കുന്നത്.)

ഇന്നു നിലനില്‍ക്കുന്ന ജനാധിപത്യത്തെ ബ്രാഹ്മണരുടെ ആചാര പ്രകാരമുള്ള “പ്രതീകാത്മക ജനാതിപത്യം” എന്നേ വിശേഷിപ്പിക്കാനാകു.

ആഴ്ച്ചയില്‍ മൂന്നു ദിവസം വീതം നടത്തുന്ന ഹര്‍ത്താലുകൊണ്ട്‌ ഇതൊക്കെ മാറ്റിമറിക്കാന്‍ കഴിയുമെന്നാണ് നമ്മുടെ പുരോഗമന മന്ദബുദ്ധികളായ രാഷ്ട്രീയ പാര്‍ട്ടികള്‍ ഘോരഘോരം പ്രസംഗിക്കുന്നത്.
മാടംബിത്വ പാരമ്പര്യം മാത്രമറിയുന്ന അവന്റെ വയറ്റിപെഴപ്പ് !!!

ഈ സ്ഥിതിവിശേഷം മറികടക്കാന്‍ ജനങ്ങള്‍ രാഷ്ട്രീയ നേതാക്കളെ മമ്മുട്ടിയേയും മോഹന്‍ലാലിനേയും ദൈവങ്ങളേയും,പുരോഹിതരേയും ചുമക്കുന്നതുപോലെ ചുമക്കാതെ നിലത്തെറക്കി വിടണം. തൊഴിലാളി വര്‍ഗ്ഗ പാര്‍ട്ടിയുടെ എത്ര മന്ത്രിന്മാര്‍ സ്റ്റേറ്റ് കാറുപയോഗിക്കാതെ പൊതു യാത്രാ സംവിധാനമായ തിരക്കേറിയ ബസ്സുകള്‍ കാത്തുനിന്ന് പൊതു ക്യൂ മാനിച്ച് മര്യാദക്ക് യാത്രചെയ്യും ? അതിനു തന്തക്കു പിറന്ന രാഷ്ട്യ്യ്രീയക്കാര്‍ നമ്മുടെ പാര്‍ട്ടികളിലുണ്ടോ ?
സ്റ്റേറ്റു കാറുകളില്‍ പോലീസ് അക്മ്ബടിയോടെ ശവവണ്ടിയുടെ സൈറണിട്ട് ജനത്തെ ഭയപ്പെടുത്തി നെട്ടോട്ടമോടുന്ന ചെറ്റകളായ മന്ത്രിമാടംബികളെ മുഖത്തുനോക്കി ജനപ്രതിനിധികളാണെന്ന് ഓര്‍മ്മിപ്പിക്കാന്‍ നമ്മുടെ രാഷ്ട്രീയ പാര്‍ട്ടികളുടെ അണികളില്‍ ഭക്തിയും വിധേയത്വവുമില്ലാത്ത ആണുങ്ങളുണ്ടായിരിക്കുമോ ? ഉണ്ടെങ്കില്‍ നമ്മുടെ നാട് എന്നോ നന്നാകുമായിരുന്നല്ലോ !
ജനങ്ങള്‍ക്ക് കക്ഷി രാഷ്ട്രീയ അടിമബോധമല്ലാതെ സ്വത്വബോധത്തില്‍ നിന്നും വളര്‍ന്ന രാഷ്ട്രീയ ബോധം ഉണ്ടാകുംബോഴേ നമ്മുടെ രാഷ്ട്രീയ കക്ഷികള്‍ക്ക് ഉത്തരവാദിത്വ ബോധമുണ്ടാകു.

ഏതെങ്കിലും പുതിയ പ്രായോഗിക ആശയങ്ങള്‍ ജനങ്ങള്‍ക്കു വഴികാണിക്കാതിരിക്കില്ല.ചിലപ്പോള്‍ മലയാളബൂലോഗത്താകാം ആ ആശയം പിറവിയെടുക്കുന്നത്.
ദിവ്യ നക്ഷത്രം ഉദിക്കുമോ ആവോ :)

അനില്‍@ബ്ലോഗ് // anil said...

ജോജു,
തീര്‍ച്ചയായും ജനാധിപത്യം തൊഴിലാളിക്ക് മെച്ചപ്പെട്ട് ഒന്നായല്ല ഇന്ന് വന്ന് ഭവിച്ചിരിക്കുന്നത്. കാശുള്ളവന് അത് ഏതു രീതിയിലും വലിച്ചൊണ്ട് പോവാമെന്ന് നമ്മള്‍ എന്നും കാണുന്നതാണല്ലോ. ഓരോരൊ തിരഞ്ഞെടുപ്പുകളും ഓര്‍ത്താല്‍ മതി, നരസിംഹറാവു ഉണ്ടയും തിന്നു.
നിരക്ഷരന്മാരുടെ പ്രതിനിധികള്‍ വേണ്ടെ തുടങ്ങിയ കൂതറ ചോദ്യങ്ങള്‍ക്കും, മഹാനായ തരൂര്‍ വിഷയത്തിലും വീണ്ടും മറുപടി എഴുതി സമയം കളയുന്നില്ല.
ഇഎം എസ് ഈ പോസ്റ്റിന്റെ വിഷയവുമല്ല.

Echoes,
ഈ പറയുന്നതിലൊന്നും വല്യ കാര്യമൊന്നും ഉണ്ടെന്ന് തോന്നുന്നില്ല. ഇപ്പോഴത്തെ ഇന്ത്യയിലെ പണപ്പെരുപ്പം എത്രയാ? ഈ കുറഞ്ഞിരിക്കുന്ന പണപ്പെരുപ്പത്തിലും ഇവിടെ ഇന്‍ഫ്ലേഷനല്ലെ യഥാര്‍ത്ഥത്തില്‍? പെട്രോളിയം ഉത്പന്നങ്ങളുടെ വില, സര്‍വ്വ സാധനങ്ങളുടേയും വില മേല്‍പ്പോട്ട്. രണ്ട് വര്‍ഷം മുമ്പ് നൂറു രൂപക്ക് കിട്ടിയ സാധനങ്ങളുടെ പകുതി പോലും ഇന്ന് കിട്ടില്ല. അപ്പൊള്‍ പണപ്പെരുപ്പ നിരക്ക് കുറഞ്ഞു എന്ന് പറയുന്നതില്‍ അര്‍ത്ഥം എന്താ? അതുപോലെ തന്നെ ഫിസ്കല്‍ ഡഫിസിറ്റും.

തറവാടീ,
പ്രവാസികളുടെ കാര്യങ്ങള്‍ ഇവിടെ ഇതുമായി കൂട്ടിക്കുഴക്കുന്നതെന്തിന്? ഇന്ത്യയേക്കാള്‍ കൂടുതല്‍ വരുമാനം അവിടെ നിങ്ങള്‍ക്ക് കിട്ടുന്നതുകൊണ്ട് നിങ്ങള്‍ അവിടെ ജോലി ചെയ്യുന്നു. ഇവിടെ പതിനായിരം കിട്ടുന്നവന് അവിടെയും അത്രയേ കിട്ടുന്നുള്ളൂ, പക്ഷെ ഇവിടെ നാണയം രൂപയും അവിടെ ദിര്‍ഹവുമാണെന്ന് മാത്രം. അതിനും ഇവിടുത്തെ പ്രസ്ഥാനങ്ങളെ കുറ്റം പറയുന്നതില്‍ വലിയ അര്‍ത്ഥമൊന്നുമില്ല.
പിന്നെ കേരളത്തില്‍ പണം മുടക്കാന്‍ വരുന്നവര്‍, നല്ല ഉദ്ദേശവുമായി വരുന്നവരെ ഇവിടെ സ്വാഗതം ചെയ്യുന്നുണ്ട്, സ്മാര്‍ട്ട് സിറ്റി നടപ്പാവാത്തതിനു കാരണങ്ങള്‍ വെറെയാണ്. സ്മാര്‍ട്ട് സിറ്റി നടപ്പായില്ലെന്നു പറയുന്നവര്‍ അതിനടുത്ത് ഇന്‍ഫോപ്പാര്‍ക്കടക്കം വളര്‍ന്നു വന്ന മറ്റ് ഐടി സംരഭങ്ങളെ കണ്ടില്ലെന്ന് വക്കുന്നതെന്തെ?
പൊതുനിരത്തും സമ്മെളനവുമൊക്കെ ഇനിയും ഒരുപാട് ചര്‍ച്ച ചെയ്യപ്പെടേണ്ട, പെടാന്‍ പോകുന്ന വിഷയമാണ്, ധൃതി വക്കാതെ. എല്ലാം ഒറ്റ പോസ്റ്റില്‍ ചര്‍ച്ച ചെയ്യാമെന്ന് വച്ചാല്‍ നടക്കുമോ, തറവാടീ?
അന്ധമായ കമ്യൂണിസ്റ്റ് വിരോധം മാറ്റി അവര്‍ പറയുന്നതില്‍ വല്ല കാര്യവുമുണ്ടോ എന്ന് താങ്കളും ഒന്ന് പരിശോധിക്കുന്നത് നന്നായിരിക്കു. ഒരു നല്ല കണ്ണട വക്കുക, കാഴ്ചകള്‍ വ്യക്തമാവും.

ചിത്രകാരാ,
നോ കമന്റ്സ് !!
:)

Murali said...

മുന്‍പൊരു കമന്റില്‍ ഞാന്‍ പറഞ്ഞിരുന്നതുപോലെ പൊതുമേഖലയെ ഇന്ന് നിലനിര്‍ത്തുന്നത് അതുകൊണ്ട് പ്രയോജനമുള്ള രാഷ്ട്രീയക്കാരും, ഉദ്യോഗസ്ഥരും ട്രേഡ് യൂണിയനുകളുമാണ്. പൊതുമേഖലക്ക് ഇന്ന് (എന്നും) ഒരു സാമ്പത്തിക ന്യായീകരണമില്ല. സ്വകാര്യമേഖലക്ക് അതിലും വളരെയേറെ ഭംഗിയായി ചെയ്യുവാന്‍ കഴിയാത്തതൊന്നും പൊതുമേഖല ചെയ്യുന്നില്ല. എന്നുമാത്രമല്ല, സര്‍ക്കാര്‍ നികുതിപ്പണം ലാഭവും നഷ്ടവും നോക്കാതെ ഒഴുക്കുന്ന മേഖലകളില്‍ സ്വകാര്യ സംരംഭകര്‍ക്ക് ഒരു level playing field ലഭിക്കാതെ പോകുകയും ചെയ്യുന്നു.

ഇനി പൊതുമേഖലക്ക് എന്തെങ്കിലും ധാര്‍മ്മിക അടിത്തറയുണ്ടോ എന്ന് നോക്കാം. ഇന്ന് ‘വിറ്റുതുലക്കുന്നു’ എന്ന് വിലപിക്കുന്ന പല പൊതുമേഖലാ സ്ഥാപനങ്ങളും സ്വകാര്യ സംരംഭകരുടെ കയ്യില്‍ നിന്ന് അധാര്‍മ്മികമായി ബലം പ്രയോഗിച്ച് സര്‍ക്കാരിലേക്ക് മുതല്‍ക്കൂട്ടിയതാണ് - കല്‍ക്കരി ഖനികള്‍, ബാങ്കുകള്‍, ഇന്‍ഷുറന്‍സ് കമ്പനികള്‍, തുടങ്ങി എയര്‍ ഇന്ത്യ വരെ. എയര്‍ ഇന്‍ഡ്യയെ ഏറ്റെടുത്തതിന് എന്ത് ന്യായീകരണമാണാവോ പറഞ്ഞത് - ‘ജനഹിതം’ എന്ന മുഖം‌മൂടിപോലും അതിനില്ലല്ലോ. ടാറ്റ നടത്തുന്ന കാലത്ത് ലോകത്തിലെ മികച്ച എയര്‍ലൈനായിരുന്നു അത്. ഇന്നത്തെ സ്ഥിതിയോ? സ്വകാര്യ സംരംഭകരില്‍ നിന്നല്ലാതെ, സര്‍ക്കാര്‍തന്നെ തുടങ്ങിയ പൊതുമേഖലാ സ്ഥാപനങ്ങളോ? ഇതും നികുതിപ്പണം ദുര്‍വിനിയോഗം ചെയ്തും, ബലപ്രയോഗത്തിലൂടെയും (സ്ഥലമെടുപ്പ് തുടങ്ങിയവ), അനാവശ്യ കടങ്ങള്‍ എടുത്തും തുടങ്ങിയവയാണെന്ന് കാണാം. അതായത് പൊതുമേഖലക്ക് സാമ്പത്തികാടിത്തറ മാത്രമല്ല, ഒരു ധാര്‍മ്മിക അടിത്തറ പോലുമില്ല എന്ന് കാണാം.

ജവര്‍ലാല്‍ നെഹറു മുന്നോട്ട് വച്ച സോഷ്യലിസ്റ്റ് കാഴ്ചപ്പാടില്‍ നിന്നത് ഏറെ പിന്നോട്ട് പോയിരിക്കുന്നു.

സോഷ്യലിസ്റ്റ് കാഴ്ചപ്പാടില്‍നിന്നും മുന്നോട്ടല്ലാതെ പിന്നോട്ട് പോകുവാന്‍ പറ്റില്ല. ഉത്തരധ്രുവത്തില്‍ നിന്ന് തെക്കോട്ടല്ലാതെ പോകാന്‍ പറ്റില്ല എന്നതുപോലെ. പക്ഷെ അങ്ങനെ ആയിരുന്നെങ്കില്‍ എന്ന് ആശിക്കുന്നു. സര്‍ക്കാര്‍ ചില അനാവശ്യ സംരംഭങ്ങളില്‍ നിന്നും പിന്മാറി എന്നത് സത്യം തന്നെ. പക്ഷെ എയര്‍ ഇന്‍ഡ്യ പോലെ വന്‍ വെള്ളാനകളായ പലതിനെയും ചുമക്കുന്നു, കൂടുതല്‍ കൂടുതല്‍ നികുതിപ്പണം ഒഴുക്കിക്കൊണ്ട്. എന്നുമാത്രമല്ല, NREGS പോലെയുള്ള, ദാരിദ്ര്യനിര്‍മാര്‍ജ്ജനത്തിന്റെ മുഖം‌മൂടി അണിഞ്ഞ പുതുവെള്ളാനകളില്‍ ചില ചെറുവെള്ളാനകളെ വിറ്റുകിട്ടിയ പണം ഇറക്കുകയും ചെയ്യുന്നു. ഗവണ്മെന്റിന്റെ വലിപ്പം കൂടുന്നതല്ലാതെ കുറയുന്നില്ല - അഡ്മിന്‍സ്ട്രേറ്റീവ് റിഫൊംസിനെക്കുറിച്ചു മന്മോഹനമ്മാവന്‍ പറഞ്ഞതൊക്കെ വെള്ളത്തില്‍ വരച്ച വരയാകുകയും ചെയ്തു.

കടുത്ത സാമ്പത്തിക മാന്ദ്യത്തില്‍ ലോകമൊന്നാകെ ഉലഞ്ഞപ്പോഴും ഇന്ത്യ പരിക്കുപറ്റാതെ നിന്നത് ഇവിടുത്തെ ധനകാര്യ സ്ഥാപങ്ങള്‍ സര്‍ക്കാര്‍ ഉടമസ്ഥതിയിലായതിനാലാണെന്ന്..

അതായത് ടിയാന് ലോക സാമ്പത്തിക മാന്ദ്യം എന്തൊകൊണ്ട് ഉണ്ടായെന്നോ, ഇന്‍ഡ്യ അതില്‍ നിന്ന് ‘രക്ഷപ്പെട്ടത്’ എന്തുകൊണ്ടെന്നോ അറിയില്ല. മുഖര്‍ജിസാറ് ഇതൊന്ന് വായിച്ചുനോക്കിയിരുന്നെങ്കില്‍: http://mises.org/daily/3165

പാവങ്ങളെ ‘രക്ഷിക്കാന്‍’ സര്‍ക്കാരിന് ചെയ്യാവുന്ന ഏറ്റവും നല്ല വഴി അവരുടെ ജീവിതത്തില്‍ അനാവശ്യമായി ഇടപെടാതിരിക്കുക എന്നതാണ്. സ്വകാര്യ സ്വത്തവകാശവും സാമ്പത്തികസ്വാതന്ത്ര്യവും കാത്തുസൂക്ഷിച്ചാല്‍ മാത്രം മതി - പാവങ്ങള്‍ അവരുടെ കാര്യം നോക്കിക്കിള്ളും. സ്വകാര്യ സ്വത്തിന്റെയും, സാമ്പത്തിക സ്വാതന്ത്ര്യത്തിന്റെയും ഭാഷ സംസാരിക്കുന്ന ഒരു ലിബര്‍ട്ടേറിയന്‍ രാഷ്ട്രീയമാണ് ഇന്‍ഡ്യയുടെ ആവശ്യം. പക്ഷെ എന്തുചെയ്യാം, ലിബര്‍ട്ടേറിയന്മാരെ രാഷ്ടീയ പ്രവര്‍ത്തനത്തില്‍ നിന്നും നിയമം മൂലം നിരോധിച്ചിരിക്കുകയാണല്ലോ.

അനില്‍@ബ്ലോഗ് // anil said...

മുരളി,
ഒരു പക്കാ കാപ്പിറ്റലിസ്റ്റ് ചിന്തയാണ് താങ്കള്‍ പങ്കുവക്കുന്നതെല്ലാം. പൊതുമേഖലയില്‍ നിലനില്‍ക്കുന്ന സ്ഥാപനങ്ങള്‍ക്കെല്ലാം അതിന്റേതായ ധര്‍മ്മങ്ങളും ലക്ഷ്യങ്ങളും ഉണ്ട്. ഏതൊരു പൊതുമേഖല സംരഭവും അതു പ്രവര്‍ത്തിക്കുന്ന മേഖലയില്‍ സൃഷ്ടിക്കുന്ന ചില അടിസ്ഥാന സ്റ്റാന്‍ഡേര്‍ഡുകള്‍ ഒരു പരിധി വരെ താങ്കള്‍ പ്രമോട്ട് ചെയ്യുന്ന കുത്തകളുടെ വ്യാപനത്തെ തടുക്കുന്നുണ്ട്. അതിനെ തകര്‍ക്കുകയാണ് ആ മേഖലയില്‍ കൂടുതല്‍ സ്വകാര്യ സംരഭങ്ങള്‍ വരാന്‍ ആവശ്യം. സ്വകാര്യ സംരഭങ്ങള്‍ അവരുടെ ലാഭം വര്‍ദ്ധിപ്പിക്കാനാവുന്നതെല്ലാം ചെയ്യും, ഇന്ത്യ പോലെയുള്ള ഒരു രാജ്യത്ത് അത് അനുവദിച്ചുകൂടാ. പൊതുമേഖലയെപ്പറ്റി താങ്കള്‍ വിവരിക്കുന്നത് താങ്കളുടെ കണ്‍സപ്റ്റ്,അതില്‍ താങ്കള്‍ക്ക് തെറ്റുകാണാനാവില്ല, പക്ഷെ അതാണ് എല്ലാവരുടെയും ശരി എന്ന് വാശിപിടിക്കരുതെന്ന് മാത്രം.

ആഗോള സാമ്പത്തിക മാന്ദ്യം എന്താണെന്നും അതെങ്ങിനെ ഉണ്ടായെന്നും പലയിടത്തുനിന്നും കേട്ടും വായിച്ചും ഉള്ള അറിവ് മാത്രമെ എനിക്കുള്ളൂ. ഇനി അതെന്താണെന്ന് താങ്കള്‍ വിശദമാക്കിയാല്‍ വായിക്കാം.

അവസാന പാരഗ്രാഫ് വായിച്ചിട്ട് ഒന്നും പറയാനില്ല,ലോക വിപണിയുടെ ആവശ്യം അതാണ്, അതിനു വേണ്ടിയാണ് നമ്മുടെ ഭരണാധികാരികള്‍ ഈ പണിയെല്ലാം ചെയ്തു കൊടുക്കുന്നതും. പക്ഷെ എല്ലാം വിപണി നിയന്ത്രിക്കുന്ന ആ സങ്കല്‍പ്പത്തില്‍ പണക്കാരന്‍ കൂടുതല്‍ കൂടുതല്‍ പണക്കാരനാവുകയും പാവപ്പെട്ടവന്‍ കൂടുതല്‍ ദരിദ്രനാവുകയും ചെയ്യുന്ന കാഴ്ചയാണ് നമ്മള്‍ കാണുന്നതെന്ന് മാത്രം.

തറവാടി said...

ചോദ്യം എന്നോടല്ലെങ്കിലും!

>>ഏതൊരു പൊതുമേഖല സംരഭവും അതു പ്രവര്‍ത്തിക്കുന്ന മേഖലയില്‍ സൃഷ്ടിക്കുന്ന ചില അടിസ്ഥാന സ്റ്റാന്‍ഡേര്‍ഡുകള്‍ ഒരു പരിധി വരെ താങ്കള്‍ പ്രമോട്ട് ചെയ്യുന്ന കുത്തകളുടെ വ്യാപനത്തെ തടുക്കുന്നുണ്ട്. അതിനെ തകര്‍ക്കുകയാണ് ആ മേഖലയില്‍ കൂടുതല്‍ സ്വകാര്യ സംരഭങ്ങള്‍ വരാന്‍ ആവശ്യം. <<


ഒരു ചെറിയ ഉദാഹരണം പറയട്ടെ!



കുറച്ച് വര്‍ഷം മുമ്പ് ബാങ്കിലെ അക്കൗണ്ടില്‍ നിന്നും പണം ലഭിക്കാനുള്ള ബുദ്ധിമുട്ട് കുറച്ചുപേരെങ്കിലും ഇപ്പോഴും ഓര്‍ക്കുന്നുണ്ടാവും. കനറാ ബാങ്കിലോ അല്ലെങ്കില്‍ എസ്.ബി.ഐ യിലോ മറ്റോ പോയി കയ്യിലെ ചെക്ക്/ ഡിഡി അവിടെയുള്ള ഒരു ക്ലാര്‍ക്കിനെ കാണിക്കുന്നു. തന്റെ പിന്നിലുള്ള വലിയ അലമാരയില്‍ നിന്നും അടക്കിവെച്ചിരിക്കുന്ന കട്ടിയുള്ള പുസ്ഥകങ്ങളിലൊന്നില്‍ നിന്നും വന്ന ആളുടെ പേരടങ്ങിയ പുസ്ഥകം പുറത്തെടുക്കുന്നു. വന്ന ആളുടെ പേരെഴുതിയ പേജില്‍ എഴുതിയിരിക്കുന്ന, ലഭ്യമായ പണവും മറ്റും നോക്കി, മാനേജറുടെ അടുത്തോ അല്ലെങ്കില്‍ തൊട്ടപ്പുറത്തിരിക്കുന്ന സൂപര്‍ വൈസറുടെ അടുത്തോ വെരിഫിക്കേഷന് കൊടുക്കുന്നു.
വെരിഫിക്കേഷന്‍ കഴിഞ്ഞാല്‍ വന്ന ആള്‍ക്ക് നമ്പര്‍ എഴുതിയ ഒരു നാണയം കൊടുക്കുന്നു. അതും കയ്യില്‍ വെച്ച് ഉപഭോക്താവ് തന്റെ ഊഴത്തിന് കാത്തിരിക്കുന്നു, നമ്പര്‍ വിളിച്ചാല്‍ കൗണ്ടറില്‍ നിന്നും പണവും വാങ്ങിപോകുന്നു.

ഇവിടെ പ്രധാനമായുമുള്ള പ്രൈവസിയും( ബാങ്കിലെ അടിച്ചുവാരാന്‍ വരുന്നവന്‍ അടക്കം പ്യൂണിന് പോലും ആര്‍ക്ക് എത്ര പണം അക്കൗണ്ടിലുണ്ടെന്ന് മനസ്സിലാക്കാവുന്നതാണ്) സെക്യൂരിറ്റിയും ( ഹ്യൂമന്‍ എറര്‍ വരാനുള്ള കൂടുതലുള്ള ചാന്‍സ്) എല്ലാം മാറ്റിനിര്‍ത്തിയാല്‍ പോലും ഏറ്റവും പ്രധാനപ്പെട്ടതാണ് സമയ നഷ്ടം.

അതായത് കല്യാണത്തിന് പോകുന്നതുപോലെയാണ് അന്നത്തെയൊക്കെയുള്ള ബാങ്കില്‍ പോക്ക്.രാവിലെ പോകും തിരിച്ചുവരുമ്പോള്‍ വൈകീട്ട് നാലുമണിയാവും.ഇവിടെ മറ്റൊന്നുകൂടി നോക്കുക, അന്ന് ബാങ്കില്‍ അക്കൗണ്ട് ഉള്ളവര്‍ തുലോം കുറവായിരുന്നു. ഇനി ഇന്‍ഡ്യക്ക് പുറത്തുള്ളവരുടെ കാര്യം പറയുകയാണെങ്കില്‍, പണം അയച്ചാല്‍ അത് കിട്ടാന്‍ ആഴ്ചകള്‍ ചിലപ്പോള്‍ മാസം(ങ്ങള്‍) എടുക്കും.
എന്റെ ഇക്ക അയച്ച പൈസ ഉപ്പയുടെ കയ്യില്‍ കിട്ടാന്‍ മാസം തന്നെ മിക്കപ്പോഴും വേണ്ടിവന്നിട്ടുണ്ട്.

തുടരും...

തറവാടി said...

തുടര്‍ച്ച..

ഇന്നത്തെ അവസ്ഥ ഞാന്‍ പറയേണ്ടതില്ലല്ലോ. ഇന്‍ഡ്യയില്‍ എവിടെനിന്നും പണം ലഭിക്കും. ചില ഗ്രാമപ്രദേശങ്ങളിലെതൊഴിച്ചാല്‍ , കനറാ ബാങ്കിലും എസ്.ബി.ഐയിലുമെല്ലാം ഇന്ന് അത്യധുനിക സൗകര്യങ്ങള്‍ ലഭ്യമാണ്. ബാങ്കില്‍ നിന്നും ലഭിക്കുന്ന സര്‍‌വീസ് അതേത് കാര്യത്തിലായാലും വളരെ മാറ്റം വന്നിട്ടുണ്ട്.

ഇന്‍ഡ്യക്ക് പുറത്തുനിന്നും പണമയച്ചാല്‍ നിമിഷത്തിനകം അത് കൈപറ്റാനാവുന്നു. ഷെയറുകള്‍ ഓഫീസിലിരുന്ന് ഓണ്‍ലൈന്‍ വഴി വാങ്ങാനും വില്‍ക്കാനുമാവുന്നു. ഇതിനൊക്കെ പുറമെ ഓരോ വ്യക്തിയുടേയും സമ്പത്തിക അവസ്ഥ സര്‍ക്കാരിനും മറ്റും വ്യക്തമായും നിരീക്ഷിക്കാനും അതുവഴി സര്‍ക്കാരിലേക്ക് ലഭിക്കേണ്ടുന്ന ടാക്സും മറ്റും അറിയാനും സ്വീകരിക്കുവാനും ആകുന്നു.

നിലവിലുണ്ടായിരുന്ന സര്‍ക്കാര്‍ പൊതു മേഖല ബാങ്കുകള്‍ ഇതുപോലെയാവാന്‍ കാരണം മുഖ്യമായും സ്വകാര്യബാങ്കുകള്‍ വന്നതിനാലും അവരുമായുള്ള മത്സരത്തിന്റേയും ഫലമാണ്. സ്വകാര്യ ബാങ്കുകള്‍ വന്നില്ലായിരുന്നെങ്കില്‍ ഇന്നും ഞന്‍ ആദ്യം സൂചിപ്പിച്ച അവസ്ഥയില്‍ കാര്യങ്ങള്‍ നടന്നുകൊണ്ടിരുന്നേനെ.ഇതിനോടൊപ്പം തന്നെ കമ്പ്യൂട്ടര്‍ വന്നതുമൂലം വന്ന മാറ്റത്തേയും വിലയിരുത്താം.

ഇന്ന് സ്വകാര്യ മേഖലയിലുള്ള ടെലിക്കമ്മ്യൂണിക്കേഷന്റെ കാര്യത്തിലായാലും എല്ലാം ഈവ്യത്യാസം കാണാവുന്നതാണ്.


ഇനിയിപ്പോ ഈ ഉദാഹരണം കണ്ടാല്‍:

കുറച്ച് നേരം ബാങ്കില്‍ നിന്നാലെന്താണ് കുഴപ്പം?
പട്ടിണീപാവങ്ങള്‍ക്ക് എന്തിനാണ് ബാങ്ക് എന്നൊക്കെ ചോദ്യം വരുമെന്ന് നല്ല നിശ്ചയമുണ്ട്!

അനില്‍@ബ്ലോഗ് // anil said...

അതു കൊള്ളാം തറവാടീ, നാട്ടിലെ എല്ലാ പുരോഗതിക്കും കാരണം സ്വകാര്യമേഖലയാണെന്ന് !
സര്‍ക്കാര്‍ മേഖലിയില്‍ പണിയെടുക്കുന്നവനൊക്ക് മണുങ്ങന്‍മാരാണെന്ന് !
ഈ ബാങ്കുകള്‍ പുണ്യം നേടാന്‍ വേണ്ടി തുറന്നതായിരിക്കില്ല എന്നാണ് ഞാന്‍ ധരിക്കുന്നത്. എങ്ങിനെയും പണമുണ്ടാക്കുക എന്നതാണ് എല്ലാ കോര്‍പ്പറേറ്റുകളുടെയും ലക്ഷ്യം. അതില്‍ ഒരു നിയന്ത്രണം നിലനില്‍ക്കുന്നത് ഇവിടെ ദേശസാത്കൃത ബാങ്കുകള്‍ ഉള്ളതിനാലാണെന്ന് മനസ്സിലാക്കാന്‍ ശ്രമിക്കുക. സ്വകാര്യ സംരഭങ്ങളെ ആരും എതിര്‍ക്കുന്നില്ല, ഒരു നിയന്ത്രണം വേണമെന്നെ പറയുന്നുള്ളൂ. അത് മനസ്സിലാവുന്നില്ലെങ്കില്‍ താങ്കള്‍ അങ്ങിനെ തന്നെ തുടരുക.

ഷൈജൻ കാക്കര said...

അനിൽ... വീട്ടുകാര്യം പറഞ്ഞത്‌ കുട്ടിക്കളിയായി കാണേണ്ടതില്ല... ജനാധിപത്യത്തിന്റെയും ഒരു സോഷ്യലിസ്റ്റ് സർക്കാരിന്റെയും ഒരു മീനിയേച്ചറായി കാണുക... ഏത്‌ മേഖലയിലും ഒരു ബേസിക്ക്‌ സ്റ്റാന്റേർഡിനുവേണ്ടി സർക്കാർ നിലകൊള്ളണം, തിരുത്തലുകൾ വേണ്ടിടത്ത്‌ മാത്രം തിരുത്തലുകൾ...

തറവാടി... നെടുമ്പാശേരി എയർപ്പോർട്ടിന്റെ കഥ ആരൊക്കെ മറന്നാലും മന്ത്രി ശർമ്മ മറക്കില്ല. കാരണം അദ്ധേഹത്തിന്റെ “നെഞ്ചിലൂടെയാണല്ലൊ” ഓരൊ വീമാനവും വന്നിറങ്ങുന്നത്‌...

ഉഗ്രന്‍ said...

...അദ്ധേഹത്തിന്റെ “നെഞ്ചിലൂടെയാണല്ലൊ” ഓരൊ വീമാനവും വന്നിറങ്ങുന്നത്‌...

അതു കലക്കി കാക്കരെ...

:)

mr.unassuming said...

anil,
ethra upariplavamaayaanu nammude sahajeevikal karyangal kaanunnathu ennu avarude abhipraayaprakadanangalil ninnum vyaktham!Gathiyillaathe pravaasi aaya ellaa avanmaarum roopakk moolyam koodiyaal ivide vannu joli thedippidichu paniyedukkum ennum urappaanallo!Sathyathil gathiyillathavante nilayil ninnum kaaryangal nokkikkaanaanum avanodu sahathapichillengilum upadravikkaathevidaanulla kripayengilum nashtamaayittillaathavanum okke nethaakkanmaar aayaale saambathika purogathikkum mukalilaaya yadaartha samoohika purogathi undaavoo! athinu oru rashtreeyappaartiyo thathwasamhithakalo ennathil upari,credibility ulla, orukoottam nalla manushyar nethrunirayil varanam ennathaan.panchayath election polum jayikkaatha nethaavu pradhanamanthri aakaavunna setup maathramulla nammude paavam Indiakk eeyideyaayi kittiyirikkunna puthiya suhruthine kettaal mathi nammude pooku aarkk gunam cheyyaan vendiyulla thathrappaadilaanennu manassilaakkaan..India oru praadeshika nethavil ninnum oru 'aagola' sambhavamaayi maariyirikkunnu ennu aa suhruthu saakshyappeduthiyirikkunnu.ivide postiya pala mahaaradhanmaarkkum ulppulakamundaakkunna prasthaavana thanne... alle maashe?

Ariyum gothambum undaakkaan veyilukollunnavane pathukke illathaakkiyaal naale kayyum kazhuki vannirikkumbol puzhungiya hard diskkum motherboardum koodi monitoril mukki thinnendi varum ennu koodi ivanmaar manassilaakkatte!Sarkkaar eathu theerumanamedukkumbozhum athu nerittu baadhikkunna saadhaaranakkarante mukhamaavanam aadyam avarude munpil undaavendathu.Enthu nyaayam paranhaalum indhana vila koottiyathum,vila niyanthrikkunnathil ninnum sarkkaar pinmaariyathum ee naattile saadhaaranakkaarante naduvinittu chavittiyathu thanneyaanu! International oil price engineyaan speculation vazhi skyrocket cheyyunnath ennu ellaavarum kandathaanallo.Bank rate SBI 7.5 aakkiyathu kondu sathyathil aarkkokkeyaavum nettam?Allaathe ithu kondum manmohaneekaranathinte mohana theerathu India adukkunnilla!'I don't have any magic wand to bring down prices as promised' ennu pandu pandu Indiakkaarkku nere konhanam kuthiya kakshiyaan ee pazhaya Gumasthji ennum marakkaruthu suhruthukkaley!!

Chuttilumulla ethra paavppettavarumaayi samathwamundaakki ennariyaan aagraham prakadippikkunna manassukalude kazhambillaayma thanneyaan nammude samoohathinte saapavum!swantham nilanilppinu kottam thattukayilla, chilappo nettavum undaakum , enna upabodhamanassile dhikkaara chinthayil ninnum avar polum ariyaathe purathu chaadunna dialogukal!!Sahaayikkuvaan manassullavar athinte kanakku sookshichu balance sheet maintain cheyyunnavaraavilla suhruthey..kanakkukal avatharippichu kayyadi nedukayumilla...Utopian aanennu kaliyaakkaamengilum atharam nanmakal anyam ninnu poyittumilla ennum manassilaakkuka.
Chuvappu kodiyodu allergiyullathukondu sthyangal kaanaathe pokaruthu... communist virodham enna vanmathilil idichu yaadhaarthyangal kaanaatheyum irikkaruthu...
ee vilavardhanavinekkaalum valiya kodaaliyaanu suhruthey price regulation-il ninnumulla retreat!!!
Accept it!this is atrocity!Do protest!!not weep over the take over of Airindia from the Tatas!
My opinions are in your lines Anil, though am not a hard core commy...

പാര്‍ത്ഥന്‍ said...

ഇന്ത്യയിലെ ഉപയോഗത്തിനുവേണ്ട ക്രൂഡ് ഓയലിന്റെ ഏകദേശം 25-30% അഭ്യന്തര ഉത്പാദനത്തിൽ നിന്നും ലഭിക്കുന്നുണ്ട്. 70-75% നമ്മൾ ഇറക്കുമതി ചെയ്യുന്നു. (ഈ വിഷയത്തിൽ അറിവുള്ളവർ കൂടുതൽ ഡാറ്റകൾ നൽകുക.)

ഇന്നത്തെ പുതിയ ന്യൂസ് : റിലയൺസ് ഒരു പുതിയ ക്രൂഡ് ഓയിൽ നിക്ഷേപം ഗുജറത്തിന്റെ തീരത്ത് കണ്ടെത്തിയിരിക്കുന്നു. അത് ഇന്ത്യയിലെ ജനങ്ങൾക്ക് എങ്ങിനെ ഉപകാരപ്രദമാകും. അതോ റിലയൺസിനു തന്നെയാണോ എല്ലാം ലഭിക്കുക. കൊച്ചിയിൽ കുഴിച്ചപ്പോൾ ഒന്നും കിട്ടിയില്ല എന്നും പറഞ്ഞ് ആ തുക ചിലവക്കിയതിനെക്കുറിച്ച് വിലാപങ്ങൾ കേട്ടിരുന്നു. പണം ചിലവാക്കുന്ന ‘പ്രൈവറ്റ് സെക്ടർ’ അതിന്റെ ലാഭ വിഹിതം പ്രതീക്ഷിച്ചു തന്നെയായിരിക്കും എന്തെങ്കിലും ചെയ്യുന്നത്. പെട്രോളിന്റെ വില നിശ്ചയിക്കാൻ സർക്കാരിന് കഴിയേണ്ടതാണ്.

സർക്കാരിന്റെ മുഖച്ഛായ മാറണമെങ്കിൽ ‘മുന്നണ്യാധിപത്യം’ ഇല്ലാതെ ‘ജനാധിപത്യം’ വരണം. ജനാധിപത്യം വരാൻ നമുക്ക് എന്തു ചെയ്യാൻ കഴിയും എന്നാണ് ആലോചിക്കേണ്ടത്.

അനില്‍@ബ്ലോഗ് // anil said...

mr.unassuming,
ഈ എഴുതിയത് മുഴുവന്‍ വായിക്കുക എന്നത് ഒരു വല്യ പണിയാണ്, എന്നിരുന്നാലും വായിച്ചിടത്തോളം വാക്കുകള്‍ക്ക് നന്ദി.

ഓഫ്ഫ് ടോപ്പിക്:
ഇപ്പോഴും ബ്ലോഗൊക്കെ വായിക്കുന്നുണ്ടോ?
:)
മലയാളം ടൂള്‍ ഒന്നും ഇല്ലെ കയ്യില്‍?
മൊഴി 2 ഇവിടെ ഉണ്ട്, വിന്‍ഡോസ്7ല്‍ കുഴപ്പമില്ലാതെ വര്‍ക്ക് ചെയുന്നുണ്ട്.

mr.unassuming said...

കുറേ നാളുകളായി മലയാളത്തിൽ ടയ്പ് ചെയ്തിട്ട് !
ഈ വിൻഡോസ് 7 ആയതിന്റെ പ്രശ്നത്തിൽ ആയിരുന്നു സത്യത്തിൽ…
പഴയ കീമാൻ വർക് ചെയ്തിരുന്നില്ല. മൊഴി 2 ഇൻസ്റ്റാൾ ചെയ്തു.
ഇപ്പൊ ശരി ആയി. (പതിവായി ബ്ലോഗൊന്നും പിന്തുടരാറില്ല എന്നതും സത്യം !!)
thanks!

തറവാടി said...

>>അതു കൊള്ളാം തറവാടീ, നാട്ടിലെ എല്ലാ പുരോഗതിക്കും കാരണം സ്വകാര്യമേഖലയാണെന്ന് !<<

നാട്ടിലെ പുരോഗതിയില്‍ സ്വകാര്യമേഖലക്ക് നല്ല പങ്കുണ്ട് അനില്‍@ബ്ലോഗ് താങ്കള്‍ സമ്മതിച്ചാലും ഇല്ലെങ്കിലും സത്യം സത്യമല്ലാതാവില്ല.

(ഞാന്‍ ഒരുദാഹരണം സൂചിപ്പിച്ചതില്‍ ഇങ്ങനെയൊന്നും സ്റ്റേറ്റ്മെന്റ് ഇറക്കാതെ)

തറവാടി said...

>>സര്‍ക്കാര്‍ മേഖലിയില്‍ പണിയെടുക്കുന്നവനൊക്ക് മണുങ്ങന്‍മാരാണെന്ന് !<<

രാവണപ്രഭു സിനിമയില്‍ വിജയരാഘവന്‍റ്റെ കഥാപാത്രത്തോട് മോഹന്‍ ലാലിന്റെ അച്ഛന്‍ കഥാപാത്രം പറയുന്ന ഡയലോഗാണോര്‍മ്മവരുന്നത്.


ഇട്ടാവട്ടം കണ്ടവര്‍ക്ക് മനുഷ്യന്റെ എഫിഷ്യന്‍സി അളക്കാന്‍ അറിയാത്തതില്‍ ആരെ കുറ്റം പറയാനാണ്? രാജ്യത്തിന് പുറത്തുപോയില്ലെങ്കിലും നല്ല എഫിഷ്യന്‍സിയോടെ പണിയെടുക്കുന്നവര്‍ നമ്മുടെ നാട്ടിലുണ്ട് ( സര്‍ക്കാര്‍ മേഖലയിലല്ല) അവരെയൊക്കെ ഒന്നിടക്ക് ശ്രദ്ധിക്കണം പഠിക്കണം എന്നിട്ട് സര്‍ക്കാരാഫീസര്‍മാരുടെ എഫിഷ്യന്‍സിയും ഒന്ന് വിലയിരുത്തണം അപ്പോ കാര്യം വ്യക്തമാവും!

തറവാടി said...

>>ഈ ബാങ്കുകള്‍ പുണ്യം നേടാന്‍ വേണ്ടി തുറന്നതായിരിക്കില്ല എന്നാണ് ഞാന്‍ ധരിക്കുന്നത്<<

ഈ ലോകത്ത് ബഹുഭൂരിപക്ഷവും ആളുകള്‍ താങ്കളും ഞാനുമടക്കം പുണ്യത്തിനല്ല ഒന്നും ചെയ്യുന്നത്.

തറവാടി said...

>>എങ്ങിനെയും പണമുണ്ടാക്കുക എന്നതാണ് എല്ലാ കോര്‍പ്പറേറ്റുകളുടെയും ലക്ഷ്യം<<

ആയിക്കോട്ടെ, ബാങ്ക് പണമിടപാടും അനുബന്ധ സര്‍‌വീസുകളും നടത്താനുള്ള ഒരു സ്ഥാപനമാണ്. അവിടെനിന്നും ഒരു ഇടപാട്കാരന് ആവശ്യമുള്ള ഗുണനിലവാരമുള്ള സര്‍‌വീസ് ലഭിക്കുന്നുണ്ടോ ഇല്ലയോ എന്നതാണ് ചോദ്യം

പിന്നെ ഈഇ കോര്‍പൊറേറ്റ് എന്നാല്‍ ചന്ദ്രനില്‍ നിന്നും വന്ന ഒരു പ്രത്യേകജീവിയൊന്നുമല്ല ( ഇനി ഇതും പൊക്കി വന്നേക്കല്ലെ, ഒരു പ്രാസം പറഞ്ഞതാണ്)

തറവാടി said...

>>അതില്‍ ഒരു നിയന്ത്രണം നിലനില്‍ക്കുന്നത് ഇവിടെ ദേശസാത്കൃത ബാങ്കുകള്‍ ഉള്ളതിനാലാണെന്ന് മനസ്സിലാക്കാന്‍ ശ്രമിക്കുക<<

അല്ല, തെറ്റ്. ദേശസാത്കൃത ബാങ്കുകളെ സം‌രക്ഷിക്കാന്‍ എന്നുപറയുന്നതല്ലെ കൂടുതല്‍ ശെരി? അതിനായല്ലെ സ്വകാര്യ ബാങ്കുകള്‍ക്ക് പ്രവര്‍ത്തിക്കാന്‍ കൃത്യമായ മാനദണ്ഢങ്ങള്‍ ആര്‍.ബി.ഐ. വെച്ചിട്ടുള്ളത്?


ഇനി ഇതിലെ ചിലതെടുത്ത് അടുത്ത സ്റ്റെറ്റ്മെന്റിടുന്നതില്‍ തെറ്റില്ല പക്ഷെ സത്യസന്ഥമഅയിരിക്കണമെന്ന് താത്പര്യപ്പെടുന്നു

തറവാടി said...

>>തറവാടീ,
പ്രവാസികളുടെ കാര്യങ്ങള്‍ ഇവിടെ ഇതുമായി കൂട്ടിക്കുഴക്കുന്നതെന്തിന്? <<

വാദി പ്രതിയായോ?

>> പുറം നാട്ടുകാര്‍ക്ക് ചിലപ്പോള്‍ ഗുണം കാണുമായിരിക്കും<<

അപ്പോ താങ്കളുടെ ഈ വരികളോ?

തറവാടി said...

>>ethra upariplavamaayaanu nammude sahajeevikal karyangal kaanunnathu ennu avarude abhipraayaprakadanangalil ninnum vyaktham!<<

ഏതഭിപ്രായത്തില്‍ നിന്നുമാണ് ഉപരിപ്ലവം എന്നുകൂടി വ്യക്തമാക്കിയാല്‍ നന്നായിരുന്നു!

സ്വതന്ത്രമായി ജനങ്ങളെ ജീവിക്കാനനുവദിക്കണം,
സര്‍ക്കാര്‍ എന്നാല്‍ ബിസിനസ്സുകാരനല്ല ( ആവരുത്) ബിസിനസ്സ് ചെയുന്നവര്‍ക്ക് വേണ്ടുന്ന സൗകര്യമൊരും നിയന്ത്രിക്കുന്നവരുമാകണം,
ജനങ്ങളുടെ ജീവനും സ്വത്തിനും സം‌രക്ഷണം കൊടുക്കണം എന്നതൊക്കെയാണോ ഈ ഉപരിപ്ലമായത്

അതോ,

പൊതുവഴിയില്‍ യോഗങ്ങള്‍ നടത്തുകയും , ബന്ദും ഹര്‍ത്താലും എന്ന പേരിലും ‍ പൊതുജനത്തിന്റെ സഞ്ചാര സ്വാതന്ത്ര്യം തടസ്സപ്പെടുത്തുന്നതിനേതിരെ നിയമം കൊണ്ടുവന്നാല്‍ കോടതി പുല്ലാണെന്നും പറഞ്ഞ് , സമരം അവകാശമാണെന്നും;

ദീര്‍ഘ വീക്ഷണമില്ലാതെ കമ്പ്യൂട്ടറിനേയും കമ്പ്യൂട്ടറിനേയും,
യന്ത്രങ്ങളെയും കണ്ണുമടച്ച് എതിര്‍ത്തതും,
കൊച്ചി എയര്‍ പോര്‍ട്ടുപോലെയുള്ള വികസന- ആധുനുക യാത്രാ മാര്‍ഗ്ഗങ്ങള്‍ക്ക് എതിരായ് നിന്നതും, ഏറ്റവും അവസാനം നല്ല റോട് വരുന്നതിനേ എതിര്‍ത്തതും , ഒരു പാടുണ്ട് പറയാന്‍

ഇതൊക്കെയാണോ ആധുനിക/ അത്യാധുനിന/ ഉള്ളീല്‍ ഇറങ്ങിച്ചെന്നുള്ള / ബുദ്ധി/ ചിന്തകള്‍!

തറവാടി said...

>>Gathiyillaathe pravaasi aaya ellaa avanmaarum roopakk moolyam koodiyaal ivide vannu joli thedippidichu paniyedukkum ennum urappaanallo!<<

തന്നെ! തന്നെ!

എന്റെ പറമ്പിലെ തേങ്ങക്കൊന്നിന് ആയിരം രൂപകിട്ടിയാലേ ഞാന്‍ വില്‍ക്കൂ, എന്നിട്ട് എനിക്ക് കൊറേ പണം കിട്ടും അപ്പോ ഈ ഗള്‍ഫിലുള്ളവരടക്കമുള്ള സര്‍‌വ്വ പ്രവാസികളും ഇവിടെ വരും ജോലിചെയ്യാന്‍!

അല്ല സാര്‍ ഈ രൂപക്ക് ഒന്ന് വിലകൂട്ടാന്‍ എന്താ ഒരു വഴി?
ഞാന്‍ മുകളില്‍ സൂചിപ്പിച്ച വഴിമതിയോ അതോ മറ്റുവല്ല മാര്‍ഗ്ഗവുമുണ്ടോ?

ദിവസേന ബന്ദും ഹര്‍ത്താലും വേണം, ഒരുത്തനും പണി എടുക്കരുത് എടുക്കാന്‍ അനുവദിക്കരുത്, റോഡ് വേണ്ട, കമ്പ്യൂട്ടര്‍ വേണ്ട, ഒന്നും വേണ്ട അപ്പോ ഈ രൂപയുടേ വില കുതിച്ചുയരും അങ്ങിനെ പ്രവാസികളായ 'ലവന്മാര്‍' ഇവിടേവന്ന് പണിചെയ്യുകയും ചെയ്യും!

അനില്‍@ബ്ലോഗ് // anil said...

തറവാടീ,
പ്രവാസികളെ ഞാനിവിടെ എടുത്തിട്ടിട്ടില്ല. താങ്കള്‍ മന്മോഹന്‍ സിങിന്റെ ക്വാളിഫിക്കേഷന്‍ പറഞ്ഞപ്പോള്‍ അത് പുറം നാട്ടുകാര്‍ക്കാണ് ഗുണം എന്നാണ് പറഞ്ഞത്. അതിന് ഇങ്ങനെ ഒരു അര്‍ത്ഥം കൊടുക്കേണ്ട. എന്തായാലും മിനക്കെട്ടിരുന്ന് ലൈന്‍ ബൈ ലൈനായി പ്രതികരിച്ച് ഈ പൊസ്റ്റ് ആക്റ്റീവാക്കിയതില്‍ ‍ സന്തോഷം മാത്രമേ ഉള്ളൂ, ഇത്തരം പ്രതികരണങ്ങള്‍ എനിക്ക് ഒരുപാട് ഉപയോഗപ്പെടുന്നതാണ്, കാരണം ഈ വിഷയങ്ങളൊക്കെ മൈക്കിനു മുന്നിലും പറയേണ്ട സംഗതികളാണ്. ഓരോ പരാമര്‍ശത്തിനും എപ്രകാരം പ്രതികരണങ്ങള്‍ വരുന്നു എന്നത് ആ വിഷയം പ്രസന്റ് ചെയ്യൂന്നതിനെ മെച്ചപ്പെടുത്തുകയേ ഉള്ളൂ.

റോഡരുകില്‍ പരിപാടികള്‍ നടക്കുന്നതുമായി ബന്ധപ്പെട്ട് ഒരു പുതിയ പോസ്റ്റ് ഇടുന്നുണ്ട്. ആ കാര്യങ്ങള്‍ നമുക്ക് അവിടെ ചര്‍ച്ച ചെയ്യാം താത്പര്യമുണ്ടെങ്കില്‍.

mr.unassuming said...

അനിലെ,
എണ്ണയുമായി ബന്ധപ്പെട്ട വിഷയമാകുംബോൾ, അതിന്റെ മാത്രം ബലത്തിൽ അക്കൗണ്ട് ക്രെടിറ്റ് ആയി ജീവിച്ചുപോകുന്ന അഭിമാനികളുടെ ചങ്കിൽ നിന്നും ചീറ്റിവരുന്ന വിവരക്കേടുകളെ അർഹിക്കുന്ന അവജ്ൻഹയോടെ നമ്മുക്ക് തള്ളിക്കളയാം അല്ലെ ?(യജമാന സേവക്കാണല്ലൊ കൂലി !) നാട്ടിൽ തന്നെ പഠിച്ചു വളർന്ന് ഇവിടുത്തെ സർക്കാർ സംവിധാനം നൽകുന്ന കൂലിയിൽ തൃപ്ത്തരായി ജീവിക്കുവാൻ സാധിക്കുന്ന ആളുകൾക്ക് അവന്റെ തേങക്ക് ആയിരം ഉറുപ്പിക വിലയാകണം എന്ന ആക്രാന്ദം ഉണ്ടാകാനും സാധ്ധ്യതയില്ല !സാങ്കേതിക സേവനം അഭ്യർധ്ധിക്കപ്പെട്ടതിന്റെ പേരിൽ മാത്രം സർക്കാർ ജോലിയിൽ നിന്നും അവധിയെടുത്ത് വിദേശ ജോലിയിൽ ചേർന്നിട്ടും, അവിടെ നിന്നു കിട്ടുന്ന കൂടിയ ശംബളം തലക്കു പിട്ച്ചു തല മറന്നു ചിന്തിക്കാത്ത മനുഷ്യന്മാരും ഈ ലോകത്തുണ്ട് എന്നും അറിഞ്ഞു കൊള്ളുക.ഗൾഫ് എന്ന ‘പുറം ലോകം ‘ കണ്ടതിന്റെ ലേശം അഹംഭാവം നിഴലിക്കുന്ന ചിന്തയ്ക്കും അപ്പുറം ഭൂഗണ്ടങളുണ്ട് എന്നും അവിടെയും മലയാളികൾ ഉണ്ട് എന്നും മറക്കാതിരിക്കുക. പൊതുവായ പ്രവേശന മാനദണ്ടങൾ സർക്കാർ ജോലികിട്ടാൻ തടസ്സമല്ല എന്നതിന്റെ തെളിവുകളാണല്ലൊ ആ ജീവനക്കാർ. കിട്ടാക്കനി പുളിച്ചേക്കാം……
ബന്ദും ഹർത്താലും ഒന്നും, ഒന്നിനും പ്രതിവിധിയല്ല എന്നറിയാതെയല്ല സുഹ്രുത്തെ…. അതിനെ അനുകൂലിക്കുന്നുമില്ല….
പ്രധിഷേധിക്കാൻ മനസ്സുകൊണ്ടെങ്കിലും തൊന്നുന്നവന്റെ ‘വെവെരക്കേട് തന്നല്ലെടെയ് അപ്പീ ??’

Faizal Kondotty said...

തറവാടി പറഞ്ഞു...

എന്റെ അറിവില്‍ കൂടിയ വിലക്ക് വാങ്ങി സര്‍ക്കാര്‍ സബ്സിഡി കൊടുത്ത് വില കുറച്ച് വില്‍ക്കുന്നെന്നാണ്, അത് ശെരിയാണോ? അങ്ങിനെയെങ്കില്‍ ഈ അധിക പണം ഘജനാവിലെയല്ലെ?


തറവാടി ചോദിച്ച ഈ ചോദ്യത്തിന് ഉത്തരം ആയി ഞാന്‍ പറഞ്ഞിരുന്നു അമ്പതു ശതമാനത്തിനു അടുത്താണ് വിവിധ സര്‍ക്കാര്‍ നികുതികള്‍ എന്ന് .. അതിനു മാത്രം ഒരു പ്രതികരണവും തരവാടിയില്‍ നിന്ന് കണ്ടില്ല .. കുറച്ചു കൂടി വ്യക്തമാകാന്‍ വേണ്ടി താഴെ കൊടുത്തിരിക്കുന്നത്‌ കാണുക .



If the cost price of petrol per litre is Rs 58.90, following is the break up of cost calculated by the government.

Basic Price: Rs 28.93
Excise duty: Rs 14.35
Education Tax: Rs 0.43
Dealer commission: Rs 1.05
VAT: Rs 5.5
Crude Oil Custom duty: Rs 1.1
Petrol Custom: Rs 1.54
Transportation Charge: Rs 6.00
Total price: Rs 58.90


അഥവാ കൂടിയ വിലക്ക് വാങ്ങി സര്‍ക്കാര്‍ സബ്സിഡി കൊടുത്ത് വില കുറച്ച് വില്‍ക്കുക അല്ല ചെയ്യുന്നത് എന്നര്‍ത്ഥം . തറവാടി ഇതിനു മറുപടി പറയുമെന്ന് പ്രതീക്ഷിക്കുന്നു .


പിന്നെ ,ജനങ്ങളെ തീരെ പരിഗണിക്കേണ്ടതില്ല എന്നൊക്കെ പറയാന്‍ ഒരു പ്രധാന മന്ത്രി ധാര്‍ഷ്ട്യം കാട്ടുമ്പോള്‍ അവര്‍ പറയുന്നതൊക്കെ (നഷ്ടം ആണ് എന്നതടക്കം ) അണ്ണാക്ക് തൊടാതെ വിഴുങ്ങി ഓച്ചാനിച്ച്‌ നില്‍ക്കാന്‍ നാട്ടുകാരെ മാത്രമല്ല പ്രവാസികളെയും കിട്ടുമെന്ന് തോന്നുന്നില്ല . കാര്യങ്ങള്‍ വിലയിരുത്തുക എന്നിട്ട് ഭരണത്തില്‍ ഇരിക്കുന്ന ഇവന്മാര്‍ക്കൊക്കെ ആരോടാണ് വിധേയത്വം എന്ന് അവരുടെ പ്രവര്‍ത്തനങ്ങളില്‍ മാത്രമല്ല വാക്കുകളിലൂടെതന്നെയും പുറത്തു വരുന്നത് ശ്രദ്ധിക്കുക ... ഒരു ജനാധിപത്യ വ്യവസ്ഥിതിയില്‍ ജനങ്ങളെ സേവിക്കാന്‍ നിയോഗിക്കപ്പെട്ടവര്‍ യജമാനന്മാര്‍ ആയി വേഷം കെട്ടി ജങ്ങളെ തന്നെ തള്ളിപറഞ്ഞ്‌ അഹങ്കാര ജല്പനങ്ങള്‍ നടത്തുമ്പോള്‍ അവിടെ നടക്കുന്നത് ജനാധിപത്യമെന്ന മഹത്തായ ആശയത്തെ തന്നെ പരസ്യമായി വ്യഭിചരിക്കുകയാണ് . ഇത്തരം സന്ദര്‍ഭങ്ങളില്‍ എന്തിനും ഓച്ചാനിച്ച്‌ നില്‍ക്കുന്ന വിധേയരെയല്ല ഇന്ത്യയെന്ന മഹത്തായ ജനാധിപത്യ രാജ്യം ആവശ്യപ്പെടുന്നത് , പ്രതികരിക്കാന്‍ കഴിവുള്ള , അകാല വാര്‍ദ്ധക്യം പിടിപ്പെടാത്ത, സുഖലോലുപതയില്‍ അഭിരമിക്കാത്ത , മനസ്സുകളെയാണ് എന്ന് മാത്രം പറഞ്ഞു കൊള്ളട്ടെ .

Faizal Kondotty said...

@ തറവാടി
Times of India യിലെ ഈ ആര്‍ട്ടിക്കിള്‍ കൂടെ ഒന്ന് ചേര്‍ത്ത് വായിച്ചു നോക്കൂ ...


Blame Taxes, Not Crude Price

ആര്‍ട്ടിക്കിള്‍ -ല്‍ നിന്നും ഒരല്പം

What if there was no tax or duty on petrol and diesel? Simple. You could buy petrol at Rs 30 per litre. Impossible? Not quite.

Here is the simple arithmetic. The current crude oil price in the international market is $76.51 per barrel, or nearly Rs 2,150. Each barrel holds 42 gallons, or 158.76 litres. The crude oil price per litre thus comes to Rs 22.24 a litre. Add to it the cost of refining it to petrol or diesel. According to an oil company official, this would come to no more than 52 paisa a litre. Add another Rs 6 as capital cost for the refinery.

It adds up to a costing of Rs 28.76, which is nearly 50% less than the Rs 55.32 you will be paying for a litre of petrol in Kolkata from Saturday. The difference is what governments — both the Centre and state — take from you in the form of customs duty, excise duty, special excise duty, education cess, sales tax and state cess. Add to it, the cost of marketing and the commission to oil dealers.

മുഴുവന്‍ വായിക്കാന്‍
ഇവിടെ ക്ലിക്ക് ചെയ്യുക


എന്ത് പറയുന്നു ..?

ഉസ്മാന്‍ പള്ളിക്കരയില്‍ said...

പോസ്റ്റിലെ അഭിപ്രായങ്ങളോട് ഐക്യപ്പെടുന്നു.

N.J Joju said...

"നിലവില്‍ ഭരണയന്ത്രം നിയന്ത്രിക്കുന്ന പാര്‍ലമെന്റ് അംഗങ്ങളില്‍ 300 നുമുകളില്‍ പേര്‍ ബില്ല്യണയര്‍മാരാണ്. കോണ്‍ഗ്രസ്സിന്റെ എംപി മാരില്‍ ഇരുനൂറ്റി അമ്പതോളം പേര്‍ കോടിപതികളാണെന്നും കണക്കുകള്‍ സൂചിപ്പിക്കുന്നു"

ഉന്നതവിദ്യാഭ്യാസം കൊണ്ട് നിങ്ങള്‍ക്ക് നല്ല ജോലികിട്ടും. നല്ലജോലി കിട്ടിയാല്‍ നിങ്ങള്‍ക്ക് പണമുണ്ടാവും. അതിനൊപ്പം ഒരു സംരംഭകത്വമനസ്ഥിതിയുണ്ടെങ്കില്‍ നിങ്ങള്‍ സ്വന്തമായി സ്ഥാപനങ്ങള്‍ ആരംഭിയ്ക്കും. നിങ്ങള്‍  ജോലികൊടുക്കും. പ്രസ്ഥാനം വളരുന്നതനുസരിച്ച് നിങ്ങളുടെ ആസ്തിയും വര്‍ദ്ധിയ്ക്കും. ഒരു പക്ഷേ നിങ്ങള്‍ ഒരു ബില്യണേയര്‍ ആയെന്നു വരും. ജനങ്ങള്‍ നിങ്ങളെ പാര്‍ലമെന്റിലേക്കയച്ചാല്‍ ബുദ്ധിജീവികള്‍ ഭരണയന്ത്രത്തിലെ ബില്യണെയറെ ഓര്‍ത്ത് വേവലാതിപ്പെടും.

അതുകൊന്ട്

ആര്‍ക്കും ജോലികൊടുക്കരുത്, സ്വന്തമായി സ്ഥാപനങ്ങള്‍ തുടങ്ങരുത്, പണം സംമ്പാദിക്കരുത്, പഠിയ്ക്കരുത്. അങ്ങനെയായാല്‍ ഇന്ത്യയെങ്ങോട്ട് മുന്നോട്ട്...മുന്നോട്ട്...

N.J Joju said...

ഫൈസല്‍ ,

ടൈംസ് ഓഫ് ഇന്ത്യയുടെ simple mathematics ശരിയായിരുന്നേനേ - ഒരു ലിറ്റര്‍ ക്രൂഡോയിലില്‍ നിന്നും ഒരു ലിറ്റര്‍ പെട്രോള്‍ ഉണ്ടാക്കാന്‍ പറ്റിയിരുന്നെങ്കില്‍

തറവാടി said...

ജോജു,

മന:പൂര്‍‌വ്വം മിണ്ടാതിരുന്നതാ ;)

Faizal Kondotty said...
This comment has been removed by the author.
Faizal Kondotty said...

ജോജു ,
ടൈംസ്‌ ഓഫ് ഇന്ത്യ യിലെ ആര്‍ട്ടിക്കിള്‍ അത് കൂടെ കണക്കിലെടുത്തിട്ടുണ്ട് എന്നാണു ലേഖനത്തില്‍ കാണുന്നത് .. ഇനി അതില്‍ ഒരല്പം പിശക് ഉണ്ടെങ്കില്‍ തന്നെ ഇന്ത്യയില്‍ പെട്രോള്‍ വില്പനയില്‍ വിവിധ ടാക്സുകള്‍ ഉണ്ട് എന്നത് യാഥാര്‍ത്ഥ്യം തന്നെയാണ് എന്ന് എല്ലാവര്ക്കും അറിയാം .. അതാവട്ടെ അത്ര കുറവല്ല താനും ( see my previous comments )

പക്ഷെ തറവാടി ഇവിടെ പറഞ്ഞത് കൂടിയ വിലക്ക് വാങ്ങി സര്‍ക്കാര്‍ സബ്സിഡി കൊടുത്ത് വില കുറച്ച് വില്‍ക്കുന്നെന്നാണ്. എന്നാല്‍ കൂടിയ വില വരുന്നത് സര്‍ക്കാര്‍ തന്നെ നിശ്ചയിച്ച വിവിധ ടാക്സുകള്‍ കൂടി വരുന്നതിനാല്‍ ആണ് .. അപ്പോള്‍ തറവാടിയുടെ സര്‍ക്കാരിന് നഷ്ടം ഉണ്ടാകുന്നു എന്നാ വാദം നില നില്‍ക്കുന്നതല്ല എന്നര്‍ത്ഥം . ഇതിനെ കുറിച്ച് ആവര്‍ത്തിച്ചു ചോദിച്ചിട്ടും തറവാടി മൗനം പാലിക്കുന്നു .. എന്റെ ചോദ്യം ഇതാണ്

1. കൂടിയ വിലക്ക് വാങ്ങിയിട്ട് സര്‍ക്കാര്‍ നഷ്ടം സഹിച്ചാണോ പെട്രോളിയം വില്‍ക്കുന്നത് ?

2. വിലക്കയറ്റം അടക്കം ധാരാളം ദൂരവ്യാപക പ്രശ്നങ്ങള്‍ സൃഷ്ടിക്കപ്പെടുന്ന പെട്രോളിയം വില പോലുള്ള കാര്യങ്ങളില്‍ സര്‍ക്കാര്‍ വിപണിയില്‍ തീരെ ഇടപെടാതിരിക്കുന്ന ഒരു അവസ്ഥ ഒരു ജനാധിപത്യ വ്യവസ്ഥയില്‍ ആശ്വാസകരം ആണോ ? ഇവിടെ ജനഹിതം നോക്കേണ്ടതില്ല എന്നാ നിലപാട് അംഗീകരിക്കാന്‍ കഴിയുമോ ?

തറവാടി പ്രതികരിക്കും എന്ന് കരുതുന്നു ;)

അനില്‍@ബ്ലോഗ് // anil said...

ഫൈസല്‍,
താങ്കള്‍ പറഞ്ഞ തരത്തിലുള്ള കണക്കുകളാണ് എല്ലാ റഫറന്‍സുകളിലും കാണുന്നത്. ക്രൂഡ് ഓയില്‍ മുഴുവന്‍ പെട്രോളാണെന്ന ധാരണയില്‍ മാത്രം വരുന്ന കണക്കുകളല്ല എല്ലാമെന്നാണ് മനസ്സിലാക്കുന്നത്. ക്രൂഡ് ഓയിലില്‍ ഡിസ്റ്റിലേഷനില്‍ നാചുറല്‍ ഗ്യാസ് മാത്രമാണ് സാധാരണഗതിയില്‍ നഷ്ടം വരുന്നുള്ളൂ, ഏകദേശം 85 ശതമാനത്തോളം ക്രൂഡ് ഓയിലും ഉപയോഗിക്കാന്‍ പറ്റുമെന്നാണ് മനസ്സിലാവുന്നത്. ഈ മേഖലയുമായി ബന്ധപ്പെട്ട ആരെങ്കിലും എന്തെങ്കിലും പറയും എന്ന് കരുതിയാണ് ഞാനൊന്നും പറയാതിരുന്നത്. എല്ലാമറിയുന്ന തറവാടി മനപ്പൂര്‍വ്വം ഒന്നും പറയാതിരുന്നു.

ജോജു,
പണക്കാരന്‍ നിയമ നിര്‍മ്മാണ സഭകളില്‍ എത്തുന്നതെങ്ങിനെ എന്ന് താങ്കള്‍ പറഞ്ഞത് വളരെ ശരിയാണ് അതിനോട് പൂര്‍ണ്ണമായും യോജിക്കുന്നു. നല്ല ജോലി, പിന്നെ വ്യവസായം , ധാരാളം പണം അപ്പോള്‍ പിന്നെ ഏതെങ്കിലും സീറ്റില്‍ മത്സരിക്കണമെന്ന് തോന്നും ഒഴുക്കാ‍ന്‍ ഒരുപാട് പണം കയ്യിലും കാണും. ഒരു സീറ്റ് തരപ്പെടുത്തുക എന്നത് ഇന്ത്യാ മഹാരാജ്യത്ത് ബുദ്ധിമുട്ടുള്ള കാര്യമല്ല, പ്രത്യേകിച്ച് കോണ്‍ഗ്രസ്സും ബിജെപിയും ഉള്ള നാട്ടില്‍.

Murali said...

ഒരു പക്കാ കാപ്പിറ്റലിസ്റ്റ് ചിന്തയാണ് താങ്കള്‍ പങ്കുവക്കുന്നതെല്ലാം.
സംശയം വേണ്ട, ഒരു പക്കാ ക്യാപ്പിറ്റലിസ്റ്റ് തന്നെയാണ് ഞാന്‍ :) ക്യാപ്പിറ്റലിസം==ചൂഷണം എന്നുമാത്രം ധരിച്ചുവച്ചിരിക്കുന്ന കേരളീയരോട് ഇതു പറയുന്നതെ റിസ്കിയാണെങ്കിലും.

പൊതുമേഖലയില്‍ നിലനില്‍ക്കുന്ന സ്ഥാപനങ്ങള്‍ക്കെല്ലാം അതിന്റേതായ ധര്‍മ്മങ്ങളും ലക്ഷ്യങ്ങളും ഉണ്ട്.

ലക്ഷ്യങ്ങളും ധര്‍മ്മങ്ങളും ഇല്ലാത്തതല്ല പ്രശ്നം - അവ ശരിയായവയാണോ എന്നതാണ്. ഗവണ്‍മ്മെന്റ് മാര്‍ക്കറ്റിലിടപെടുന്നത് (പൊതുമേഖല വഴിയും വിലനിയന്ത്രണങ്ങള്‍, ലൈസന്‍സ്-പെര്‍മിറ്റ്-ക്വോട്ടാ രാജ് മുതലായവ വഴിയും) കയറുപൊട്ടിച്ച് പായുന്ന സ്വകാര്യമേഖലയെ ‘നേര്‍വഴിക്ക് നയിക്കാന്‍’ വേണ്ടതാണെന്ന ചിന്ത പ്രബലമാകാന്‍ കാരണം നമ്മുടെ സോഷ്യലിസ്റ്റ് mis-education മാത്രമാണ്. ബിസിനസ്സിനുമേല്‍ ഗവണ്മെന്റ് നിയന്ത്രണങ്ങള്‍ വേണമെന്ന് വാദിക്കുന്നവര്‍ രണ്ട് കാര്യങ്ങളാണ് അതിന് അടിസ്ഥാനമാക്കുന്നത് - ഒന്ന് ഗവണ്മെന്റ് നിയന്ത്രണങ്ങള്‍ നല്ലതും അത്യാവശ്യവുമാണ്, രണ്ട് ഗവണ്മെന്റ് അതിന്റെ അധികാരങ്ങള്‍ എല്ലായിടത്തും ന്യായമായും ഒരുപോലെയും പ്രയോഗിക്കും. ഇതില്‍ ആദ്യത്തേത് സ്വതന്ത്ര കമ്പോളത്തിന്റെ പ്രവര്‍ത്തനത്തെപ്പറ്റിയുള്ള തെറ്റിദ്ധാരണമൂലമുണ്ടായതാണെങ്കില്‍, രണ്ടാമത്തേത് വെറും വ്യാമോഹം മാത്രമാണ്. സ്വതന്ത്ര കമ്പോളത്തിനെ അടിസ്ഥാനം ലാഭേഛയാണ് - സംശയമില്ല. പക്ഷെ ലാഭം കിട്ടണമെങ്കില്‍ ഉപഭോക്താക്കളെ അവര്‍ക്ക് ഇഷ്ടപ്പെടുന്ന വിധത്തില്‍ സേവിക്കണം. ഇല്ലെങ്കില്‍ അവര്‍ നിങ്ങളുടെ എതിരാളിയുടെ അടുത്ത് പോകും. നിങ്ങളുടേ കച്ചവടം പൂട്ടിയും പോകും. മാര്‍ക്കറ്റിന്റെ ‘അദൃശ്യകരങ്ങള്‍’ അടിസ്ഥാനപരമായി ഒരു win-win situation സൃഷ്ടിക്കുന്നു. മാര്‍ക്കറ്റ് എന്നത് ഒരു zero-sum game അല്ല. ഇതില്‍ കളിക്കുന്ന എല്ലാര്‍ക്കും - ഉപഭോക്താവിനും, കച്ചവടക്കാര്‍ക്കും - ജയിക്കാം. ഈ പ്രഥമിക പാഠത്തെക്കുറിച്ചുള്ള അജ്ഞതയാണ് ‘കുത്തകകള്‍ക്ക് തീറെഴുതിക്കൊടുക്കുന്നു’ തുടങ്ങിയ പ്രയോഗങ്ങള്‍ക്ക് കാരണം. (ഇതിന്റെ അര്‍ഥം ഗവണ്മെന്റുകള്‍ ചില ബിസിനസ്സ് ഗ്രൂപ്പുകളോട് പക്ഷഭേദം കാണിക്കുന്നില്ല എന്നല്ല - അത്തരം സാഹചര്യം ഒഴിവാക്കാനുള്ള നല്ലവഴി ഗവണ്മെന്റിന്റെ ബിസിനസ്സിനുമേലുള്ള അധികാരങ്ങള്‍ കഴിവതും കുറക്കുക മാത്രമാണ്)

ഗവണ്മെന്റിന്റെ ബിസിനസ്സിനുമേലുള്ള നിയന്ത്രണം പാവപ്പെട്ടവനെ സഹായിക്കാനുള്ളതാണെന്ന് ധരിച്ചിരിക്കുന്നവരുടെ കണ്ണുതുറപ്പിക്കേണ്ടതാണ് ഭോപ്പാല്‍ സംഭവം. ഭോപ്പാലിന്റെപേരില്‍ സ്വകാര്യമേഖലയുടെ ക്രൂരതകളെക്കുറിച്ച് പലരും വാചാലരാകുന്നത് കണ്ടിട്ടുണ്ട്. പക്ഷെ ഭോപ്പാല്‍ എന്നാണ് നടന്നതെന്ന് അവര്‍ മറന്നു പോകുന്നു. ലോകത്തിലെ ഏറ്റവും കര്‍ക്കശമായ നിയന്ത്രണങ്ങള്‍ സ്വകാര്യമേഖലയുടെമേല്‍ നിലനിന്ന കാലത്തണ് ഭോപ്പാല്‍ ദുരന്തം ഉണ്ടായത്. ഓര്‍ക്കുക, അക്കാലത്ത് അനുവദിച്ച ക്വോട്ടയില്‍ കൂടുതല്‍ സ്കൂട്ടറുകളോ അണ്ടര്‍വെയറുകളോ നിര്‍മ്മിച്ചാല്‍ വ്യവസായികളെ തുറുങ്കിലടക്കാന്‍ സര്‍ക്കാരിന് അധികാരമുണ്ടായിരുന്നു. എന്നിട്ടെന്തേ ആ അധികാരമൊന്നും ഇരുപതിനായിരം പേരെ കൊന്ന യൂണിയന്‍ കാര്‍ബൈഡിന്റെമേല്‍ പ്രയോഗിച്ചില്ല? പ്രശ്നം ഇത്രയേ ഉള്ളൂ - tyranny is whimsical. എന്തുകൊണ്ട് ക്വോട്ട ലംഘിച്ച എന്നെ ജയിലലടച്ചു, ആളെക്കൊന്ന അവനെ വെറുതെ വിട്ടു എന്ന് ചോദിക്കരുത്.

ഗവണ്മെന്റ് എന്നത് ഒരു necessary evil ആണ്. അതുകൊണ്ടുതന്നെ അതിന്റെ അധികാരവും വ്യാപ്തിയും കഴിയുന്നത്ര കുറക്കുന്നതാണ് ജനങ്ങള്‍ക്കും ജനാധിപത്യത്തിനും നല്ലത്.

Murali said...

സര്‍ക്കാര്‍ മേഖലിയില്‍ പണിയെടുക്കുന്നവനൊക്ക് മണുങ്ങന്‍മാരാണെന്ന്

സര്‍കാര്‍ മേഖലയില്‍ പണിയെടുക്കുന്നവര്‍ മണുങ്ങന്മാരായതല്ല പ്രശ്നം. സര്‍ക്കാര്‍ മേഖലയില്‍, ഏതൊരു ബിസിനസ്സ് സംരംഭത്തിനും വേണ്ട അടിസ്ഥാന ഗുണമായ accountability ഇല്ല എന്നതാണ് പ്രശ്നം. സര്‍ക്കാരിന്റെ പണം എല്ലാവരുടേയും പണമാണ്. പക്ഷെ ആരുടെയും പണമല്ല. സ്വകാര്യ സംരംഭങ്ങളില്‍ ‘മണുങ്ങത്തരം’ കൊണ്ട് ബിസിനസ്സിന് നഷ്ടമുണ്ടായാല്‍ അതിന്റെ ഉടമകള്‍ സഹിക്കണം. സര്‍ക്കാരില്‍ അതുവേണ്ട, ഉടമതന്നെയില്ല, അഥവാ അദൃശ്യനാണ്. BSNL ഉദ്യോഗസ്ഥര്‍ എന്നോട് കാണിച്ച നിരുത്തരവാദപരമായ സമീപനത്തിന്റെ പത്തിലൊന്ന് ഞാന്‍ എന്റെ കമ്പനിയുടെ കസ്റ്റമേഴ്സിന്റെ അടുത്ത് കാണിച്ചാല്‍ ആ നിമിഷം എന്റെ പണി പോകും. ലോകാവസാനം വരെയുള്ള തൊഴില്‍ സ്ഥിരത, യൂണിയനിസം തുടങ്ങിയവ സര്‍ക്കാര്‍ സംരംഭങ്ങളെ തീര്‍ത്തും നിരുത്തരവാദപരവും ജനങ്ങളുടെ താത്പര്യങ്ങള്‍ക്ക് വിരുദ്ധവും ആക്കുന്നു. സര്‍ക്കാരില്‍ നിന്ന് സ്വകാര്യമേഖലയിലേക്കുവന്ന പലരും വളരെ നന്നായി പണിയെടുക്കുന്നുണ്ടല്ലോ - അപ്പോള്‍ ജീവനക്കരുടെ ഇനെഫിഷ്യന്‍സിയല്ല പ്രശ്നം. സര്‍ക്കാരിന്റെ പ്രശ്നം structural ആണ്‍്. എല്ലാവിധ ബിസിനസ്സ് സംരംഭങ്ങളില്‍ നിന്നും സര്‍ക്കാര്‍ പിന്‍‌വാങ്ങുകയും സ്വകാര്യമേഖലയുടെ കയ്യില്‍ നിന്നും അന്യായമായി പിടിച്ചെടുത്ത സ്ഥാപനങ്ങള്‍ (ഇതില്‍ സമ്പദ് വ്യവസ്ഥയുടെ നട്ടെല്ലായ ബാങ്കിങ്ങ്, ഇന്‍ഷുറന്‍സ് സ്ഥാപനങ്ങളും, ഖനികളും ആണ് നല്ലൊരു പങ്ക്!)‌ അതിന്റെ യഥാര്‍ഥ ഉടമകളെ തിരിച്ചേല്‍പ്പിക്കുകയുമാണ് വേണ്ടത്.

Murali said...

@ഫൈസല്‍ കൊണ്ടോട്ടി,

വിലക്കയറ്റം അടക്കം ധാരാളം ദൂരവ്യാപക പ്രശ്നങ്ങള്‍ സൃഷ്ടിക്കപ്പെടുന്ന പെട്രോളിയം വില പോലുള്ള കാര്യങ്ങളില്‍ സര്‍ക്കാര്‍ വിപണിയില്‍ തീരെ ഇടപെടാതിരിക്കുന്ന ഒരു അവസ്ഥ ഒരു ജനാധിപത്യ വ്യവസ്ഥയില്‍ ആശ്യാസകാരം ആണോ

ആശാസ്യമാണ് എന്നുമാത്രമല്ല, സര്‍കാര്‍ ഇടപെടല്‍ കൂടുതല്‍ പ്രശ്നങ്ങള്‍ - ക്ഷാമവും വിലക്കയറ്റവും, കരിഞ്ചന്തയും മറ്റും - സൃഷ്ടിക്കുകയേ ഉള്ളൂ. അമേരിക്കയില്‍ നിക്സ്ന്റെ കാലത്ത് വിലനിയന്ത്രണം പരീക്ഷിച്ചതാണ്. ടോയ്‌ലറ്റ് പേപ്പറിനുവരെ ക്ഷാമമുണ്ടായതല്ലാതെ ഒരു ഗുണവും ഉണ്ടായില്ല. വിലനിയന്ത്രണം വ്യാപകമായി നടപ്പിലിരുന്ന സോവിയറ്റ് യൂണിയനില്‍ റൊട്ടിക്കുപോലും ക്ഷാമമായിരുന്നു. കമ്പോളത്തിന്റെ fundamental variables എന്നുപറയാവുന്നത് supply, demand, pricing എന്നിവയാണ്. ഇതില്‍ ഒന്നില്‍ കൂടുതല്‍ variables-നെ ഒരേ സമയം നിയന്ത്രിക്കുക എന്നത് അസാധ്യമായ കാര്യമാണെന്നത് ഒരു അടിസ്ഥാന നിയമമാണ്. ഇതിനെ ലംഘിച്ചാല്‍ അപ്രതീക്ഷിതമായ പ്രത്യാഘാതങ്ങളാണ് ഉണ്ടാകുന്നത്. സര്‍ക്കാര്‍ നിയന്ത്രണം വേണം എന്ന് വാദിക്കുന്നത് അതേര്‍പ്പെടുത്തുന്ന ഉദ്യോഗസ്ഥന്മാര്‍ക്ക് (ഡല്‍ഹിയിലും തിരുവനന്തപുരത്തും മറ്റും താമസിക്കുന്ന, കമ്പോളങ്ങളില്‍ നിന്നും പ്രകാശവര്‍ഷം അകലെ ഇരിക്കുകയും ചെയ്യുന്ന) കമ്പോളത്തില്‍ പ്രവര്‍ത്തിക്കുകയും, അതിന്റെ ചെറിയചലനങ്ങള്‍ പോലും മനസ്സിലാക്കുകയും ചെയ്യുന്ന വ്യാപാരികളെയും വ്യവസായികളെയുംകാള്‍ വിവരം (അതൊരു സൂപ്പര്‍ ഹ്യൂമന്‍ എബിലിറ്റി തന്നെ) ഉണ്ടെന്ന് സമ്മതിക്കുന്നതാണ്. ഇത് വെറും മൌഢ്യമാണെന്ന് പറയേണ്ടതില്ലല്ലോ.

Murali said...

ഒന്നുകൂടി - വില നിയന്ത്രണം എന്നത് സാമ്പത്തിക ഫാസിസം ആണ്. കമ്മ്യൂണിസ്റ്റുകള്‍ സമ്പദ് വ്യവസ്ഥയുടെ പൂര്‍ണ്ണമായ ഗവണ്മെന്റ് ഉടമസ്ഥതക്ക് നിലകൊള്ളുമ്പോള്‍ ഫാസിസ്റ്റുകള്‍ പൂര്‍ണ്ണ നിയന്ത്രണം കൊണ്ട് തൃപ്തിപ്പെടുന്നു. രണ്ടും പക്ഷെ തീവ്ര ഇടതുപക്ഷ ആശയങ്ങള്‍ തന്നെ(ഫാസിസം ഒരു തീവ്ര വലതുപക്ഷ ചിന്താഗതിയാണ് എന്ന തെറ്റിദ്ധാരണ വ്യാപകമാണ്).

Joker said...

കെ.പി.എസിന്റെ ആ പോസ്റ്റില്‍ സാമ്പത്തിക സമത്വം ഉണ്ടാക്കുക എന്നുള്ളത് സര്‍ക്കാറിന്റെ ജോലിയല്ല എന്നൊക്കെ എഴുതി പിടിപ്പിച്ചിട്ടുണ്ട്. അദ്ദേഹത്തിന് ഇന്ത്യന്‍ ഭരണ ഘടന അറിയില്ല എന്നാണ് തോന്നുന്നത്. കമന്റ് ഇടാന്‍ നോക്കിയ്യപ്പോള്‍ ‘ജനാധിപത്യ‘ മര്യാദ അനുസരിച്ച് നമ്മളെയൊന്നും അനുവദിക്കുന്നുമില്ല. കഷ്ടം.

Murali said...

കെ.പി.എസിന്റെ ആ പോസ്റ്റില്‍ സാമ്പത്തിക സമത്വം ഉണ്ടാക്കുക എന്നുള്ളത് സര്‍ക്കാറിന്റെ ജോലിയല്ല എന്നൊക്കെ എഴുതി പിടിപ്പിച്ചിട്ടുണ്ട്. അദ്ദേഹത്തിന് ഇന്ത്യന്‍ ഭരണ ഘടന അറിയില്ല എന്നാണ് തോന്നുന്നത്.
ഭരണഘടനയുടെ 42-ആം ഭേദഗതിയെക്കുറിച്ചാണ് ജോക്കര്‍ ഉദ്ദേശിക്കുന്നതെന്ന് തോന്നുന്നു. ആ ഭേദഗതി അടിയന്തിരാവസ്ഥക്കാലത്ത് ഇന്ദിരാഗാന്ധി പിന്‍‌വാതിലിലൂടെ കൊണ്ടുവന്നതാണ്. ജനാധിപത്യത്തിന്റെയും സ്വതന്ത്ര സമൂഹവ്യവസ്ഥയുടെയും അന്തസ്സത്തക്ക് നിരക്കാത്ത പലതും അതിലുണ്ട്. അതിലൊന്നാണ് ‘സോഷ്യലിസം’ റിപ്പബ്ലിക്കിന്റെ അടിസ്ഥാന പ്രമാണങ്ങളില്‍ ഒന്നാക്കിയത്. ഈ ഭേദഗതിയുടെ ചുവടുപിടിച്ചാണ് രാജീവ് ഗാന്ധിയുടെ കാലത്ത് ജനപ്രാതിനിധ്യ നിയമത്തില്‍ അത്യന്തം ദുരുപദിഷ്ടമായ ഈ ഭേദഗതി വരുത്തിയത്: ഏതൊരു പാര്‍ട്ടിക്കും അംഗീകാരം ലഭിക്കണമെങ്കില്‍ അതിന്റെ ഭരണഘടനയില്‍ സോഷ്യലിസത്തോട് കൂറുപുലര്‍ത്തുന്നതായി പ്രഖ്യാപിക്കണം. ഇത് ശരിയായ അര്‍ഥത്തില്‍ ഒരു political apartheid ആണ്. ഇന്ന് താക്കറേയുടെ സേനകള്‍ക്കും പോപ്പുലര്‍ ഫ്രണ്ടിനുമൊക്കെ രാഷ്ട്രീയപ്പാര്‍ട്ടികളായി രജിസ്റ്റര്‍ ചെയ്യപ്പെടാം. പക്ഷേ ഒരു ലിബര്‍ട്ടേറിയന്‍ പ്ലാറ്റ്ഫോം ഉള്ള (പഴയ സ്വതന്ത്രാ പാര്‍ട്ടിപോലെ) ഒരു പാര്‍ട്ടിക്കും രാഷ്ട്രീയപ്രവര്‍ത്തനം നടത്തുവാന്‍ അവകാശമില്ല! രാഷ്ട്രീയപ്പാര്‍ട്ടികള്‍ ഏതെങ്കിലും ഒരു പൊളിറ്റിക്കല്‍ ഫിലോസഫിയോട് കൂറുപുലര്‍ത്തണമെന്ന നിബന്ധന അങ്ങേയറ്റം ഏകാധിപത്യപരമാണ്.

ഭരണഘടന എന്നത് വളരെ പ്രധാനപ്പെട്ട, രാഷ്ട്രത്തിന്റെ ഗതിവിഗതികള്‍ നിയന്ത്രിക്കുന്ന ഒരു രേഖയാണ്. പക്ഷെ അതിനെ മതങ്ങള്‍ വേദപുസ്തകങ്ങളെ കാണുന്നതുപോലെ കാണുന്നത് അപകടകരമാണ്.

പാരസിറ്റമോള്‍ said...

മുരളിയുടെ അഭിപ്രായങ്ങള്‍ക്ക് താഴെ ഒരൊപ്പ്